இந்தியாவில் மாற்றத்தை விரும்பும் ஆட்சியாளர்களின் கவனத்திற்கு மக்களின் வேண்டுகோள்!!

First topic message reminder :

கடந்த செவ்வாய்க்கிழமை நள்ளிரவு முதல் பழைய 500, மற்றும் 1000 ரூபாய் நோட்டுகள் செல்லாது என்று அதிரடியாக அறிவித்து நாடுமுழுவதும் உள்ள அப்பாவி மக்களின் வெறுப்பையும், அதிருப்தியையும் பெற்றுக்கொண்டது பிரதமர் மோடி அவர்களின் மத்திய அரசு. விளைவுகளை ஆராயாமல் தெளிவான திட்டமிடப்படாததே இதற்கு முக்கிய காரணம் என்பதை எடுத்துச் சொல்லி இந்திய மக்கள் பலர் சமூக வலைத்தளங்களில் பிரதமர் மோடியை விமர்சிக்கத் தொடங்கியவுடன், இதை விசாரித்த உச்சநீதி மன்றமும் இதை கண்டித்து "பொதுமக்களுக்கு இடையூறு இல்லாமல் நடந்துகொள்ள வேண்டும்" என்றும் "முன்னறிவிப்பில்லாமல் நடந்து கொண்டதற்கு பதிலளிக்க வேண்டும்" என்றும் மத்திய அரசுக்கு உத்தரவு பிறப்பித்துள்ளது வரவேற்கத் தகுந்தது.

அதே நேரத்தில், பிரதமர் மோடி அவர்களின் இந்த அதிரடியான, துணிச்சலான அறிவிப்பு இந்தியாவில் மாற்றத்தை விரும்பிய அனைவருக்கும் மகிழ்ச்சியளிக்கிறது என்பதில் எந்தவிதமான மாற்றுக் கருத்தும் யாருக்கும் இருக்க முடியாது. ஆனால், முன்னறிவிப்பில்லாமலும், கால அவகாசம் வழங்கப்படாமலும் இருந்ததே குழப்பத்திற்கும், அப்பாவி மக்களின் இயல்பு வாழ்க்கை பாதிக்கப்பட்டதற்கும் காரணமாக அமைந்துவிட்டது. இதன் காரணமாகவே இந்திய மக்கள் அனைவரும் மத்திய அரசை விமர்சிக்கத் தொடங்கினார்கள்.

டிவிட்டர், முகப்புத்தகம், தமிழ் கருத்துக்களங்கள் போன்ற சமூக வலைத்தளங்களின் உதவியாலேயே மோடி அவர்கள் பிரதமராக ஆட்சிக்கு வந்தார் என்பதை யாராலும் மறுக்க முடியாது. மேலும் சமூக வலைத்தள விமர்சகர்களின் பலமும் பிரதமர் மோடி அவர்களுக்கு நன்றாகத் தெரிந்திருந்தும் அதே சமூக வலைத்தள விமர்சகர்களின் விமர்சனத்திற்கும் இன்று ஆளாகிவிட்டாரே என்பதும் வருத்தமளிக்கிறது.

இதுபோன்ற பல சம்பவங்களால் ஓட்டுப்போடும் மக்களின் பலம் கொஞ்சம் கொஞ்சமாக தலை தூக்குகிறது என்பதும் மறுக்க முடியாத ஒன்றாகும். நடந்து முடிந்த சட்டமன்ற தேர்தலில் மக்களின் முடிவு யாரும் எதிர்பார்க்காத ஒன்றாக இருந்ததும் இதற்கு சான்றாகும். பலமான எதிர் கட்சியும், மக்களுக்கான பல நலத்திட்டங்களும் உருவாகியிருப்பது ஆரோக்கியமான அரசியலுக்கு வகை செய்திருக்கிறது. ஆனாலும், மக்களால் தேர்ந்தெடுக்கப்பட்ட ஆட்சியாளர்கள் வாக்கு சேகரிப்பதைத்தவிர வேறு எதற்கும் மக்களை பொருட்டாகவே நினைப்பதில்லை என்பதற்கு சமீபத்தில் நடந்த பல சம்பவங்கள் சாட்சியாக இருக்கின்றன.

சமீபத்தில் தமிழக முதல்வர் ஜெயலலிதா அவர்கள் உடல்நிலை சரியில்லாமல் மருத்துவமனையில் சிகிச்சை பெற்று வந்த நிலையில், ஆளாளுக்கு அடுத்த முதல்வர் நான்தான் என்று அதிகாரத்தை கையிலெடுக்க முயலுகிறார்கள். தமிழக அரசியலில் இதுபோன்ற செயல்கள் கண்டிக்கத்தக்கதாகும். ஒவ்வொரு தேர்தலின்போதும் ஓட்டுப்போடுவது மக்களின் கடமை என்றும், உரிமை என்று வாய்கிழிய பேசுகிறார்கள். ஆனால் ஐந்து ஆண்டுகளுக்கு ஒருமுறை ஓட்டுப்போடுவது மட்டும்தான் மக்களின் கடமையா? இடையில் ஏற்படும் சிக்கல்களையும், மாற்றங்களையும் முடிவு செய்யும் உரிமை மக்களுக்கு இல்லையா? அல்லது ஐந்தாண்டுகளுக்கு இடையில் ஆட்சி மாற்றம் ஏற்படும் சூழ்நிலை ஏற்பட்டால் மக்களிடம் கருத்தைக்கூட கேட்கக்கூடாது என்று ஏதாவது சட்டம் இருக்கிறதா? என்பது தெரியவில்லை. ஒருவேளை அப்படி இருந்தால் இது எப்படி மக்களாட்சியாக இருக்க முடியும்? என்பது கேள்விக்குறியாகிறது. எல்லா நேரங்களிலும் ஆட்சியாளர்களே முடிவெடுத்துக் கொள்ளவேண்டியதுதானே? ஏன் தேர்தல் நடத்த வேண்டும், ஏன் வீண் செலவு செய்ய வேண்டும்? என்று மக்கள் பலர் கேள்வி கேட்கத் தொடங்கியிருக்கிறார்கள்.

அரசியலுக்கும், ஆட்சிக்கும் வரத்துடிக்கும் அனைவரும் "இந்தியாவை வல்லரசாக்குவேன்! மாநிலத்தை முதல் மாநிலமாக்குவேன்! என்று புரட்சிக்குரல் கொடுப்பதைத்தான் கேள்விப்பட்டிருக்கிறோம். ஆனால் வல்லரசு என்றால் என்ன? முதல் மாநிலம் என்றால் எப்படி? என்பது இன்றுவரையில் என்னைப்போன்ற பலருக்கும் தெரியவில்லை. ஏனென்றால் இதெல்லாம் நடந்தால்தானே தெரிந்துகொள்வதற்கு? எனவே இதெல்லாம் ஏட்டுச்சுரைக்காயாகவே இருக்கிறது! அடுத்து வரும் சந்ததிகள் இதை உணர்வீர்கள் என்று நம்புகிறேன்.

எனக்கு நாற்பது வயதாகி விட்டது. இன்னும் 4 தேர்தலை என்னால் சந்திக்க முடியும் என்று நம்பிக்கையும் இருக்கிறது. அதன்பிறகு?.. அல்லது அதற்கு இடையில்?..... கடவுள்தான் முடிவு செய்யவேண்டும்! இந்திய பிரதமரே தனது உயிருக்கு உத்திரவாதம் இல்லை என்று பகிரங்கமாக குரல் கொடுக்கிறார் என்றால் நானெல்லாம் எம்மாத்திரம்? முகவரி தெரியாதவரையிலும், அடையாளம் தெரியாதவரையிலும்தான் என்னைப்போன்ற பலருக்கும் உத்திரவாதம்! ஒவ்வொரு மனிதனும் எவ்வளவு காலங்களுக்கு வாழ்ந்துவிடப்போகிறோம்? என்ன எடுத்துச்செல்லப் போகிறோம்? என்பதை உணரத்தொடங்கும் வரையில் இதேநிலைதான் நீடிக்கப் போகிறது! இதுதான் உலகம்! இதுதான் வாழ்க்கை! இதைத்தான் அனுபவிக்கவேண்டும்! மறுக்கவோ, மாற்றவோ நம்மால் முடியாது.

ஆனால், இந்தியாவில் மாற்றத்தை கொண்டுவரப்போகிறேன் என்றும், கருப்புப்பணத்தை ஒழிக்கப் போகிறேன் என்றும் பிரதமர் மோடி அவர்கள் துணிச்சலாக முன் வந்திருக்கும்போது அவருடன் ஒத்துழைக்க வேண்டியது இந்திய மக்களான நம் அனைவரின் கடமையாகும். ஆனால், வெறுமனே மோடி அவர்களின் செயல்களை மட்டும் ஆதரிக்காமல், மக்களின் சார்பாகவும் எனது பங்களிப்பாகவும் சில வேண்டுக்கோளை முன் வைக்க இருக்கிறேன். இதெல்லாம் பிரதமர் மோடி அவர்களுக்கும், அரசியல்வாதிகளுக்கும், கறுப்புப்பணம் வைத்திருப்பவர்களுக்கு சென்றடையுமா என்பது எனக்குத் தெரியாது. ஆனால் எனது பங்களிப்பை செய்துவிட்டதாக ஒரு நிம்மதி கிடைக்கும்.

நான் ஒரு திரைப்பட நடிகனாக இருந்தால் தொலைக்காட்சியில் பேட்டி கொடுக்கலாம், அதிகமான சொத்துக்கள் உள்ளவனாக இருந்தால் இதையெல்லாம் ஒரு திரைப்படமாக தயாரித்து வெளியிடலாம், அல்லது அழகிய பெண்ணாகப் பிறந்திருந்தால் எனது புகைப்படத்துடன் சமூக இணைய தளங்களிலும், யூடியூப்பிலும் வெளியிட்டு அனைவரது கவனத்தையும் என் மீது திருப்பலாம். ஆனால் இது எதற்குமே நான் தகுதி இல்லாதவனாக இருந்து விட்டேன்.

ஆனால், ஒன்றே ஒன்று மட்டும் என்னால் செய்ய முடியும். அரசியலில் போட்டியிட முடியும். அதற்குத்தான் எந்தத் தகுதியும் தேவை இல்லையே... ஆனால், படித்தவர்கள் மட்டும்தான் அரசியலில் பங்குபெற முடியும் என்று சட்டம் வரும்வரை என்னால் அதையும் செய்ய முடியாது. ஏனென்றால் முட்டாள்களுடன் வெகுதூரம் பயணிக்க முடியாது அல்லவா. எனவே என்னால் அரசியலில் நீண்ட காலம் பயணிக்க முடியாது. அரசியலில் பங்கு பெற்றால் நான் தவறுகளைத் திருத்தத் தொடங்கி விடுவேன். எல்லோரும் சேர்ந்து என்னைத் துரத்தத் தொடங்கி விடுவார்கள்! பிறகு போராட்டம்தான்! புரட்சிதான்! கடைசியில் அழிவுதான் மிஞ்சும். ஆனால் அதற்கான வயது எனக்கில்லையே... அது போகட்டும்.

பிரதமர் மோடி அவர்கள் கறுப்புப் பணத்தை ஒழிக்கப் போகிறேன் என்று தற்போது நடைமுறையில் இருந்த 500 மற்றும் 1000 ரூபாய் நோட்டுக்களை மாற்றி புதிய நோட்டுக்களாக வெளியிட்டிருக்கிறார். ஆனால் இந்த மாற்றம் மட்டும் போதாது.... இன்னும் பல மாற்றங்கள் செய்ய வேண்டும் என்ற மக்களின் கருத்தாக சில வேண்டுகோளை தொடர்ந்து இங்கும் இன்னும் பல சமூக வலைத்தளங்களிலும் முன்வைக்க இருக்கிறேன்.

பதிவை படித்தவர்களுக்கும், பங்கு பெறுபவர்களுக்கு நன்றி.!

தொடரும்!

கத்தியின்றி ரத்தமின்றி யுத்தம் ஒன்று வருகுது... என்று பாடியதைப் போல.

போட்டியின்றி பிரச்சாரமின்றி ஒருத்தர் தமிழகத்தில் முதல்வராகி வருகிறார். அவர்தான் தற்போதைய முதல்வர் ஓ.பன்னீர்செல்வம் அவர்கள். மறைந்த ஜெயலலிதாவால் அதிகாரப்பூர்வமாக முதல்வர் பொறுப்பில் அமர்த்தப்பட்டவர் இவர். எனவே இனிமேலும் தொடர்ந்து இவரே தமிழகத்தின் முதல்வராக செயல்படலாம். இதில் யாருக்கும் எந்த மாற்றுக்கருத்தும் இல்லை. ஆனால், வேறு யாருக்காவது தன்னுடைய முதல்வர் பதவியை வீட்டுக்கொடுத்தார் என்று சொன்னால், இவர் அரசியலுக்கே லாயக்கில்லை என்பதும், அதிகமான முறை முதல்வரானவர் என்ற வரலாற்றில் இடம் பிடிக்க முயற்சிக்கிறார் என்பது தெளிவாகிவிடும்...

காரணம், ஜெயலலிதாவுக்கு பிரச்சினை வரும் போதெல்லாம் இவர்தான் முதல்வரானார். ஆனால் அந்தப் பிரச்சினை இன்னும் முடிவுக்கு வரவில்லை. எனவே இவர் தன்னுடைய முதல்வர் பதவியை இப்போது யாருக்காவது விட்டுக்கொடுத்தால், சம்மந்தப்பட்ட நபருக்கு பிரச்சினை வரும்போதும் (கண்டிப்பாக வரும்) தன்னையே முதல்வராக நியமிப்பார், அதன் மூலம் மீண்டும் முதல்வர் பொறுப்பிற்கு வரமுடியும் என்ற நப்பாசைதான் காரணமாக இருக்க முடியும். எனவே திரு. ஓ.பன்னீர்செல்வத்திற்கு திறமை இருந்தால் தமிழகத்தில் ஆட்சி நடத்தி அதிமுகவை கட்டுக்குலையாமல் தூக்கி நிறுத்தலாம். அப்படி முடியவில்லையென்றால் எதிர்க்கட்சியிடம் பொறுப்பைக் கொடுத்துவிட்டு தமிழக அரசியலில் இருந்து ஒதுங்கி கொள்ளலாம். சந்துல சிந்து பாடுற வேலையெல்லாம் இனிமேல் இருக்கக் கூடாது.

இனிமேல் திரு.ஓ.பன்னீர்செல்வத்தை தற்காலிக/இடைக்கால முதல்வராக யாரும் நியமிக்கக் கூடாது. அப்படி நியமிக்கப்படுவதை தமிழக மக்கள் யாரும் அனுமதிக்கவும் மாட்டார்கள்!. திறமை இருந்தால் இந்த வாய்ப்பைப் பயன்படுத்தி மக்களுக்கு நல்லது செய்து, அடுத்தடுத்து போட்டியிட்டு, பிரச்சாரம் செய்து பொறுப்பிற்கு வரட்டும். ஆனால், திறமையில்லாத ஒருவரிடம் பொறுப்பைக் கொடுத்து தமிழகத்தை கையில் எடுக்க யாரும் முயற்சிக்கவும் வேண்டாம்!!

Pranav Jain wrote:இனிமேல் திரு.ஓ.பன்னீர்செல்வத்தை தற்காலிக/இடைக்கால முதல்வராக யாரும் நியமிக்கக் கூடாது. அப்படி நியமிக்கப்படுவதை தமிழக மக்கள் யாரும் அனுமதிக்கவும் மாட்டார்கள்!. திறமை இருந்தால் இந்த வாய்ப்பைப் பயன்படுத்தி மக்களுக்கு நல்லது செய்து, அடுத்தடுத்து போட்டியிட்டு, பிரச்சாரம் செய்து பொறுப்பிற்கு வரட்டும். ஆனால், திறமையில்லாத ஒருவரிடம் பொறுப்பைக் கொடுத்து தமிழகத்தை கையில் எடுக்க யாரும் முயற்சிக்கவும் வேண்டாம்!!

       
ரமணியன்

எந்த ஒரு கட்சிக்கும் அல்லது கூட்டணிகளுக்கும் அவர்களுக்கான தலைமையை தேர்ந்தெடுக்கும் அதிகாரம் அந்தக் கூட்டணிக் கட்சிகளின் அமைச்சர்களுக்கு உள்ளது. அவர்கள் யாரை வேண்டுமானாலும் முதல்வர் வேட்பாளராக முன்னிறுத்தலாம். இதில் எந்த மாற்றுக் கருத்தும் இல்லை. இதோடு நிறுத்திக்கொள்வது நாட்டில் சட்ட ஒழுங்கு சீர்குலையாமல் இருப்பதற்கு வழியாகும்.

ஆனால், ஒரு நாட்டின் முதல் அமைச்சரை தேர்ந்தெடுக்கும் அதிகாரம் மக்களுக்கு மட்டுமே இருக்கிறது.!

OMG ! .மிக அருமையாக இருக்கு, இப்பொழுது தான் படிக்க ஆரம்பித்துள்ளேன், பொறுமையாக முழுவதும் படித்து பதிவுகள் போடுகிறேன் பிரவணவ் ! ...மிக அருமை ...........

நன்றி @krishnaamma அவர்களே...

நிச்சயம் நீங்க ஏதாவது ஒரு கம்பெனியில் வேலை பார்ப்பவராகத்தான் இருக்க வேண்டும் சுய தொழில் செய்பவன் இந்த முட்டாளின் நடவடிக்கையை ஆதரிக்க மாட்டான்

அவரவர் கடமையை செய்ய அவரவருக்கு உரிமை உண்டு.
அதேபோல் கருத்தையும் வெளியிட உரிமை உண்டு..........

OPS ஐ தூக்கிவிட்டு EPS ஐ நியமித்த பதிவு இது. திரும்பிப் பார்க்கிறேன்...

//ஜெயலலிதாவுக்கு பிரச்சினை வரும் போதெல்லாம் இவர்தான் முதல்வரானார். ஆனால் அந்தப் பிரச்சினை இன்னும் முடிவுக்கு வரவில்லை. எனவே இவர் தன்னுடைய முதல்வர் பதவியை இப்போது யாருக்காவது விட்டுக்கொடுத்தால், சம்மந்தப்பட்ட நபருக்கு பிரச்சினை வரும்போதும் (கண்டிப்பாக வரும்) தன்னையே முதல்வராக நியமிப்பார், அதன் மூலம் மீண்டும் முதல்வர் பொறுப்பிற்கு வரமுடியும் என்ற நப்பாசைதான் காரணமாக இருக்க முடியும். எனவே திரு. ஓ.பன்னீர்செல்வத்திற்கு திறமை இருந்தால் தமிழகத்தில் ஆட்சி நடத்தி அதிமுகவை கட்டுக்குலையாமல் தூக்கி நிறுத்தலாம். சந்துல சிந்து பாடுற வேலையெல்லாம் இனிமேல் இருக்கக் கூடாது.//
மேற்கோள் செய்த பதிவு: 1229823

Pranav Jain wrote:நன்றி @krishnaamma அவர்களே...

மேற்கோள் செய்த பதிவு: 1230653


மன்னிக்கவும் இந்த திரியை மறந்தே போனேன்.............கடந்த வருடம் நான் பல மாதங்கள் இங்கு வரவே இல்லை, இன்னும் சில நாட்களில் முழுவதும் படித்து விட்டு,பதில் போடுகிறேன்............மிக நீண்ட தாமதத்துக்கு மன்னிக்கவும்  

அன்புடன்,
கிருஷ்ணாம்மா