எனது இலங்கைப் பயணம் .

First topic message reminder :

எனது இலங்கைப் பயணம்
=========================
சென்ற டிசம்பர்த் திங்கள் 23 ம் நாள் முதல் ஜனவரி - 2016 ம் திங்கள் 3 ம் நாள் வரையில் 10 நாட்களுக்கு இலங்கைப் பயணம் மேற்கொண்டேன் . இது ஒரு சுற்றுலா நோக்கில் மேற்கொண்ட பயணமாகும் . இந்தப் பயணத்தில் நான் , என் துணைவியார் , என் மாப்பிள்ளை , என் மகள் மற்றும் அவர்களுடையை ஒரே பையன் பிரணவ் ஆகிய ஐந்து பேரும் கலந்துகொண்டோம் .
இது என்னுடைய இரண்டாவது விமானப் பயணம் ஆகும் . முதல் விமானப் பயணம் , சில ஆண்டுகளுக்கு முன்பு சென்னையிலிருந்து , புனே சென்றது ஆகும் .

என்னுடைய மாப்பிள்ளையின் அண்ணன் திரு . R . கணேஷ் என்பவர் கொழும்பில் உள்ள ஒரு தனியார் கம்பெனியில் Finance & Accounting Process பிரிவில் General Manager ஆகப் பணிபுரிந்து வருகிறார். அவருடைய அழைப்பின் பேரில்தான் இந்தப் பயணத்தை நான் மேற்கொண்டேன் . அவர் மனைவி சித்ராவுடனும் , மகள் பாவனாவுடனும் அங்கு வசித்து வருகிறார்

பொதுவாக எனக்கு ஜோசியம், கைரேகை இவற்றில் நம்பிக்கை கிடையாது. சில ஆண்டுகளுக்கு முன்பு என்னுடைய கைரேகையைப் பார்த்த ஒருவர் , " உங்களுக்கு வெளிநாடு செல்லும் வாய்ப்பு இருக்கிறது " என்று சொன்னார் . அவருடைய வாக்கு என்னுடைய 68 ம் வயதில் பலிக்கும் என்று நான் நினைக்கவில்லை .
பயணம் புறப்படுவதற்கு முன்பாக ,  வீட்டிற்குப் பக்கத்தில் உள்ள விநாயகர் கோவிலுக்குச் சென்று வேண்டிக்கொண்டோம். இலங்கை சென்று திரும்பி வருகின்ற வரைக்கும் , உடல்நலம் நன்றாக இருக்கவேண்டும் என்று வேண்டிக்கொண்டோம் . மருந்து மாத்திரைகளையும் , மறக்காமல் எடுத்துக் கொண்டோம் .

23-12-2015 அன்று சென்னை மீனம்பாக்கம் விமான நிலையத்திலிருந்து Sri Lanka Airlines விமானத்தில் இரவு மணி 8.50க்குப் புறப்பட்டோம் . விமானத்தில் வெஜிடபிள் பிரியாணியும் , ஸ்வீட்டும் , காபியும் கொடுத்தார்கள் சரியாக இரவுமணி 9.55 க்குக் கொழும்பு விமான நிலையத்தை விமானம் அடைந்தது .

கொழும்பு விமான நிலையம் , சென்னை விமான நிலையத்தைவிட சிறியது என்றாலும் , மிகவும் தூய்மையாக வைத்திருந்தார்கள் .விமான நிலைய நடைமுறைகளை எல்லாம் முடித்துக்கொண்டு , லக்கேஜ்களை எல்லாம் எடுத்துக்கொண்டு வெளியே வருவதற்கு ஒருமணி நேரம் பிடித்தது .
விமான நிலையத்தில் எங்களை வரவேற்க திரு . கணேஷ் & அவரது குடும்பத்தினர் காத்திருந்தனர் . கொழும்பு விமான நிலையத்திலிருந்து சுமார் 45 நிமிட பயணத்திற்குப் பிறகு , அவரது இல்லத்தை அடைந்தோம் . அப்போது இரவு மணி 10-45 இருக்கும். எங்களுக்காக சூடான இட்டலிகள் செய்திருந்தார்கள் . அவற்றை சாப்பிட்டுவிட்டுப் படுத்துக் கொண்டோம் . வீடு , பெரிய வீடு . குளியலறையுடன் இணைந்த இரண்டு பெரிய படுக்கை அறைகள் , ஒரு வரவேற்பறை , பெரிய சமையலறை என்று இருந்தது . வாடகை எவ்வளவு என்று கேட்டபோது ரூ 75000/= என்று கணேஷ் சொன்னார். எனக்குத் தூக்கி வாரிப் போட்டது . இந்திய நாணயம் ஒரு ரூபாய்க்கு , இலங்கை நாணயம் ரூ 2.20 சமம் என்று சொன்னார். ஆனாலும் வீட்டு வாடகை எனக்கு அதிகம் என்றே தோன்றியது . இலங்கைக் கரன்சியும் ரூபாய் என்றே அழைக்கப்படுகிறது . அன்று இரவு அனைவரும் நன்றாகத் தூங்கினோம் .

]" />

சிகிரியா குன்றின்மீது முக்கால் வாசி ஏறிய பிறகு , மிகப்பெரிய சமதளப் பரப்பு காணப்படுகிறது . ஏறிய களைப்புத் தீர மக்கள் அங்கே ஓய்வு எடுத்துக் கொள்கின்றனர் . அடுத்த கால்வாசி குன்றின்மீது படிகள் செங்குத்தாகக் காணப்படுகின்றன. மிகவும் கவனமாக ஏறவேண்டும் . நாங்கள் சென்ற சமயம் மழை பெய்து கொண்டு இருந்ததால் , கவனமாகப் படி ஏறினோம் .

சிங்கத்தின் இரண்டு கால்களுக்கு இடையில் நுழைந்து செல்வதுபோல , அங்கு நுழைவு வாயில் இருந்தது .
மலைக்கு மேலே சென்றால் கண்கொள்ளாக் காட்சி ! ஐந்தாம் நூற்றாண்டிலே கட்டப்பட்ட அரண்மனை பாழடைந்த நிலையிலே , தொல்லியல் இலாகா , பாதுகாப்பாக வைத்திருந்தது . சுமார் ஒரு மணிநேரம் அங்கு செலவிட்டோம் . நிறைய படங்கள் எடுத்துக் கொண்டோம் .

முக்கால் பகுதி மலை ஏறிய பின்பு காணப்படும் சமதள பரப்பு
========================================================

செங்குத்தான படிகள்
====================

சிங்கத்தின் பாதம்
==================

சிங்கத்தின் பாதத்தில் பாதம் வைத்த
சிங்கத் தமிழரே !
சிங்கத்தின் பாதத்தைப் பற்றி சிறு விளக்கம் தாருமே !

ரமணியன்

சிங்கத்தின் இரண்டு பாதங்களுக்குள் நுழைந்து செல்லவேண்டும் . சிங்கத்தின் பிற உறுப்புகள் ஏதும் செதுக்கப்படவில்லை . ஒருவேளை அந்த மன்னனுக்கு அந்த எண்ணம் இருந்திருக்கலாம் . மலையின் மேலே அரண்மனை சிதிலமடைந்து காணப்படுகிறது .எதுவுமே முழுமை பெறவில்லை . அதற்கு என்ன காரணம் என்று தெரியவில்லை .

தகவலுக்கு நன்றி Jagadeesan

ரமணியன்

மலைக்கு மேலே
===============