ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

**ராஜா** · **ராஜா** Tue Mar 15, 2016 4:03 pm

First topic message reminder :

நெல்லை மாவட்டம் செங்கோட்டை அருகே உள்ள காலாங்கரையை சேர்ந்த ஆசிரியை கோதைலெட்சுமி (வயது23). தென்காசி அருகே உள்ள தனியார் பள்ளி ஒன்றில் வேலை பார்த்தபோது அங்கு 10–ம் வகுப்பு படித்து வந்த கடையநல்லூர் கிருஷ்ணா புரத்தை சேர்ந்த மாணவன் சிவசுப்பிரமணியன் என்பவருடன் கடந்த ஆண்டு மார்ச் 31–ந்தேதி மாயமானார்.

இந்த சம்பவம் குறித்து கடையநல்லூர் போலீசார் வழக்குப்பதிவு செய்து இருவரையும் தேடி வந்தனர். இதற்கிடையில் மகனை கண்டுபிடித்து தருமாறு சிவ சுப்பிரமணியனின் தாயார் மாரியம்மாள் மதுரை ஐகோர்ட்டு கிளையில் ஆட்கொணர்வு மனு தாக்கல் செய்திருந்தார். அதன் அடிப்படையிலும் போலீசார் விசாரணை நடத்தி வந்தனர். இந்த சூழலில் மாயமான கோதைலட்சுமியும், சிவசுப்பிரமணியனும் புதுச்சேரி சென்று திருமணம் செய்து கொண்டு திருப்பூரில் வசித்து வருவதாக போலீசாருக்கு ரகசிய தகவல் கிடைத்தது.

இந்த தகவல் அறிந்த புளியங்குடி காவல் துணை கண்காணிப்பாளர் ஜெயக்குமார் தலைமையிலான போலீசார் கடந்த 10–ந்தேதி அங்கு சென்று கோதைலட்சுமி, சிவசுப்பிரமணியனை புளியங்குடிக்கு கொண்டு வந்தனர். பின்னர் அவர்கள் இருவருக்கும் தென்காசி அரசு ஆஸ்பத்திரியில் மருத்துவ பரிசோதனை செய்யப்பட்டது.

அதன் பின்னர் தென்காசி நீதிமன்ற நீதிபதி ஜெகதீஸ்வரி முன்னிலையில் அவர்களை போலீசார் ஆஜர்படுத்தினர். ஆசிரியை கோதை லெட்சுமியை 15 நாள் சிறை காவலில் வைக்கவும், மாணவன் சிவ சுப்பிரமணியனை கூர்நோக்கு இல்லத்தில் வைக்கவும் நீதிபதி உத்தரவிட்டார். இதையடுத்து கோதைலெட்சுமி நெல்லை கொக்கிர குளத்தில் உள்ள மகளிர் சிறையில் அடைக்கப்பட்டார். சிவசுப்பிரமணியன் நெல்லை கூர்நோக்கு இல்லத்தில் வைக்கப்பட்டான்.

இந்த நிலையில் கோதை லெட்சுமி 4 மாத கர்ப்பமாக உள்ளதால் அவருக்கு உரிய மருத்துவ சிகிச்சைகள் அளிக்க கொக்கிரகுளம் மகளிர் சிறையில் வசதிகள் இல்லாததால் திருச்சியில் உள்ள மகளிர் தனிச்சிறைக்கு மாற்றப்பட்டார்.

மாணவன் சிவசுப்பிரமணியனை கண்டுபிடித்து தரும்படி அவனது தாய் கொடுத்த ஆட்கொணர்வு மனுவின் அடிப்படையில் இன்று (செவ்வாய்க்கிழமை) மதுரை ஐகோர்ட்டு கிளையில் சிவசுப்பிரமணியன் ஆஜர்படுத்தப்பட்டான். அவனை புளியங்குடி காவல் துணை கண்காணிப்பாளர் ஜெயக்குமார் தலைமையிலான போலீசார் அழைத்து வந்தனர். மாணவன் சிவசுப்பிரமணியன் தாடி வைத்திருந்த நிலையில், பிரவுன் கலர் ஜீன்ஸ், சிவப்பு கலர் டீ–சர்ட் அணிந்து வந்திருந்தான். கண்களில் கண்ணாடியும் அணிந்திருந்தான்.

நீதிபதிகள் செல்வம், சொக்கலிங்கம் முன்பு மாணவன் சிவசுப்பிரமணியன் ஆஜர்படுத்தப்பட்டான். மாரியம்மாள் தரப்பில் வக்கீல் சுபாஷ்பாபு ஆஜரானார். நீதிபதிகள், எங்கு சென்றிருந்தீர்கள் என கேட்டனர். அதற்கு திருப்பூர் சென்றதாக சிவசுப்பிரமணியன் கூறினான். உங்களது வயது என்ன? என்ற கேள்விக்கு 16 வயது 4 மாதம் என்றான்.

இதனை தொடர்ந்து நீங்கள் மைனர் என்பதால் எங்கு செல்ல விரும்புகிறீர்கள் என நீதிபதிகள் கேட்டனர். அதற்கு தாயுடன் செல்ல விரும்புவதாக சிவசுப்பிரமணியன் தெரிவித்தான். இதனை தொடர்ந்து அதற்கான உத்தரவை நீதிபதிகள் பிறப்பித்தனர். அதன் பின்னர் தாய் மாரியம்மாளிடம் சிவசுப்பிரமணியன் ஒப்படைக்கப்பட்டான். அவனை கண்ணீர் மல்க தாய் மாரியம்மாள் அழைத்து சென்றார்.

இந்த வழக்கில் மாணவன் சிவசுப்பிரமணியன் தாயுடன் செல்வதாக கூறியது திடீர் திருப்பமாக அமைந்தது.

ஆசிரியை கோதைலெட்சுமியையும் ஐகோர்ட்டில் ஆஜர்படுத்த அவரது தந்தை ஆட்கொணர்வு மனு தாக்கல் செய்திருந்தார். அதன் அடிப்படையில் அவரும் இன்று ஆஜர்படுத்தப்படுவார் என எதிர்பார்க்கப்பட்டது. இதன் காரணமாக ஐகோர்ட்டு வளாகத்தில் கூட்டம் அதிகமாக காணப்பட்டது. ஆனால் கோதைலெட்சுமி இன்று ஆஜர்படுத்தப்படவில்லை. இருப்பினும் ஆட்கொணர்வு மனு இருப்பதால் அவர் விரைவில் ஆஜர்படுத்தப்படுவார்.
-maalaimalar

**krishnaamma** · **krishnaamma** Fri Mar 18, 2016 11:28 pm

T.N.Balasubramanian wrote:
Aathira wrote:ரெண்டு தடவ படிச்சா தானே புரியும். எங்கே. ...

மாணவனை இப்பிடி அடிப்பது தவறு .சட்டப்படி குற்றமாயிற்றே ?

ரமணியன்

மேற்கோள் செய்த பதிவு: 1198223

நம்ப சரவணனை போடலாம் ஐயா.......ஒண்ணும் பாதகம் இல்லை.............. ஜாலி

**Aathira** · **Aathira** Sat Mar 19, 2016 7:03 pm

krishnaamma wrote:
T.N.Balasubramanian wrote:
Aathira wrote:ரெண்டு தடவ படிச்சா தானே புரியும். எங்கே. ...

மாணவனை இப்பிடி அடிப்பது தவறு .சட்டப்படி குற்றமாயிற்றே ?

ரமணியன்
மேற்கோள் செய்த பதிவு: 1198223

நம்ப சரவணனை போடலாம் ஐயா.......ஒண்ணும் பாதகம் இல்லை..............

மேற்கோள் செய்த பதிவு: 1198254
இதைத்தான் நான் எழுத வேண்டும் என்று நினைத்தேன். மேஜர் என்றாலும் சரவணன் மைனர். அடிக்கலாம்.

**krishnaamma** · **krishnaamma** Sat Mar 19, 2016 7:22 pm

Aathira wrote:
krishnaamma wrote:
T.N.Balasubramanian wrote:
Aathira wrote:ரெண்டு தடவ படிச்சா தானே புரியும். எங்கே. ...

மாணவனை இப்பிடி அடிப்பது தவறு .சட்டப்படி குற்றமாயிற்றே ?

ரமணியன்
மேற்கோள் செய்த பதிவு: 1198223

நம்ப சரவணனை போடலாம் ஐயா.......ஒண்ணும் பாதகம் இல்லை..............
மேற்கோள் செய்த பதிவு: 1198254
இதைத்தான் நான் எழுத வேண்டும் என்று நினைத்தேன். மேஜர் என்றாலும் சரவணன் மைனர். அடிக்கலாம்.

மேற்கோள் செய்த பதிவு: 1198354

ஆமோதித்தல்

.......... சிரிப்பு

................எங்கே சரவணனைக் காணும்? புன்னகை

**T.N.Balasubramanian** · **T.N.Balasubramanian** Sat Mar 19, 2016 7:42 pm

Aathira wrote:
krishnaamma wrote:
T.N.Balasubramanian wrote:
Aathira wrote:ரெண்டு தடவ படிச்சா தானே புரியும். எங்கே. ...

மாணவனை இப்பிடி அடிப்பது தவறு .சட்டப்படி குற்றமாயிற்றே ?

ரமணியன்
மேற்கோள் செய்த பதிவு: 1198223

நம்ப சரவணனை போடலாம் ஐயா.......ஒண்ணும் பாதகம் இல்லை..............
மேற்கோள் செய்த பதிவு: 1198254
இதைத்தான் நான் எழுத வேண்டும் என்று நினைத்தேன். மேஜர் என்றாலும் சரவணன் மைனர். அடிக்கலாம்.

மேற்கோள் செய்த பதிவு: 1198354

அதாவது மைனர் சரவணன் எதிர்ப்பாக
மங்கையர் குலம் வீராவேச எதிர்ப்பு .
ஓகே ஓகே .
ரமணியன்

**krishnaamma** · **krishnaamma** Tue Mar 22, 2016 7:17 pm

ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம் - Page 4 W1Fxn6AMTV6m05763Bee+Daily_News_4754558801652(1)

நெல்லை: குடும்பம் நடத்திய மாணவர் குடும்பத்தினரோடு சேர்ந்த நிலையில் கர்ப்பமான ஆசிரியை கோதைலட்சுமி உறவுகளும் கைவிட்ட நிலையில் எதிர்காலம் கேள்விக்குறியாகி பரிதவிக்கிறார்.நெல்லை மாவட்டம் கடையநல்லூர் முத்துகிருஷ்ணாபுரத்தை சேர்ந்த சந்திரகுமாரின் இரண்டாவது மகன் சிவசுந்தரபாண்டியன்(16).

கடந்த ஆண்டு தென்காசியில் உள்ள தனியார் பள்ளியில் 10ம் வகுப்பு படித்து வந்தார்.அதே பள்ளி ஆசிரியையான செங்கோட்டை காலாங்கரையை சேர்ந்த கேசரி மகள் கோதைலட்சுமி(25)யிடம் சிவசுந்தரபாண்டியன் டியூஷன் படித்தபோது இருவருக்கும் இடையே ஈர்ப்பு ஏற்பட்டது. கடந்த ஆண்டு ஏப்ரல் 30ம் தேதி சிறப்பு வகுப்பு இருப்பதாக கூறிச்சென்ற சிவசுந்தரபாண்டியன் வீடு திரும்பவில்லை. அதே நாளில் கோதைலட்சுமியும் மாயமானார்.

ஆசிரியை தனது மகனை கடத்திச் சென்றுவிட்டதாக மாணவரின் தாய் மாரியம்மாள் கடையநல்லூர் போலீசில் புகார் செய்தார். போலீசார் வலையில் காதலர்கள் சிக்காத நிலையில், அக்டோபர் மாதம் தனது மகனை கண்டுபிடித்து தரக்கோரி உயர்நீதிமன்ற மதுரை கிளையில் ஆட்கொணர்வு மனுத் தாக்கல் செய்தார். இதையடுத்து திருப்பூர் புலவன்பட்டியிலிருந்து இருவரையும் போலீசார் மீட்டு வந்தனர்.

விசாரணையில் கோதைலட்சுமி 4 மாத கர்ப்பமாக இருப்பதாக தெரிவித்தார்.நீதிமன்றத்தில் நிறுத்தியபோது, கர்ப்பமாக இருப்பதால் ஆசிரியை மாணவருடன் சேர்ந்து வாழ துடித்தார். மாணவரின் நிலையை நீதிபதி கேட்டதற்கு தாயுடன் செல்வதாக கூறவே, அவர்களோடு அனுப்பப்பட்டார். டீச்சர் கோதைலட்சுமி திருச்சி மகளிர் சிறையில் அடைக்கப்பட்டார்.

இதை விட வேடிக்கை அந்த மாணவர், டீச்சருடன் இருந்த காலம் என் வாழ்வில் மோசமான காலம் என குறிப்பிட்டார்.சட்டப்படி குற்றவாளியாக கருதப்பட்ட ஆசிரியை அந்த கணமே பாதிக்கப்பட்டவரானார். போலீஸ் நிலையத்துக்கும் நீதிமன்றத்துக்கும் மாணவரின் தாயும் உறவினர்களும் வந்திருந்தனர்.

ஆனால்,ஆசிரியை வீட்டில் இருந்து யாரும் வரவில்லை. அவர் கிட்டத்தட்ட வீட்டை விட்டு விலக்கி வைக்கப்பட்டவர் ஆனார்.பாண்டிச்சேரியிலிருந்தபோது அங்குள்ள கோயிலில் இருவரும் திருமணம் செய்ததாக தெரிவித்தனர். ஆனால், மைனர் திருமணம் என்பதால் அதை ஏற்றுக்கொள்ள சட்டத்தில் இடமில்லை.

இதற்கிடையே சட்ட நடவடிக்கை ஆசிரியையான பெண்ணுக்கு எதிராக இருப்பதாக பலரும் கருதுகின்றனர். மாணவரின் பெற்றோர் அந்த ஆசிரியையின் பெற்றோர் நிலையிலிருந்து இந்த பிரச்னைக்கு தீர்வு காணவேண்டும். ஆசிரியையின் முந்தைய செயல்கள் தவறு என்றாலும், பிந்தைய வாழ்க்கையின் பாதிப்பு அதிகமாகும் என்கின்றனர் சமூக ஆர்வலர்கள்.

இதுகுறித்து மனநல மருத்துவர் பன்னீர்செல்வம் கூறியதாவது:ஒரு ஆணுக்கு பிசிக்கல் மெச்சூரிட்டி என்னும் உடல் தகுதி 15 வயதிலேயே வந்துவிடும். ஆனால் 17 வயது வரை அவர்கள் தங்கள் முடிவுகளை அடிக்கடி மாற்றலாம்.

சமூகத்தை எடைபோடும் சோசியல் ஜட்ஜ்மென்ட் கெப்பாசிட்டியும், தன்னைத்தானே எடைபோடும் பெர்சனல் ஜட்ஜ்மென்ட் கெப்பாசிட்டியும் 18 வயதுக்கு மேல் வரும்.அந்த தகுதியை பெற்ற ஆசிரியை கோதைலட்சுமி, தன்னிடம் படிக்கும் மாணவர் நெருங்கிப் பழகியிருந்தாலும் அதை தவிர்த்திருக்க வேண்டும். ஆனாலும், தற்போதைய அவரது நிலையில் மனிதாபிமானமாகவும், மனோரீதியாகவும் ஆதரவு தேவை. அவருக்கு சமூக, குடும்ப ரீதியான புறக்கணிப்பு நேராமல் அதிகாரிகள் தகுந்த ஏற்பாடு செய்ய வேண்டும் என்றார்.

சென்னை உயர்நீதிமன்ற வக்கீல் அஜிதா கூறுகையில், ‘சிறார்களை பாலியல் வன்முறையில் இருந்து காக்கும் பாக்சோ சட்டப்படி மாணவர் புகார் செய்திருந்தால் ஆசிரியை குற்றவாளி. செய்யாதபோது அதைப்பற்றி பேச வேண்டியதில்லை.

அவர்கள் திருமணம் செய்து கொண்டிருந்தாலும் குழந்தை திருமண தடைச்சட்டப்படி அது செல்லாது. அன்பை வெளிப்படுத்துவதில் நடந்துவிடும் இதுபோன்ற சிக்கல்களை ஆசிரியை தவிர்த்திருக்க வேண்டும். இருவரிடமும் குற்றத்தை நிரூபிக்க முடியாத ஒப்புமை உள்ளதால் தண்டனையை பற்றி கவலைப்பட வேண்டியதில்லை.

ஆனால், உடல் ரீதியான வளர்ச்சியை வயதாக கருதி பரிசீலிக்க சட்ட ரீதியாக பரிந்துரைக்க முடியாது. அந்த பார்வையே தவறானது’ என்றார்.இங்கிலாந்து இளவரசர் பிலிப்பின் 2வது மனைவிக்கு அவரை விட 10 வயது அதிகம். காந்தி, காரல் மார்க்ஸ், டெண்டுல்கர் எல்லோரும் தம்மை விட வயது மூத்த பெண்ணையே மணந்துள்ளனர். எனவே, வயது வாழ்க்கைக்கொரு பிரச்னை அல்ல என சிலர் கூறுகின்றனர்.

தினகரன்

**krishnaamma** · **krishnaamma** Tue Mar 22, 2016 7:18 pm

தேவையா அந்தப் பெண்ணுக்கு இது? ..இது ஒருபுறமிருக்க, அந்தப் பையனைப் பார்த்தால் சின்னப் பையன் போலவா இருக்கு? .............. ஊத்திக்கிச்சு

**T.N.Balasubramanian** · **T.N.Balasubramanian** Tue Mar 22, 2016 7:30 pm

ராஜாவின் திரி ."ஆசிரியருடன் ஓடிய மாணவன் .............15/3/2016" பதிவின் தொடர்ச்சிதானே இது .
அத்துடனேயே இணைத்து விடலாமே , க்ரிஷ்ணாம்மா !

ரமணியன்

**krishnaamma** · **krishnaamma** Tue Mar 22, 2016 7:38 pm

T.N.Balasubramanian wrote:ராஜாவின் திரி ."ஆசிரியருடன் ஓடிய மாணவன் .............15/3/2016" பதிவின் தொடர்ச்சிதானே இது .
அத்துடனேயே இணைத்து விடலாமே , க்ரிஷ்ணாம்மா !

ரமணியன்

மேற்கோள் செய்த பதிவு: 1198784

சரி ஐயா புன்னகை

......இதோ இணைத்து விடுகிறேன் !

**T.N.Balasubramanian** · **T.N.Balasubramanian** Tue Mar 22, 2016 7:44 pm

krishnaamma wrote:
T.N.Balasubramanian wrote:ராஜாவின் திரி ."ஆசிரியருடன் ஓடிய மாணவன் .............15/3/2016" பதிவின் தொடர்ச்சிதானே இது .
அத்துடனேயே இணைத்து விடலாமே , க்ரிஷ்ணாம்மா !

ரமணியன்
மேற்கோள் செய்த பதிவு: 1198784

சரி ஐயா ......இதோ இணைத்து விடுகிறேன் !

மேற்கோள் செய்த பதிவு: 1198785

ரமணியன்

**krishnaamma** · **krishnaamma** Tue Mar 22, 2016 8:00 pm

T.N.Balasubramanian wrote:
krishnaamma wrote:
T.N.Balasubramanian wrote:ராஜாவின் திரி ."ஆசிரியருடன் ஓடிய மாணவன் .............15/3/2016" பதிவின் தொடர்ச்சிதானே இது .
அத்துடனேயே இணைத்து விடலாமே , க்ரிஷ்ணாம்மா !

ரமணியன்
மேற்கோள் செய்த பதிவு: 1198784

சரி ஐயா ......இதோ இணைத்து விடுகிறேன் !
மேற்கோள் செய்த பதிவு: 1198785

ரமணியன்

மேற்கோள் செய்த பதிவு: 1198787

இது வேற பிரச்சனை என்று தோன்றியதால் தனியா போட்டுவிட்டேன் புன்னகை

Sponsored content · Sponsored content

ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

குடும்பம் நடத்திய மாணவர் குடும்பத்தினரோடு சேர்ந்தார் - கர்ப்பமான ஆசிரியை தவிப்பு!

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக