காவி உடையணியாத கள்ளத்தவசி …விடுகதைகள்

**ayyasamy ram** · **ayyasamy ram** Wed 6 Apr 2016 - 14:47

1) காலையிலே கூவும் பட்சி, கந்தன் கொடியில்
காணும் பட்சி, குப்பையைக் கிளறும் பட்சி,
கொண்டையுடைய பட்சி – அது என்ன?
–
2) காவி உடையணியாத கள்ளத்தவசி
கரையோரம் கடுந்தவம் செய்கிறான் – அவன் யார்?
–
3) காளைக்குக் கழுத்து மட்டும் தண்ணீர் – அது என்ன?
–
4) காற்று இல்லாத கண்ணாடிக் கூண்டில்
மஞ்சக் கோழி மயங்கி கிடக்குது – அது என்ன?
–
5) காலில்லாதவன் வளைவான், நெளிவான்
காடு மேடெல்லாம் அலைவான் – அவன் யார்?
–
6) காற்றுக்குப் பருப்பான், அதே காற்றுக்கு
பறப்பான் – அவன் யார்?
–
7) காலைக்கடிக்கும் செருப்பல்ல,
காவல் காக்கும் நாயல்ல – அது என்ன?
–
8) காலையில் ஊதும் சங்கு, கறி சமைக்க
உதவும் சங்கு- அது என்ன?
–
9) காலில்லா பந்தலைக் காணக் காண
சந்தோஷம் – அது என்ன?
–
10) கையுண்டு, கழுத்துண்டு, தலையுண்டு
உயிரில்லை- அது என்ன?
–
====================================
விடை சொல்லுங்கள்