நல்லவங்களுக்கு இருட்டுக்கடை அல்வா,கெட்டவங்களுக்கு அருவா.

சினிமா வசனம் தான். அதன் விளக்கம் என்ன?

1930 – 1940 களில் ராஜஸ்தானை சேர்ந்த பிஜிலி சிங் என்பவர் துவங்கி அதன் பின் கிருஷ்ணசிங் மற்றும் அவருடன் இணைந்து அடுத்த தலைமுறையை சேர்ந்தவர்கள் நடத்தி வருவதுதான் இந்த இருட்டுக்கடை.
திருநெல்வேலி நெல்லையப்பர் கோவில் அருகிலேயே உள்ள இக்கடை தொடக்கத்தில் ஒரே ஒரு காண்டா விளக்கு (மண்ணெண்ணெய் விளக்கு) மட்டும் வைத்து ஆரம்பிக்கப்பட்டதாம்.
மாலை ஐந்து மணியளவில் தொடங்கி சில மணி நேரம் திறந்திருக்கும் போது காண்டா விளக்கு காரணமாக இருட்டாக இருப்பதால் இந்தப் பெயர் வந்ததாக சொல்கிறார்கள்.

அருவாள் என்றதும் சினிமாவில் சொல்லப்படும் திருப்பாச்சி அருவாள் தான் நினைவுக்கும் வரும்.
சிவகங்கை மாவட்டம் திருப்புவனத்தில் உள்ள கிராமம் திருப்பாச்சேத்தி.சிவகங்கை சுதந்திரப் போராட்டத்தின் போது இப்பகுதியில் இருக்கும் கொல்லர்கள் மூலமாகத்தான் இங்கு போர் ஆயுதங்கள் செய்யப்பட்டன. மருது பாண்டியர்கள் சிவகங்கையை ஆண்ட சமயத்தில் வெள்ளையர்களை எதிர்த்து செய்த போரில் பயன்படுத்திய ஈட்டிகள், வீச்சு அரிவாள்கள், வெட்டுக்கத்திகள், பாதுகாப்பு கேடயங்கள் போன்றவை திருப்பாச்சேத்தியில் தான் தயாரிக்கப்பட்டன. திருப்பாச்சேத்தி என்ற இடத்தில் செய்யப்பட்டதால் திருப்பாச்சேத்தி அருவாள் எனப்படுகிறது.

ஆனால் திருப்பாச்சேத்தி என்று பெயர் வரக் காரணம் என்ன? தேவார காலத்தில் சைவர்களுக்கும் சமணர்களுக்கும் வாதம் நடைபெறுகிறது.சைவர்களும் சமணர்களும் போட்டியாக ஏடுகளை ஆற்றில் போடுகிறார்கள்.சமணர்களின் ஏடுகள் அடித்துச் செல்லப்பட்டு கரை ஒதுங்கிய இடமே திருப்பாச்சேத்தி ஆகும். திருப்பா சேர்ந்த இடம் திருப்பாச்சேத்தி நாளடைவில் திருப்பாச்சி ஆக மருவியது.

நல்ல பகிர்வு மூர்த்தி ............... ..மிக்க நன்றி !.....

நாடு கெட்டதும் பண்பு கெட்டதும் கற்பனை கதை @ திரைக்கதைகளால் தானே என்றால் மிகையாகாது>>சினிமா!!!

சுவையான விளக்கம் ! மிக்க நன்றி !!