நூற்றாண்டுகளில் வரலாறு

கிபி 10ம் நூற்றாண்டு என்ற காலப்பகுதி கி.பி. 901 தொடக்கம் கி.பி. 1000 வரையான காலப்பகுதியை குறிக்கிறது.

இக்காலத்தில் நடந்த சில முக்கிய நிகழ்வுகளை பார்ப்போம்;

மத்திய காலத்திய வெப்ப காலம் (Medieval Warm Period) ஆரம்பம்.

பைசன்டைன் பேரரசு தனது உன்னத நிலையை அடைந்தது.

பைசாந்தியப் பேரரசு (Byzantine Empire) என்பது, மத்திய காலத்தில், இன்று இஸ்தான்புல் என்று அழைக்கப்படும், கொன்சுதாந்தினோபிளைத் தலைநகரமாகக் கொண்டு விளங்கிய பேரரசைக் குறிக்கப் பயன்படுகின்றது.

அங்கு கிரேக்க மொழி பேசப்பட்டது. 19 ஆம் நூற்றாண்டிலிருந்து இப்பெயர் வழங்கி வருகின்றது. இது பொதுவாக மேற்கு ரோமப் பேரரசின் வீழ்ச்சிக்கு முந்திய காலத்தைக் குறிக்கிறது.

இது கிழக்கு ரோமப் பேரரசு என அழைக்கப்படுவதும் உண்டு. "பைசாந்தியப் பேரரசு" "கிழக்கு ரோமப் பேரரசு" போன்ற பெயர்கள் பிற்காலத்தில் வரலாற்று எழுத்தாளர்களால் உருவாக்கப்பட்டவை.

"ரோம", "பைசாந்திய" ஆகிய அடைமொழிகள் பிற்காலத்து வழக்காக இருந்தாலும், இந்த மாற்றம் ஒரு குறித்த நாளில் நிகழ்ந்தது அல்ல. பல கட்டங்களில் இது நிழ்ந்தது எனலாம்.

ஏழாம் நூற்றாண்டில் ஏற்பட்ட பைசாந்திய-அரபுப் போர்களின்போது பேரரசு பெருந் தோல்விகளைச் சந்திக்க நேர்ந்ததுடன், நிலப் பகுதிகளையும் இழந்தது. எனினும் 10 ஆம் நூற்றாண்டில், மசிடோனிய வம்சத்தின் ஆட்சியின் கீழ் ஐரோப்பா, நிலநடுக்கடல் பகுதிகள் ஆகியவற்றின் மிகப் பலம் பொருந்திய நாடாக மீண்டும் எழுச்சி பெற்றது.

தற்கால தெற்கு ஐக்கிய அமெரிக்காவில் மிசிசிப்பிய கலாசாரம் ஆரம்பமானது.

முதலாம் பராந்தக சோழன் பாண்டியர்களை தென்னிந்தியாவில் இருந்து இலங்கைக்குக் கலைத்தான் (910).

சுவீடனின் ஆளுமை கருங் கடல் வரை பரவியது.

இரண்டாம் தைலப்பா (973 - 997) என்பவனின் கீழ் சாளுக்கியர் மீண்டும் புகழ் பெறத் தொடங்கினர்.