மளிகை கடையும் மருந்து கடையும்

சசி · சசி Tue Jan 26, 2016 8:15 am

பாரம்பரிய உணவை
குழி தோண்டி
புதைத்து விட்டு
பர்கர் சாப்பிட வழி
இல்லையாம் சர்க்கரை
வியாதிகாரனுக்கு!!

ஏற்றம் இறைத்தவனுக்கு
ஏறாத அழுத்தம்
ஏதும் செய்யாதவனுக்கு
ஏறிவிட்டதாம்!!

புலம்புகிறான்

காலாற களத்துமேட்டுல
நடந்தவனுக்கு
வராத கடுப்பு
கால் மேல கால் போட்டு
கணிணியில் உட்கார்ந்தவனுக்கு
கடுப்பாம்!! காரணம்?

மண்ணை மட்டம் ஆக்கி விட்டு
மருந்தை தெளித்து
மண் வாசனை இல்லாமல்
மருந்தை உண்டால்
வாராத வியாதிகள்??

நூற்றாண்டுகளில்
நூறாயிரம் வியாதிகள்

மண்ணுக்கு உயிரில்லை
என்று நினைத்து விட்டார்கள் போலும்
மனிதர்கள்!

மண் உயிர்ப்புடன்
இருந்தால்
மனிதன் உயிருடன்
இருப்பான்!!

இது மனிதனுக்கு
இன்னும் தெரியவில்லையா??
மனிதா மண்ணை மதித்தால்
மரணத்திலிருந்து மீளலாம்!

பாரம்பரியத்தையும்
பாரம்பரிய உணவையும்
பாதுகாத்தால் பல்லாண்டு வாழலாம்!!

உணவே மருந்து போய்
மருந்தே உணவாகி விட்டது!
விளைவு மருந்து கடையும்
மளிகை கடை போல் மாறிவிட்டது!!

சிந்திப்போமா??

யினியவன் · யினியவன் Tue Jan 26, 2016 8:26 am

நன்று சசி.

சகதியில் விளைவதை/நுகர்வதை விட்டொழித்து,
சந்தையில் நுகர்வதை நாடியவன் நலன் கேள்விக்குறியே!!!

**ayyasamy ram** · **ayyasamy ram** Tue Jan 26, 2016 8:40 am

மளிகை கடையும் மருந்து கடையும் 3838410834

-
மருத்துவர்கள் தங்கள் வளாகத்திலேயே பார்மசியும் அமைத்துக்
கொள்கிறார்கள்...
-
காரணம் அவர்கள் எழுதிக் குவிக்கும் மாத்திரைகள் விலை
சுமார் ஐநூறு ரூபாய்க்கு வரும்...
-
அதனை வெளியில் வாங்கினால் 10 முதல் 15 சதவீத தள்ளுபடியில்
கிடைக்கும்..
-
ஒரு நோயாளியிடம், ஃபீஸ் வாங்குவதோடு, மருந்து
விற்பனையால் மேலும் ரூ 100 லாபம் பார்க்கிறார்கள்...
-
காலத்தின் கட்டாயமாகி விட்டது...!!
-

இந்த பதிவைத் துவங்கியவர் நன்றி கூறியுள்ளார் ayyasamy ram

**krishnaamma** · **krishnaamma** Tue Jan 26, 2016 8:44 am

//மனிதா மண்ணை மதித்தால்
மரணத்திலிருந்து மீளலாம்! //

மளிகை கடையும் மருந்து கடையும் 3838410834

நல்லா இருக்கு சசி புன்னகை

**கார்த்திக் செயராம்** · 29/10/2015

என்றைக்கு மருத்துவம் வியாபாரம் ஆனதோ
அன்றைக்கே நோய்களும் வியாபாரம் செய்ய ஆரம்பித்து விட்டன !!!

அருமையான பதிவு சசி . மளிகை கடையும் மருந்து கடையும் 3838410834

யினியவன் · யினியவன் Tue Jan 26, 2016 9:04 am

மருத்துவ துறை அல்ல மருத்துவ குறை!!!

**கார்த்திக் செயராம்** · 29/10/2015

ஆப்புரேசன் தியேட்டருல
அறுத்துகிட்டு இருக்கையில
கரண்ட்டு ஆனதால பொன்னம்மா ( நம்ம )
பொன்னுசாமி போயிட்டாரு செல்லம்மா .

கலாவதி மருந்த கொடுத்து
கலர் கலரா சீட்ட தந்து
காலம் கடத்தி போனதால பொன்னம்மா . (நம்ம )
கருப்பசாமி சேர்ந்துட்டாரு செல்லம்மா.

அந்த டெஸ்டு அங்க இருக்கு
இந்த டேஸ்டு இங்க இருக்கு
அலையவிட்டு பாக்குராண்டி பொன்னமா (நம்ம )
அருக்காணி அவுட்டாசி செல்லம்மா .

காலுக்கு தான் ஆப்புரேசன்
கந்தசாமி போனதுக்கு
கத்தரிய வச்சிபுட்டு கண்ணம்மா (அவன் )
தச்சிபுட்டு தேடுராண்டி செல்லம்மா .

நன்றி கார்த்திக் செயராம்

சசி · சசி Tue Jan 26, 2016 10:12 am

krishnaamma wrote://மனிதா மண்ணை மதித்தால்
மரணத்திலிருந்து மீளலாம்! //

நல்லா இருக்கு சசி

[url=http://www.eegarai.net/t127863-topic#1189696]மேற்கோள் செய்த பதிவு: 1189696[/

[size=34]நன்றி அம்மா
[/size]

சசி · சசி Tue Jan 26, 2016 10:17 am

யினியவன் wrote:மருத்துவ துறை அல்ல மருத்துவ குறை!!!

மேற்கோள் செய்த பதிவு: 1189714

நன்றி அண்ணா.மருத்துவத்தை காசாக்கி
கொள்ளை லாபம் பார்க்கிறார்கள்.
குடலேத்தம் தெரியாம கோடி கோடியாய் செலவு செய்வார்கள் என்று சொல்வார்களே
அது போல நமது ஆரோக்கியம் நமது மண்ணில் பொதிந்து கிடைக்கின்றது. இயற்கையை மீறி செயற்கையில் நுழைந்தால் வந்த விளைவு நாம் மட்டும் அல்ல நமது சந்ததியும் அனுபவிக்க போகிறது.

**T.N.Balasubramanian** · **T.N.Balasubramanian** Tue Jan 26, 2016 10:58 am

ஆம் சிந்திக்க வேண்டிய விஷயம் தான் ...........எல்லோரும் .

ரமணியன்

Sponsored content · Sponsored content

மளிகை கடையும் மருந்து கடையும்

மளிகை கடையும் மருந்து கடையும்

Re: மளிகை கடையும் மருந்து கடையும்

Re: மளிகை கடையும் மருந்து கடையும்

Re: மளிகை கடையும் மருந்து கடையும்

Re: மளிகை கடையும் மருந்து கடையும்

Re: மளிகை கடையும் மருந்து கடையும்

Re: மளிகை கடையும் மருந்து கடையும்

Re: மளிகை கடையும் மருந்து கடையும்

Re: மளிகை கடையும் மருந்து கடையும்

Re: மளிகை கடையும் மருந்து கடையும்

Re: மளிகை கடையும் மருந்து கடையும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக