தமிழகத்தில் 3 தொகுதிகளுக்கு நவ.19ம் தேதி தேர்தல்

**ayyasamy ram** · **ayyasamy ram** Tue Oct 18, 2016 7:16 am

-
புதுடில்லி:
தஞ்சாவூர், அரவக்குறிச்சி மற்றும் திருப்பரங்குன்றம்
சட்டசபை தொகுதிகளில் வரும் நவ.,19ம் தேதி தேர்தல்
நடக்கும் என தேர்தல் ஆணையம் அறிவித்துள்ளது.

தமிழக சட்டசபைக்கு கடந்த மே மாதம் தேர்தல் நடந்தது.
அப்போது, தஞ்சாவூர் மற்றும் கரூரில் உள்ள அரவக்குறிச்சி
தொகுதியில் வாக்காளர்களுக்கு பணம் கொடுக்கப்
பட்டதாகவும், அதிகளவு பணம் புழங்கப்பட்டதாகவும் எழுந்த
புகாரின் பேரில் இரண்டு தொகுதிகளுக்கான தேர்தலை
ஒத்திவைத்த தேர்தல் ஆணையம், பின்னர் ரத்து செய்தது.

தொடர்ந்து திருப்பரங்குன்றம் தொகுதியில் அ.தி.மு.க.,
சார்பில் வெற்றி பெற்ற சீனிவேல் உடல்நலக்குறைவால்
காலமானார். இதனையடுத்து 3 தொகுதிகளுக்கும் தேர்தல்
நடத்தப்பட வேண்டிய சூழ்நிலை ஏற்பட்டது.

ஆனால் தேர்தல் தேதி எப்போது நடக்கும் என தேர்தல்
ஆணையம் அறிவிக்காமல் இருந்து வந்தது.

அக்., 26ல் வேட்புமனு தாக்கல் துவக்கம்:
-
இந்நிலையில், தஞ்சாவூர், அரவக்குறிச்சி மற்றும்
திருப்பரங்குன்றம் தொகுதிகளுக்கு நவம்பர் 19ம் தேதி தேர்தல்
நடக்கும் என தேர்தல் ஆணையம் அறிவித்துள்ளது.
இதற்காக அக்டோபர் 26ம் தேதி வேட்புமனுத்தாக்கல் துவங்கும்.
நவம்பர் 2ம் தேதி வேட்புமனு தாக்கல் செய்ய கடைசி தேதியாகும்.
நவ.,3ம் தேதி வேட்புமனு பரிசீலனை செய்யப்படுகிறது.
5ம் தேதி வேட்புமனு பரிசீலனை செய்யப்படும்.

இங்கு பதிவாகும் ஓட்டுக்கள் வரும் நவம்பர் 22ம் தேதி
எண்ணப்பட்டு, அன்றே முடிவு அறிவிக்கப்படும்.

-

**ayyasamy ram** · **ayyasamy ram** Tue Oct 18, 2016 7:16 am

புதுச்சேரியில் தேர்தல்:
-
இதேபோல் நெல்லித்தோப்பு தொகுதி எம்.எல்.ஏ.,வாக இருந்த
ஜான்குமார், முதல்வர் நாராயணசாமிக்காக தனது பதவியை
ராஜினாமா செய்தார். இதனையடுத்து, நெல்லித்தோப்பு தொகுதி
காலியானது. அங்கும் வரும் 19ம் தேதி தேர்தல் நடக்க உள்ளது.
இந்த தொகுதியில் முதல்வர் நாராயணசாமி போட்டியிட உள்ளார்.
-
---------------------------
தினமலர்

**M.Jagadeesan** · **M.Jagadeesan** Tue Oct 18, 2016 8:32 am

DMK , ADMK பணம் பட்டுவாடா செய்தார்கள் என்றுசொல்லி அரவக்குறிச்சி , தஞ்சாவூர் தொகுதி தேர்தல்களை தேர்தல் ஆணையம் ரத்து செய்தது .சுயேச்சையாகப் போட்டியிட்டவர்கள் என்ன பாவம் செய்தார்கள் ? அவர்கள் செலவுசெய்த பணத்தையெல்லாம் தேர்தல் ஆணையம் திரும்பக் கொடுக்குமா?

Sponsored content · Sponsored content

தமிழகத்தில் 3 தொகுதிகளுக்கு நவ.19ம் தேதி தேர்தல்

தமிழகத்தில் 3 தொகுதிகளுக்கு நவ.19ம் தேதி தேர்தல்

Re: தமிழகத்தில் 3 தொகுதிகளுக்கு நவ.19ம் தேதி தேர்தல்

Re: தமிழகத்தில் 3 தொகுதிகளுக்கு நவ.19ம் தேதி தேர்தல்

Re: தமிழகத்தில் 3 தொகுதிகளுக்கு நவ.19ம் தேதி தேர்தல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக