பார்வையாளர்களை கவர்ந்த 2,200 வகைகளில்இட்லி கண்காட்சி!

பார்வையாளர்களை கவர்ந்த 2,200 இட்லி கண்காட்சி !



சென்னை:உலக இட்லி தினத்தை முன்னிட்டு, புரசைவாக்கத்தில் நடந்த, 2,200 இட்லி கண்காட்சி, பார்வையாளர்களை கவர்ந்தது. சென்னை, கண்ணதாசன் நகரை சேர்ந்த இட்லி வியாபாரி இனியவன். கடந்த ஆண்டு, 1,000க்கும் மேற்பட்ட இட்லி கண்காட்சி நடத்திய அவர், நேற்று, 2,200 வகைகளில், இட்லி செய்து, புரசைவாக்கத்தில் உள்ள தனியார் திருமண மண்டபத்தில் மக்கள் பார்வைக்கு வைத்தார்.

கண்காட்சியை நீதிபதி வள்ளிநாயகம், வணிகர் சங்க தலைவர் வெள்ளையன் ஆகியோர் துவக்கி வைத்தனர். கண்காட்சி குறித்து அவர்கள் கூறுகையில், 'உடலுக்கு ஆரோக்கியமில்லாத, 'பீட்சா' போன்றவைக்கு முக்கியத்துவம் தரப்படும் இந்த காலத்தில், உடலுக்கு ஆரோக்கியம் தரும் இட்லியில், ருசியையும், புதுமையையும் படைக்க முடியும் என காட்டியுள்ளார்,இனியவன்' என்றனர்.

நடக்க உள்ள தேர்தலில், 100 சதவீத ஓட்டுப்பதிவை வலியுறுத்தி, ராஜேஷ் லக்கானி உருவத்தினாலான இட்லி, மழைநீர் சேகரிப்பு விழிப்புணர்வு, முன்னாள் ஜனாதிபதி அப்துல் கலாம், அன்னை தெரசா உருவம் என, பலதரப்பட்ட வகைகளில் இட்லிகள் செய்யப்பட்டிருந்தன.

பார்வையாளர்கள் கூறுகையில், 'இத்தனை வகை இட்லியை பார்க்கவே பிரமிப்பாக உள்ளது. 'பாஸ்ட்புட்' உணவை மட்டுமே விரும்பும் குழந்தைளை, ஆரோக்கிய உணவுக்கு மாற்ற, இங்குள்ள இட்லி வகைகள் உதவியாக இருக்கும். இது, வரவேற்க வேண்டிய முயற்சி'என்றனர்.

தினமலர்

கொஞ்ச நாளாய் இனியவனை காணுமே என்று பார்த்தேன்.......இந்த முயற்சி இல் இருந்தாரோ? ...............
.
.
.
.
@யினியவன்....

சகோதரி
குறைந்த பட்சம் 10 இட்லிகளின் செய்முறையை கூற முடியுமா?

அடேங்கப்பா

இட்லிக்குத் தொட்டுக்கொள்ள சிறந்தது

தேங்காய்ச் சட்னியா ? அல்லது மிளகாய்ப் பொடியா ?

M.Jagadeesan wrote:இட்லிக்குத் தொட்டுக்கொள்ள சிறந்தது

தேங்காய்ச் சட்னியா ? அல்லது மிளகாய்ப் பொடியா ?

ஆவி பறக்க இருக்கும் இட்லிக்கு தேங்காய் சட்னியும் , ஆறிய ( சிறு பயணங்களுக்கு எடுத்து போகும் பொது ) இட்லிக்கு பொடியும் என்னுடைய Favorite

ஆவி பறக்க என்றால் ஆவி பறக்க தான் ( இட்லிதட்டை என்னுடைய சாப்பாட்டு தட்டில் தான் போட்டு துணியை எடுக்க வேண்டும் என்று அக்காவிடம் சண்டை போட்ட காலம் உண்டு)

ராஜா wrote:( இட்லிதட்டை என்னுடைய சாப்பாட்டு தட்டில் தான் போட்டு துணியை எடுக்க வேண்டும் என்று அக்காவிடம் சண்டை போட்ட காலம் உண்டு) [/color]

இதுபோல் மனைவியிடம் சண்டை போட்ட அனுபவங்களை பகிருங்களேன் கொஞ்சம்

எந்த ஆவி பறக்கிறது என்று தெரிந்துவிடும்

யினியவன் wrote:

ராஜா wrote:( இட்லிதட்டை என்னுடைய சாப்பாட்டு தட்டில் தான் போட்டு துணியை எடுக்க வேண்டும் என்று அக்காவிடம் சண்டை போட்ட காலம் உண்டு) [/color]

இதுபோல் மனைவியிடம் சண்டை போட்ட அனுபவங்களை பகிருங்களேன் கொஞ்சம்

எந்த ஆவி பறக்கிறது என்று தெரிந்துவிடும்

மேற்கோள் செய்த பதிவு: 1199673


ஹஹஹஹஹா !

பொதுவாக  கல்யாணத்திற்கு முன்  ஆண்கள் ஒரு மாதிரி இருப்பதும் , 
ஆன பின்பு ஒரு மாதிரி இருப்பதும் , தொன்றுதொட்டு வரும் வழக்கம் தானே, ஆண்களே  !
இதையெல்லாம் பப்ளிசிடி பண்ணனுமா ?
முதலில் உரிமை எடுத்துக் கொள்கிறோம் .
பிறகு ,...மரியாதை .....மரியாதை .
ரமணியன்

அடேயப்பா....! கண்காட்சி எத்தனை நாட்களுக்காம்.... ? யாருக்கேனும் தெரியுமா....

krishnaamma wrote:கொஞ்ச நாளாய் இனியவனை காணுமே என்று பார்த்தேன்.......இந்த முயற்சி இல் இருந்தாரோ? ...............
.
.
.
.
@யினியவன்....