எனது இலங்கைப் பயணம் .

First topic message reminder :

எனது இலங்கைப் பயணம்
=========================
சென்ற டிசம்பர்த் திங்கள் 23 ம் நாள் முதல் ஜனவரி - 2016 ம் திங்கள் 3 ம் நாள் வரையில் 10 நாட்களுக்கு இலங்கைப் பயணம் மேற்கொண்டேன் . இது ஒரு சுற்றுலா நோக்கில் மேற்கொண்ட பயணமாகும் . இந்தப் பயணத்தில் நான் , என் துணைவியார் , என் மாப்பிள்ளை , என் மகள் மற்றும் அவர்களுடையை ஒரே பையன் பிரணவ் ஆகிய ஐந்து பேரும் கலந்துகொண்டோம் .
இது என்னுடைய இரண்டாவது விமானப் பயணம் ஆகும் . முதல் விமானப் பயணம் , சில ஆண்டுகளுக்கு முன்பு சென்னையிலிருந்து , புனே சென்றது ஆகும் .

என்னுடைய மாப்பிள்ளையின் அண்ணன் திரு . R . கணேஷ் என்பவர் கொழும்பில் உள்ள ஒரு தனியார் கம்பெனியில் Finance & Accounting Process பிரிவில் General Manager ஆகப் பணிபுரிந்து வருகிறார். அவருடைய அழைப்பின் பேரில்தான் இந்தப் பயணத்தை நான் மேற்கொண்டேன் . அவர் மனைவி சித்ராவுடனும் , மகள் பாவனாவுடனும் அங்கு வசித்து வருகிறார்

பொதுவாக எனக்கு ஜோசியம், கைரேகை இவற்றில் நம்பிக்கை கிடையாது. சில ஆண்டுகளுக்கு முன்பு என்னுடைய கைரேகையைப் பார்த்த ஒருவர் , " உங்களுக்கு வெளிநாடு செல்லும் வாய்ப்பு இருக்கிறது " என்று சொன்னார் . அவருடைய வாக்கு என்னுடைய 68 ம் வயதில் பலிக்கும் என்று நான் நினைக்கவில்லை .
பயணம் புறப்படுவதற்கு முன்பாக ,  வீட்டிற்குப் பக்கத்தில் உள்ள விநாயகர் கோவிலுக்குச் சென்று வேண்டிக்கொண்டோம். இலங்கை சென்று திரும்பி வருகின்ற வரைக்கும் , உடல்நலம் நன்றாக இருக்கவேண்டும் என்று வேண்டிக்கொண்டோம் . மருந்து மாத்திரைகளையும் , மறக்காமல் எடுத்துக் கொண்டோம் .

23-12-2015 அன்று சென்னை மீனம்பாக்கம் விமான நிலையத்திலிருந்து Sri Lanka Airlines விமானத்தில் இரவு மணி 8.50க்குப் புறப்பட்டோம் . விமானத்தில் வெஜிடபிள் பிரியாணியும் , ஸ்வீட்டும் , காபியும் கொடுத்தார்கள் சரியாக இரவுமணி 9.55 க்குக் கொழும்பு விமான நிலையத்தை விமானம் அடைந்தது .

கொழும்பு விமான நிலையம் , சென்னை விமான நிலையத்தைவிட சிறியது என்றாலும் , மிகவும் தூய்மையாக வைத்திருந்தார்கள் .விமான நிலைய நடைமுறைகளை எல்லாம் முடித்துக்கொண்டு , லக்கேஜ்களை எல்லாம் எடுத்துக்கொண்டு வெளியே வருவதற்கு ஒருமணி நேரம் பிடித்தது .
விமான நிலையத்தில் எங்களை வரவேற்க திரு . கணேஷ் & அவரது குடும்பத்தினர் காத்திருந்தனர் . கொழும்பு விமான நிலையத்திலிருந்து சுமார் 45 நிமிட பயணத்திற்குப் பிறகு , அவரது இல்லத்தை அடைந்தோம் . அப்போது இரவு மணி 10-45 இருக்கும். எங்களுக்காக சூடான இட்டலிகள் செய்திருந்தார்கள் . அவற்றை சாப்பிட்டுவிட்டுப் படுத்துக் கொண்டோம் . வீடு , பெரிய வீடு . குளியலறையுடன் இணைந்த இரண்டு பெரிய படுக்கை அறைகள் , ஒரு வரவேற்பறை , பெரிய சமையலறை என்று இருந்தது . வாடகை எவ்வளவு என்று கேட்டபோது ரூ 75000/= என்று கணேஷ் சொன்னார். எனக்குத் தூக்கி வாரிப் போட்டது . இந்திய நாணயம் ஒரு ரூபாய்க்கு , இலங்கை நாணயம் ரூ 2.20 சமம் என்று சொன்னார். ஆனாலும் வீட்டு வாடகை எனக்கு அதிகம் என்றே தோன்றியது . இலங்கைக் கரன்சியும் ரூபாய் என்றே அழைக்கப்படுகிறது . அன்று இரவு அனைவரும் நன்றாகத் தூங்கினோம் .

]" />

ஏரியில் ஓர் உல்லாசப் பயணம் .
=============================

இனிவரும் பதிவுகளில் நீர்வீழ்ச்சி இடம்பெறும் ஐயா !

M.Jagadeesan wrote:Mackwood TEA தொழிற்சாலையைப் பார்த்து முடித்தபின் , நுவரெலியாவில் இருக்கும் GREGORY LAKE - என்னும் அழகான ஏரியைப் பார்க்கக் கிளம்பினோம் .நுவரெலியா ஆங்கிலேயர்களின் கோடை வாசஸ்தலமாக இருந்தது . 1873 - sir William Gregory என்பவர் இங்கு கவர்னராக இருந்த சமயத்தில் இந்த ஏரி நிர்மாணம் செய்யப்பட்டதாம் . அவர் பெயராலேயே இந்த ஏரி Gregory Lake என்று அழைக்கப்படுகிறது .

இந்த ஏரியில் படகு சவாரி செய்தோம் . சுமார் 30 நிமிட படகு சவாரி ஒரு மகிழ்ச்சியான பொழுதுபோக்கு . படகுகள் பல வடிவங்களில் இருந்தன. வீடு போன்ற வடிவத்திலும் , வாத்து போன்ற வடிவத்திலும் ,ஆகாயவிமானம் போன்ற வடிவத்திலும் சில படகுகள் இருந்தன.

மேற்கோள் செய்த பதிவு: 1199465

ம்ம்... போடோக்களும் வீடியோவும் அருமை ஐயா

நன்றி கிருஷ்ணம்மா !

அடுத்து நுவரெலியாவுக்கு அருகிலுள்ள சீதா கோவில் என்ற இடத்திற்குச் சென்றோம் . இங்குதான் இராவணன் , சீதையை சிறை வைத்திருந்ததாகக் கூறப்படுகிறது . சீதா கோவில் உள்ள இடம் சீதா எலியா என்று அழைக்கப்படுகிறது . இந்த இடம் நுவரெலியா- பதுளை செல்லும் பாதையில் உள்ளது .
இந்தக் கோவிலுக்குப் பின்புறத்தில் அழகான ஓடை ஒன்று சல சலவென ஓடிக்கொண்டிருக்கிறது . அங்கிருக்கும் பாறை ஒன்றில் சில பள்ளங்கள் காணப்படுகின்றன. அவை சீதையைக் காண வந்தபோது அனுமன் இறங்கிய இடம் என்றும் , அந்தப் பள்ளங்கள் அனுமனின் பாதச் சுவடுகள் என்றும் கூறப்படுகின்றன.

அந்த ஓடையிலே இறங்கி அனைவரும் கால் நனைத்தோம் . அப்போது திரு . கணேஷ் அவர்களுக்கு ஒரு கண்ணாடிச் சில் ஒன்று குத்தி ரத்தம் கொட்டியது . உடனே ஈரத்துணியால் கட்டி ரத்தப் பெருக்கு வராமல் தடுத்தார் அவருடைய துணைவியார் சித்ரா . நுவரெலியா சென்றவுடன் Anti -Septic ஊசி ஒன்றை அவருக்குப் போட்டார் சித்ரா. அவர் மருத்துவ மனையில் சிலகாலம் பணியாற்றியதால் பெற்ற அனுபவம் அப்போது கைகொடுத்து உதவியது .

சீதாக் கோவில்
=============