உலகுக்குப் பகையானேன்.

**M.Jagadeesan** · **M.Jagadeesan** Sat Jun 25, 2016 7:08 am

கண்ணே ! உன்னுடைய காந்தக் கண்களை
மானுக்கு ஒப்பிட்டால் மீனுக்குக் கோபம்
மீனுக்கு ஒப்பிட்டால் மானுக்குக் கோபம்.

கண்ணே ! உன்னுடைய கள்ளிருக்கும் கூந்தலை
நாகமெனச் சொன்னால் மேகம் கோபிக்கும்
மேகமெனச் சொன்னால் நாகம் கோபிக்கும் .

பால்வண்ணம் கொண்ட பச்சரிசிப் பற்களை
முல்லைஎனச் சொன்னால் முத்திற்குக் கோபம்
முத்துஎனச் சொன்னால் முல்லைக்குக் கோபம்.

வழுவழுப்பாய் இருக்கும் வஞ்சியே உன்கழுத்தை
சங்குஎனச் சொன்னால் நுங்கிற்குக் கோபம்
நுங்குஎனச் சொன்னால் சங்கிற்குக் கோபம்.

பொய்யோ மெய்யோ என்றிருக்கும் உன் இடையை
உடுக்கை எனச் சொன்னால் மின்னலுக்குக் கோபம்
மின்னல் எனச்சொன்னால் உடுக்கைக்குக் கோபம்.

மெத்தென்று இருக்கும் மோகினியே உன்னுடலை
பஞ்சிற்கு ஒப்பிட்டால் பட்டுக்குக் கோபம்
பட்டுக்கு ஒப்பிட்டால் பஞ்சிற்குக் கோபம்.

ஏந்திழையே ! உன்னுடைய ஏற்றமிகு கைவிரலை
காந்தளுக்கு ஒப்பிட்டால் வெண்டைக்குக் கோபம்
வெண்டைக்கு ஒப்பிட்டால் காந்தளுக்குக் கோபம்.

உம்பர் உலகமும் கண்டிரா உன்னழகை
ரம்பைக்கு ஒப்பிட்டால் ஊர்வசிக்குக் கோபம்
ஊர்வசிக்கு ஒப்பிட்டால் ரம்பைக்குக் கோபம்.

உன்னை வர்ணித்து உலகுக்குப் பகையானேன்
என்னை விட்டுவிடு என்வழியே செல்கின்றேன்.

**krishnaamma** · **krishnaamma** Mon Jun 27, 2016 12:55 am

உங்கள் கவிதையை படித்ததும் எனக்கு இந்த பாடல் தான் நினைவுக்கு வந்தது ஐயா புன்னகை

**M.Jagadeesan** · **M.Jagadeesan** Mon Jun 27, 2016 11:25 am

வீணை S . பாலச்சந்தர் அவர்களின் பொம்மை படத்தில் இந்தப் பாடல் வருகிறது .சஹானா இராகத்தில் அமைந்த இப்பாடலை மனதில் வைத்துத்தான் அந்தக் கவிதை எழுதினேன் .

Great Men think alike என்று சொல்வார்கள் . என் கவிதையைப் படித்தவுடன் , இந்தப் பாடல் உங்கள் நினைவுக்கு வந்தது அதிசயம்தான் . L . விஜயலட்சுமியின் நளினமான பாரத நாட்டியம் எவ்வளவு அழகு !

குடியிருந்த கோயில் என்னும் படத்தில் , இவருடன் சேர்ந்து நடனமாட ( ஆடலுடன் பாடலைக் கேட்டு ) MGR அவர்களே பயப்பட்டதாக சொல்வார்கள் . அவ்வளவு திறமை வாய்ந்தவர் !

**krishnaamma** · **krishnaamma** Tue Jun 28, 2016 12:13 am

M.Jagadeesan wrote:வீணை S . பாலச்சந்தர் அவர்களின் பொம்மை படத்தில் இந்தப் பாடல் வருகிறது .சஹானா இராகத்தில் அமைந்த இப்பாடலை மனதில் வைத்துத்தான் அந்தக் கவிதை எழுதினேன் .

Great Men think alike என்று சொல்வார்கள் . என் கவிதையைப் படித்தவுடன் , இந்தப் பாடல் உங்கள் நினைவுக்கு வந்தது அதிசயம்தான் . L . விஜயலட்சுமியின் நளினமான பாரத நாட்டியம் எவ்வளவு அழகு !

குடியிருந்த கோயில் என்னும் படத்தில் , இவருடன் சேர்ந்து நடனமாட ( ஆடலுடன் பாடலைக் கேட்டு ) MGR அவர்களே பயப்பட்டதாக சொல்வார்கள் . அவ்வளவு திறமை வாய்ந்தவர் !

மேற்கோள் செய்த பதிவு: 1212782

மிக்க நன்றி ஐயா புன்னகை

.
.
ஆமாம் அந்த பாடலும் மிக அருமையாக இருக்கும் புன்னகை

......அதையும் போடறேன் இங்கு புன்னகை

**krishnaamma** · **krishnaamma** Tue Jun 28, 2016 12:15 am

Sponsored content · Sponsored content

உலகுக்குப் பகையானேன்.

உலகுக்குப் பகையானேன்.

Re: உலகுக்குப் பகையானேன்.

Re: உலகுக்குப் பகையானேன்.

Re: உலகுக்குப் பகையானேன்.

Re: உலகுக்குப் பகையானேன்.

Re: உலகுக்குப் பகையானேன்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக