ஐடியா கொடுத்தால் ரூ. 5,000 பரிசு; டில்லி அரசு அறிவிப்பு

**ayyasamy ram** · **ayyasamy ram** Tue Nov 08, 2016 7:05 am

புதுடில்லி:
காற்று மாசுபாட்டை கட்டுப்படுத்த உருப்படியான ஐடியா
கொடுப்பவர்களுக்கு ரூ.5,000 பரிசு வழங்கப்படும் என
டில்லி அரசு அறிவித்துள்ளது.

கடந்த 17 ஆண்டுகளில் இல்லாத வகையில் டில்லியில் கடந்த
சில தினங்களாக காற்று மாசு அதிகரித்துள்ளது. மேலும்,
கடுமையான பனிப்புகை மூட்டமும் நீடித்து வருகிறது.

இதனால், பொதுமக்களுக்கு கண் எரிச்சல், மூச்சுத்திணறல்
போன்ற பாதிப்புகள் ஏற்பட்டுள்ளன.

காற்றில் மாசுக்களின் அளவு பாதுகாப்பு வரம்பைவிட
அதிகரித்து வருவதால் உடல் நலத்திற்குப் பாதிப்பை
ஏற்படுத்தும் சூழல் உள்ளதாக சுற்றுச்சூழல் ஆர்வலர்கள்
கவலை தெரிவித்துள்ளனர்.

காற்று மாசுபாட்டை கட்டுப்படுத்த மத்திய, மாநில அரசுகள்
உடனடி நடவடிக்கை எடுக்க கோரி டில்லியின் பல்வேறு
பகுதிகளில் போராட்டங்கள் நடத்தப்பட்டு வருகின்றன.

முன்னெச்சரிக்கை நடவடிக்கையாக, பள்ளிகளுக்கு விடுமுறை
அளிக்கப்பட்டுள்ளது; நகரில் நடைபெற்று வரும் கட்டுமானப்
பணிகளுக்கும் தடை விதிக்கப்பட்டுள்ளது. பட்டாசு வெடிக்க
தடை விதிக்கப்பட்டுள்ளது.

இதுதொடர்பாக, ஆலோசனை நடத்துவதற்காக டில்லி முதல்வர்
அரவிந்த் கெஜ்ரிவால் தலைமையில் அமைச்சரவை கூட்டம்
நேற்று நடந்தது.

இந்நிலையில், காற்று மாசுபாட்டை கட்டுப்படுத்த உருப்படியான
ஐடியா கொடுப்பவர்களுக்கு தலா ரூ.5,000 பரிசு வழங்கப்படும்
என டில்லி அரசு அறிவித்துள்ளது.
-
-------------------------------
தினமலர்

**T.N.Balasubramanian** · **T.N.Balasubramanian** Tue Nov 08, 2016 11:35 am

அடேயப்பா ஐயாயிரம் ரூபாயா ? எவ்வளவு பெரிய மனசு ? இதை வாங்க க்யூவில் நின்று , யோசனைகள் கூறுவார்கள் என எதிர்பார்க்கிறாரா கெஜ்ரிவால்
ஒரு டெல்லி MLA வின் ஒரு நாள் சம்பளம் 70,000/- ( அடிப்படை சம்பளம் +மற்ற மாதாந்திர சலுகைகள், படிகள் )2.1 லக்ஷம் மாதம் பெறுகிறார்கள்.

ரமணியன்

ஐடியா கொடுத்தால் ரூ. 5,000 பரிசு; டில்லி அரசு அறிவிப்பு

ஐடியா கொடுத்தால் ரூ. 5,000 பரிசு; டில்லி அரசு அறிவிப்பு

Re: ஐடியா கொடுத்தால் ரூ. 5,000 பரிசு; டில்லி அரசு அறிவிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக