சித்திரை பௌர்ணமி பொழுதில்................நாம்

K.Senthil kumar · K.Senthil kumar Sun Jan 03, 2016 2:19 pm

First topic message reminder :

சித்திரை பௌர்ணமி பொழுதில்................நாம்

சித்திரை பௌர்ணமி பொழுதில்................நாம் - Page 2 SPAwKwkYQriZFieSTuid+MG_9966

வானத்தில் வட்டநிலா வந்து சிரிக்கும் -அந்த
நேரத்தில் சுட்ட மணல் குளிர்ந்திருக்கும்

நிலவொளியில் மணல்வெளியில் பூத்துமணக்கும் -அந்த
வாண்டுகள் கை கோர்க்கும் கபடியாட்டம்

இதங்குளிரில் கலகலப்பில் மக்கள் கூட்டம் -அங்கே
ஈந்தும் கரங்கள் இருந்திருப்பதை இரவு காட்டும்

இனியவார்த்தை தேன்பாகாய் காதில் இனிக்கும் -அந்த
இன்பமான காட்சிகளும் காணக்கிடைக்கும்

கூட்டத்தில் ஓட்டத்தில் குதூகலிப்போம் -மணல்
தோட்டத்தில் நீரோட்டத்தில் ஓடிபிடிப்போம்

தோல்விகளும் வெற்றிகளும் தோன்றிமறையும் -ஆனால்
தோற்றவர்கள் அங்கேதான் துவளுவதில்லை

தோற்றவருக்கு துணைக்குபோக மனம் துடிக்கும் -ஆனால்
தோள்கொடுக்க ஆளுக்கங்கே குறையுமில்லை....

தடுக்கிவிழுந்தால் தாங்கிபிடிப்பாய்
நினைவில்லையா நண்பா -உனக்கு
நினைவில்லையா....???

தங்கமான காலமெல்லாம்
கனவல்லவே நண்பா -எனக்கு
கனவல்லவே...???

அந்தப்பொழுதில் அப்பொழுதில்
ஆசைபொங்கும் அந்நிகழ்வில்
இன்பம் பெருகும் நமக்கு –அது
சுகமல்லவா நண்பா-நல்
சுகமல்லவா......???

இந்தப்பொழுதில் இப்பொழுதில்
நினைவூரும் அந்நிகழ்வால்
சுகம் அடையும் நமக்கு –அது
அகமல்லவா நண்பா-நம்
அகமல்லவா.....???

(சித்ரா பௌர்ணமியில் ஆற்றங்கரை மணலில் நிலாச்சோறு உண்டு விளையாடி வீடு வீடுதிரும்பும் நிகழ்வு)

கே.செந்தில் குமார்

பிழைகள் திருத்தப்பட்டன

K.Senthil kumar · K.Senthil kumar Tue Jan 05, 2016 2:50 pm

krishnaamma wrote:குதூகலிப்போம் ..............இது குதூக ளி ப்போம்...என்று இருந்தது செந்தில், மாத்திட்டேன் .....அருமையாக எழுதரீங்க....காட்சிகள் கண் முன்னே விரிகிறது .................

மேற்கோள் செய்த பதிவு: 1185409

நன்றி அம்மா..

**ராஜா** · **ராஜா** Tue Jan 05, 2016 3:28 pm

krishnaamma wrote:குதூகலிப்போம் ..............இது குதூக ளி ப்போம்...என்று இருந்தது செந்தில், மாத்திட்டேன் .....அருமையாக எழுதரீங்க....காட்சிகள் கண் முன்னே விரிகிறது .................

மேற்கோள் செய்த பதிவு: 1185409

குதூகளிப்போம் தானே சரி , அதை ஏன் மாற்றினீர்கள்?!!

**krishnaamma** · **krishnaamma** Thu Jan 07, 2016 11:44 am

ராஜா wrote:
krishnaamma wrote:குதூகலிப்போம் ..............இது குதூக ளி ப்போம்...என்று இருந்தது செந்தில், மாத்திட்டேன் .....அருமையாக எழுதரீங்க....காட்சிகள் கண் முன்னே விரிகிறது .................
மேற்கோள் செய்த பதிவு: 1185409

குதூகளிப்போம் தானே சரி , அதை ஏன் மாற்றினீர்கள்?!!

மேற்கோள் செய்த பதிவு: 1185446

குதூகலிப்போம்.....என்றால் சந்தோஷப்படுவோம் என்று அர்த்தம் வரும்.............ஆனால்

குதூகளிப்போம்......என்பதன் அர்த்தம் என்ன ராஜா? .............