”இருசொல் அலங்காரம்” !

First topic message reminder :

ஒருத்தன்கிட்ட ”கால்ல எப்படி அடிபட்டுச்சின்னு?” நண்பன் கேட்டானாம்
அதே நேரம் இன்னொரு நண்பன் ”நீ எந்த ஊருக்கு போகணும் ” என்று கேட்டானாம்.
இரண்டுக்கும் ஒரே பதில்தான்...அது என்னன்னு சொல்லுங்க...

“செங்கல் பட்டு”

இலக்கியத்தில் ”இருசொல் அலங்காரம்” என்று சொல்கிறார்கள்.இரண்டு கேள்விகளுக்கு ஒரு பதிலாயிருந்தால் அது இருசொல் அலங்காரம் எனப்படுகிறது.மூன்று கேள்விகளுக்கு ஒரே பதிலாகி வந்தால் அது “முச்சொல் அலங்காரம்’ எனப்படுகிறது.

1. சாம்பார் மணப்பது எதனாலே,
பெரும் படை அவதியுறுவது  எதனாலே ?

விடை: பெருங்காயத்தால்  

2. எருக்கம் இலை பழுப்பதேன்,
எருமைக்  கன்று சாவதேன்?

விடை: பால் வற்றி............


3. உடம்பில் வியாதிகள் பெருகுவதேன்?
குடும்பச் செலவு கூடுவதேன்?

'விடை:'உழைப்பின்றி!''.

4. நெல் அளப்பதும் எதனாலே ?
நொண்டி நடப்பதும் எதனாலே ?

மரக்காலால் .

5. அச்சு வண்டி ஒடுவதேன்
மச்சான் உறவாடுவதேன்.

விடை :- அக்காளைக் கொண்டு (அக் காளையைக் கொண்டு ;
அக்காவைக் கொண்டு)

6.அரக்கு பொன்னிறம் ஆவதேன்
அனுமார் இலங்கைக்கு போனதேன்?

விடை :- அரிதாரம் ( சாயம்; அரியின் தாரம்... (ராமர் அரியின் அவதாரம் தானே))

7.கீரை விதைப்பதேன்
கிழோர் செல்வரைச் சுற்றுவதேன்?

விடை :- (பிடுங்கித் தின்ன ( கீரையைப் பிடுங்கித்தின்ன; பணக்காரர்களை பிடுங்கித்தின்ன)

8.சந்தனம் சிறந்தது ஏன்?
சொந்த உறவு துறந்ததது ஏன்?

விடை :- பூசலாலே (சந்தனம் பூசுவதாலே;சண்டையினாலே)


* இதுபோல நிறைய படிக்க ஆசை.......Guest இருந்தால் பகிருங்கள் !

T.N.Balasubramanian wrote:அப்பிடியா !
ஆலிலை படுக்கை கிருஷ்ணருக்கு பிரளய காலத்தில் மட்டுமேவா அல்லது தினசரியேவா ?

ரமணியன்  

கேட்டுத்தான் சொல்லணும் ஐயா ...............சும்மா கலாட்டாக்கு சொன்னேன்...........பிரளய காலத்தில் மட்டும் என்று தான் சொல்வார்கள் ஐயா, தினசரிக்கு அவருக்கு சூப்பர் வாட்டர் பெட் இருக்கே

ayyasamy ram wrote:
மானிடர் அவையத்தில் சிறந்தது என்ன?
மாரிக்காலத்தில் தோன்றுவது என்ன?
மகராசர் சவுக்கியத்திற்கு விரும்பு கருவி என்ன?

<அம்பகம்> அம்பகம் என்றால் கண் ;
அம்பகம் என்றால் காளான் ;
அம்பு கூட்டல் அகம் - அம்புறாத்துணி)

எனக்கு இந்த இரண்டு அலங்காரங்களும் பிடிச்சிருக்கு...
இது மாதிரி 403 அலங்காரங்கள் அந்த சிறிய புத்தகத்தில்
இருக்கிறது.
-
----------------------
படித்ததில் பிடித்தது

நீங்க போட்ட இரண்டுமே சூப்பர் அண்ணா

T.N.Balasubramanian wrote:அந்த காலத்தில் கலைமகள் என்றொரு பத்திரிகை வந்து கொண்டு இருந்தது .
அதில் ஆசிரியர்  கி வ ஜ (விடையவன் ) அவர்களின்  கேள்வி பதில் ரசித்து அனுபவிக்கத் தக்க
முறையில் இருக்கும் . பல பதில்கள் சிலேடையாக பதிலளித்திருப்பார் . இலக்கண விளக்கங்கள் ,
பழைய கவிதைகள் பற்றிய அரிய தகவல்கள் அவர் தந்திருப்பார் .  பொன்னான காலம் .

ரமணியன்

மேற்கோள் செய்த பதிவு: 1212571

இணையத்தில் தேடியதில், விடையவன் விடைகள் என்ற புத்தகம் கிடைத்தது. மேலெழுந்தவாரியாகப் பார்த்ததில் சிலேடை பதில்கள் தென்படவில்ல. மின்னூல்கள் தரவிறக்கம் பகுதியில் போட்டிருக்கிறேன். தகவல் தந்தமைக்கு மிக்க நன்றி ஐயா.

இணையத்தில் ஏன் தேடவேண்டும் ?  நாமே கொஞ்சம் யோசித்தால் , புதிய இருசொல் அலங்காரங்களை உருவாக்கலாமே !

prajai wrote:

T.N.Balasubramanian wrote:அந்த காலத்தில் கலைமகள் என்றொரு பத்திரிகை வந்து கொண்டு இருந்தது .
அதில் ஆசிரியர்  கி வ ஜ (விடையவன் ) அவர்களின்  கேள்வி பதில் ரசித்து அனுபவிக்கத் தக்க
முறையில் இருக்கும் . பல பதில்கள் சிலேடையாக பதிலளித்திருப்பார் . இலக்கண விளக்கங்கள் ,
பழைய கவிதைகள் பற்றிய அரிய தகவல்கள் அவர் தந்திருப்பார் .  பொன்னான காலம் .

ரமணியன்

மேற்கோள் செய்த பதிவு: 1212571

இணையத்தில் தேடியதில், விடையவன் விடைகள் என்ற புத்தகம் கிடைத்தது. மேலெழுந்தவாரியாகப் பார்த்ததில் சிலேடை பதில்கள் தென்படவில்ல. மின்னூல்கள் தரவிறக்கம் பகுதியில் போட்டிருக்கிறேன். தகவல் தந்தமைக்கு மிக்க நன்றி ஐயா.

மேற்கோள் செய்த பதிவு: 1213193

நன்றி பிரஜை !
விடையவன் --இலக்கண /இலக்கிய சந்தேக விளக்கங்களோ ?  ஒரு வேளை வேறொரு தலைப்பில் ,
அவரது சமய சந்தர்ப்ப சிலேடைகள் பதிவாக வந்து இருக்கலாம் .அதை படித்து இருப்பேன் . நீங்கள் கூறுவது சரியாக இருக்கலாம் . இளம் வயதில் படித்து ரசித்தது . இப்போது தவறாக மேற்கோள் காட்டி இருக்கலாம் .
எப்பிடி இருப்பினும் , விடையவன் பதில்கள் ,ஆர்வத்தை தூண்டுவதாக .அறிவை வளர்ப்பதாகவே இருக்கும் .
சரியா ?
மீண்டும் நன்றி .

ரமணியன்

@prajai

T.N.Balasubramanian wrote:
எப்பிடி இருப்பினும் , விடையவன் பதில்கள் ,ஆர்வத்தை தூண்டுவதாக .அறிவை வளர்ப்பதாகவே இருக்கும் .
சரியா ?
@prajai

மேற்கோள் செய்த பதிவு: 1213197

உண்மைதான் ஐயா. இவ்வளவு விசாலமான புலமை இருந்தாலும், அவரது எளிமையான அணுகுமுறை என்னை மிகவும் கவர்ந்தது. எடுத்துக்காட்டாக --- நீங்கள் “தமிழ் அறிவோம்” திரியில் பங்குகொண்டு வருவதால் ---  


“156. தொடங்கும், துவங்கும் --  இவற்றில் எது சரி?

தொடங்கும் என்பதே இலக்கியத்தில் வருகிறது. உலக வழக்கில் துவங்கும் என்ற சொல்லும் வந்துவிட்டது. ஆதலின் இரண்டும் சரியே.”

prajai wrote:

T.N.Balasubramanian wrote:அந்த காலத்தில் கலைமகள் என்றொரு பத்திரிகை வந்து கொண்டு இருந்தது .
அதில் ஆசிரியர்  கி வ ஜ (விடையவன் ) அவர்களின்  கேள்வி பதில் ரசித்து அனுபவிக்கத் தக்க
முறையில் இருக்கும் . பல பதில்கள் சிலேடையாக பதிலளித்திருப்பார் . இலக்கண விளக்கங்கள் ,
பழைய கவிதைகள் பற்றிய அரிய தகவல்கள் அவர் தந்திருப்பார் .  பொன்னான காலம் .

ரமணியன்

மேற்கோள் செய்த பதிவு: 1212571

இணையத்தில் தேடியதில், விடையவன் விடைகள் என்ற புத்தகம் கிடைத்தது. மேலெழுந்தவாரியாகப் பார்த்ததில் சிலேடை பதில்கள் தென்படவில்ல. மின்னூல்கள் தரவிறக்கம் பகுதியில் போட்டிருக்கிறேன். தகவல் தந்தமைக்கு மிக்க நன்றி ஐயா.

நன்றி பிரஜை

M.Jagadeesan wrote:இணையத்தில் ஏன் தேடவேண்டும் ?  நாமே கொஞ்சம் யோசித்தால் , புதிய இருசொல் அலங்காரங்களை உருவாக்கலாமே !

உண்மைதான் ஐயா