தமிழக காங்., தலைவரானார் திருநாவுக்கரசர்

புதுடில்லி:
தமிழக காங்கிரஸ் தலைவராக திருநாவுக்கரசர்
நியமிக்கப்பட்டுள்ளார்.

தமிழக காங்., தலைவராக இருந்த இளங்கோவன்,
சட்டசபை தேர்தலில் கட்சி தோல்விக்கு பொறுப்பேற்று
கடந்த சில மாதங்களுக்கு முன்பு ராஜினாமா செய்தார்.

இதன் பிறகு புதிய தலைவர் நியமிக்கப்படவில்லை.
இதனால், தலைமை இல்லாமல், 4 மாதங்களாக கட்சி
செயல்பட்டு வந்தது. விரைவில் உள்ளாட்சி தேர்தல் நடை
பெற உள்ள நிலையில், புதிய தலைவரை உடனடியாக
நியமிக்க வேண்டும் என தொண்டர்கள் கட்சி மேலிடத்தை
வலியுறுத்தி வந்தனர்.

புதிய தலைவர் பதவிக்கு சிதம்பரம், பீட்டர் அல்போன்ஸ்
என பலரது பெயர்கள் வெளியாகி வந்தன. இந்நிலையில்,
தமிழக காங்கிரஸ் தலைவராக திருநாவுக்கரசர் நியமிக்கப்
பட்டுள்ளதாக டில்லியில், அக்கட்சியின் பொதுச்செயலாளர்
ஜனார்த்தன் திவேதி அறிவித்துள்ளார்.

திருநாவுக்கரசர், தெலுங்கானா மாநில காங்கிரஸ் கட்சி
பொறுப்பாளராக பதவி வகித்து வந்தார்.
தன்னை தலைவராக நியமித்ததற்கு சோனியாவுக்கும்,
ராகுலுக்கும் திருநாவுக்கரசர் நன்றி தெரிவித்துள்ளார்.

புதிய தலைவராக நியமிக்கப்பட்டுள்ள திருநாவுக்கரசருக்கு
வாழ்த்து தெரிவித்துள்ள இளங்கோவன், கட்சியை முன்னெடுத்து
செல்ல வேண்டும். அனைவரையும் ஒருங்கிணைத்து செல்ல
வேண்டும் எனக்கூறியுள்ளார்.

திருநாவுக்கரசர், கடந்த 1977 முதல் 1980 வரை தமிழக
சட்டசபை துணை சபாநாயகராக பதவி வகித்துள்ளார்.
பின்னர் 1980 முதல் 87 வரை எம்.ஜி.ஆர்., ஆட்சியில் அமைச்சராக
பதவி வகித்துள்ளார். லோக்சபா உறுப்பினராகவும், 6 முறை
எம்.எல்.ஏ.,வாகவும் பதவி வகித்துள்ளார்.

திருநாவுக்கரசர், வாஜ்பாய் ஆட்சியின் போது, மத்திய
இணையமைச்சராக பதவி வகித்தார். பின்னர், 2009ல்
பா.ஜ.,விலிருந்து விலகி, காங்கிரசில் சேர்ந்தார்.
-
------------------------------------------
தினமலர்

தமிழ்நாடு காங்கிரஸ் தலைவராக EVKS இருந்தபோது ஒரு கலகலப்பு இருந்தது . இனி அப்படி இருக்காது . அந்த திருநாவுக்கரசர் ஒருதடவைதான் கட்சி மாறினார் ; இந்த திருநாவுக்கரசரோ கட்சி மாறுவதையே தொழிலாகக் கொண்டவர் . என்ன செய்கிறார் பார்ப்போம் .

தமிழக காங்கிரஸ்---திருத்தவே முடியாது .
இன்னும் இரெண்டு நாட்கள் பொறுக்கவும்.
திருநா வுக்கு எதிராக மகஜர் போகப்போகிறது .
EVKS மாதிரி பொறுக்கித்தனமாக பேசமாட்டார்  என நம்புவோம் .
வாழ்த்துகள், திருநா .
பெயர்மாற்றத்திற்கு பிறகு , இவ்வளவு வருடங்களுக்குப் பிறகு , காற்று உங்கள் பக்கம் .
(என்ன நியூமராலஜியோ ???)

ரமணியன்

இன்னும் யாரவது பாக்கி இருக்கீங்களா ....

M Jagadeesan wrote:தமிழ்நாடு காங்கிரஸ் தலைவராக EVKS இருந்தபோது ஒரு கலகலப்பு இருந்தது .

EVKS என்றால் நீங்கள் EVKS இளங்கோவனை கூறுகிறீர்கள் .

யாராக இருந்தாலும், கைகலப்பு /துணி கிழிப்பு நிரந்தரமாக இருக்கும், தமிழக காங்கிரசில் .
தலைமைக்கு இருக்கவேண்டிய பெருந்தன்மை, பேச்சில் நாகரீகம் அவரிடம் இல்லை .
EVK சம்பத்தின் மகனா இவர் என ஆச்சரியப்படும் அளவிற்கு இருந்த காலகட்டமும் உண்டு .

ரமணியன்

இருந்தவர்களுக்கே பதவிஅளிப்பதை விட்டு புதியவர்களுக்கு வாய்ப்பு கொடுத்திருக்கலாம்.பழையகஞ்சி பழையகஞ்சிதான்.அரசியலுக்கும் வயதுவரம்பு பணிக்கால வரம்பும் வகுத்து விதித்தால் நல்லது எனலாம். நிதிஅமைச்சருக்கு சிதம்பரத்தை விட்டால் வேறு யாரும் இல்லைஎன்பது போல இருக்க கூடாதுங்க>>>>

T.N.Balasubramanian wrote:

M Jagadeesan wrote:தமிழ்நாடு காங்கிரஸ் தலைவராக EVKS இருந்தபோது ஒரு கலகலப்பு இருந்தது .

EVKS என்றால் நீங்கள் EVKS இளங்கோவனை கூறுகிறீர்கள் .

யாராக இருந்தாலும், கைகலப்பு /துணி கிழிப்பு நிரந்தரமாக இருக்கும், தமிழக காங்கிரசில் .
தலைமைக்கு இருக்கவேண்டிய பெருந்தன்மை, பேச்சில் நாகரீகம் அவரிடம் இல்லை .
EVK சம்பத்தின் மகனா இவர் என ஆச்சரியப்படும் அளவிற்கு இருந்த காலகட்டமும் உண்டு .

ரமணியன்

மேற்கோள் செய்த பதிவு: 1221888

உண்மைதான் ! தந்தைக்கு ஏற்ற தனயன் இல்லை ! தடாலடியாகப் பேசி வம்பு தும்புகளில் சிக்கிக் கொள்கிறார் .

" யாகாவா ராயினும் நாகாக்க " என்ற ஐயனின் அறிவுரை இவரைப் போன்ற ஆட்களுக்கே பொருந்தும் .