எனது இலங்கைப் பயணம் .

First topic message reminder :

எனது இலங்கைப் பயணம்
=========================
சென்ற டிசம்பர்த் திங்கள் 23 ம் நாள் முதல் ஜனவரி - 2016 ம் திங்கள் 3 ம் நாள் வரையில் 10 நாட்களுக்கு இலங்கைப் பயணம் மேற்கொண்டேன் . இது ஒரு சுற்றுலா நோக்கில் மேற்கொண்ட பயணமாகும் . இந்தப் பயணத்தில் நான் , என் துணைவியார் , என் மாப்பிள்ளை , என் மகள் மற்றும் அவர்களுடையை ஒரே பையன் பிரணவ் ஆகிய ஐந்து பேரும் கலந்துகொண்டோம் .
இது என்னுடைய இரண்டாவது விமானப் பயணம் ஆகும் . முதல் விமானப் பயணம் , சில ஆண்டுகளுக்கு முன்பு சென்னையிலிருந்து , புனே சென்றது ஆகும் .

என்னுடைய மாப்பிள்ளையின் அண்ணன் திரு . R . கணேஷ் என்பவர் கொழும்பில் உள்ள ஒரு தனியார் கம்பெனியில் Finance & Accounting Process பிரிவில் General Manager ஆகப் பணிபுரிந்து வருகிறார். அவருடைய அழைப்பின் பேரில்தான் இந்தப் பயணத்தை நான் மேற்கொண்டேன் . அவர் மனைவி சித்ராவுடனும் , மகள் பாவனாவுடனும் அங்கு வசித்து வருகிறார்

பொதுவாக எனக்கு ஜோசியம், கைரேகை இவற்றில் நம்பிக்கை கிடையாது. சில ஆண்டுகளுக்கு முன்பு என்னுடைய கைரேகையைப் பார்த்த ஒருவர் , " உங்களுக்கு வெளிநாடு செல்லும் வாய்ப்பு இருக்கிறது " என்று சொன்னார் . அவருடைய வாக்கு என்னுடைய 68 ம் வயதில் பலிக்கும் என்று நான் நினைக்கவில்லை .
பயணம் புறப்படுவதற்கு முன்பாக ,  வீட்டிற்குப் பக்கத்தில் உள்ள விநாயகர் கோவிலுக்குச் சென்று வேண்டிக்கொண்டோம். இலங்கை சென்று திரும்பி வருகின்ற வரைக்கும் , உடல்நலம் நன்றாக இருக்கவேண்டும் என்று வேண்டிக்கொண்டோம் . மருந்து மாத்திரைகளையும் , மறக்காமல் எடுத்துக் கொண்டோம் .

23-12-2015 அன்று சென்னை மீனம்பாக்கம் விமான நிலையத்திலிருந்து Sri Lanka Airlines விமானத்தில் இரவு மணி 8.50க்குப் புறப்பட்டோம் . விமானத்தில் வெஜிடபிள் பிரியாணியும் , ஸ்வீட்டும் , காபியும் கொடுத்தார்கள் சரியாக இரவுமணி 9.55 க்குக் கொழும்பு விமான நிலையத்தை விமானம் அடைந்தது .

கொழும்பு விமான நிலையம் , சென்னை விமான நிலையத்தைவிட சிறியது என்றாலும் , மிகவும் தூய்மையாக வைத்திருந்தார்கள் .விமான நிலைய நடைமுறைகளை எல்லாம் முடித்துக்கொண்டு , லக்கேஜ்களை எல்லாம் எடுத்துக்கொண்டு வெளியே வருவதற்கு ஒருமணி நேரம் பிடித்தது .
விமான நிலையத்தில் எங்களை வரவேற்க திரு . கணேஷ் & அவரது குடும்பத்தினர் காத்திருந்தனர் . கொழும்பு விமான நிலையத்திலிருந்து சுமார் 45 நிமிட பயணத்திற்குப் பிறகு , அவரது இல்லத்தை அடைந்தோம் . அப்போது இரவு மணி 10-45 இருக்கும். எங்களுக்காக சூடான இட்டலிகள் செய்திருந்தார்கள் . அவற்றை சாப்பிட்டுவிட்டுப் படுத்துக் கொண்டோம் . வீடு , பெரிய வீடு . குளியலறையுடன் இணைந்த இரண்டு பெரிய படுக்கை அறைகள் , ஒரு வரவேற்பறை , பெரிய சமையலறை என்று இருந்தது . வாடகை எவ்வளவு என்று கேட்டபோது ரூ 75000/= என்று கணேஷ் சொன்னார். எனக்குத் தூக்கி வாரிப் போட்டது . இந்திய நாணயம் ஒரு ரூபாய்க்கு , இலங்கை நாணயம் ரூ 2.20 சமம் என்று சொன்னார். ஆனாலும் வீட்டு வாடகை எனக்கு அதிகம் என்றே தோன்றியது . இலங்கைக் கரன்சியும் ரூபாய் என்றே அழைக்கப்படுகிறது . அன்று இரவு அனைவரும் நன்றாகத் தூங்கினோம் .

]" />

நகை அணிந்து அழகு பார்த்தபோது....
==================================

இது GOLD CENTRE - இந்தக் கட்டிடம் முழுவதும் நகைக் கடைகள் ...
========================================================

அருமை .
ஸ்ரீலங்காவில், தங்கம் விலை மலிவா ?
துபாய் தங்கம் ஸ்ரீலங்கா வந்து இந்தியாவிற்குள் கடத்தப்படுவதாக செய்திகள் வருகின்றனவே .

" பெண்களே இல்லாவிட்டால் நகைக்கடைகளே இருக்காதோ" என்று சில சமயம் விசித்திரமாக ,யோசிப்பதுண்டு.

ரமணியன்

ஸ்ரீ லங்காவில் தங்கம் மலிவா என்பது எனக்குத் தெரியாது .ஆனால் நவரத்தினக் கற்கள் விலை மலிவு என்று சொல்வார்கள் . ரத்தினபுரா என்ற ஊர் , நவரத்தினக் கற்களுக்குப் பெயர்போனது . நாங்கள் அந்த ஊருக்குச் செல்லவில்லை . கொழும்புவில் நகைக்கடையில் , நகைகளை , மணிக்கணக்கில் பார்வையிட்டும் , ஒரு குண்டுமணித் தங்கம் கூட வாங்கவில்லை . நான் ஒரு ஓரமாக உட்கார்ந்து கொண்டேன் .

நீங்கள் சொல்வது உண்மைதான் . பெண்கள் இல்லாவிட்டால் , நகைக் கடைகளுக்கும் , பட்டுப்புடவை கடைகளுக்கும் வேலை இல்லை . இந்த இரண்டு கடைகளும் இல்லாவிட்டால் T . NAGAR வெறிச்சோடிப் போய்விடும் .

M Jagadeesan wrote:  நகைகளை , மணிக்கணக்கில் பார்வையிட்டும் , ஒரு குண்டுமணித் தங்கம் கூட வாங்கவில்லை . நான் ஒரு ஓரமாக உட்கார்ந்து கொண்டேன் .

நீங்கள் சொல்வது உண்மைதான் . பெண்கள் இல்லாவிட்டால் , நகைக் கடைகளுக்கும் , பட்டுப்புடவை கடைகளுக்கும் வேலை இல்லை . இந்த இரண்டு கடைகளும் இல்லாவிட்டால் T . NAGAR வெறிச்சோடிப் போய்விடும் .

1...
2...

ரமணியன்

பயணத்தின் ஆறாம் நாள் (29-12-2015 ) சிகிரியா என்னும் குன்றைப் பார்க்கக் கிளம்பினோம் .சிகிரியா இலங்கையின் இணையற்ற கலைப் பாரம்பரியத்தின் சின்னமாகக் கருதப்படுகிறது. இது மாத்தளை மாவட்டத்தில் தம்புள்ள நகரத்திற்கு அண்மையில் அமைந்துள்ளது. 1144-அடி உயரமான இக்குன்றினுள் அழகிய வேலைப்பாடுகளுடன் கூடிய சித்திரங்கள் பல உள்ளன. இவை 6-ம் நூற்றாண்டைச் சேர்ந்தவையாகும். எதிரிகளிடமிருந்து தன்னைப் பாதுகாத்துக் கொள்ளவே இக்கோட்டையை முதலாம் காசியப்பன் (கி.பி. 477-495) அமைத்தான். கோட்டையை சுற்றி அகழியும் கட்டப்பட்டுள்ளது. சிகிரியா குன்றானது ஐக்கிய நாடுகள் கல்வி, அறிவியல், பண்பாட்டு நிறுவனத்தால் (UNESCO) பாதுகாக்கப்படவேண்டிய உலக பாரம்பரியக் களமாக அறிவிக்கப்பட்டுள்ளது.

வரலாறு :
=========
காசியப்பன் தாதுசேன மன்னனின் 2 ஆவது மனைவிக்கு பிறந்த மகனாவான். தாதுசேனனுக்குப் பின் பட்டத்து இராணிக்குப் பிறந்த முகலனுக்கே அரச உரிமையுண்டு. எனினும் காசியப்பன் தந்தையைக் கொன்று, சிகிரியாவில் கோட்டை அமைத்து அரசாட்சி எய்தினான்.

இக் குகையினுள் சுவரோவியங்கள் இயற்கை வர்ணங்கள் கொண்டு வரையப்பட்ட பல சித்திரங்கள் காணப்படுகின்றன. இவைகளில் பல இன்னும் அழியாமல் அழகாகக் காட்சி தருகின்றது. இந்த ஒவியங்களில் காணப்படும் பெண்கள் சிலரால் தேவதைகள் எனவும் சிலரால் காசியப்பனின் மனைவிகள் எனவும் கூறப்படுகின்றனர். இவர்களில் சிலர் கையில் தட்டை ஏந்தியவாறும், சிலர் மலர்க்கொத்தை ஏந்தியவாறும் சிலர் மேலாடை இன்றியும், சிலர் மேலாடையுடனும், தனித்தும், கூட்டமாகவும் வரையப்பட்டுள்ளன.

இந்த மலைமீது ஏறுவதற்குப் படிகள் சரிவர அமைக்கப்படவில்லை . சில இடங்களில் இரும்பிலான படிகளை அமைத்துள்ளனர் . சில இடங்களில் படிகள் செங்குத்தாக அமைந்துள்ளன. என் துணைவியாரும் , மகளும் ஏறமுடியாமல் கீழேயே தங்கிவிட்டனர் . நான் சிரமப்பட்டு எப்படியோ ஏறிவிட்டேன் . நாங்கள் சென்ற சமயம் லேசாகத் தூறல் பெய்துகொண்டு இருந்தது

சிகிரியா போகும் வழியில் மழை .....
================================

வழியில் ஒரு Petrol Filling Station -ல் ஓய்வு எடுத்துக்கொண்டோம் .
==========================================================

சிகிரியா குன்று ஏறுவதற்குக் கட்டணம் வசூலிக்கிறார்கள் - இது Ticket Counter
======================================================================