சிரியாவில் ரஷியா நடத்திவரும் தாக்குதல்களில் பொதுமக்கள் பலியாவது வேதனையாக உள்ளது: அமெரிக்கா கவலை

**ராஜா** · **ராஜா** Wed Dec 30, 2015 11:51 am

சிரியாவில் அதிபர் பஷர் அல் ஆசாத்தின் ஆட்சிக்கு எதிராக போராட்டத்தில் ஈடுபட்டுவரும் புரட்சிப்படையினர் மற்றும் சிரியாவின் சில பகுதிகளை கைப்பற்றி அங்குள்ள மக்களை கொடுமைப்படுத்திவரும் ஐ.எஸ். தீவிரவாதிகளுக்கு எதிராக விமானப்படை மூலம் தாக்குதல் நடத்த கடந்த செப்டம்பர் மாதம் 30-ம் தேதி ரஷியா முடிவு செய்தது.

இதையடுத்து, சிரியாவில் அதிபரின் படைகளுக்கு ஆதரவாகவும், ஐ.எஸ். தீவிரவாதிகளின் முகாம்களை அழிக்கும் நோக்கத்திலும் கடந்த மூன்று மாதங்களாக பல்வேறு பகுதிகளின்மீது ரஷிய விமானப்படைகள் குண்டுமழை பொழிந்து தாக்குதல் நடத்தி வருகின்றன.

இந்த தாக்குதல்கள் பெரும்பாலும் வீடுகள், ஆஸ்பத்திரிகள், பள்ளிகள் மற்றும் நிவாரண முகாம்களின் அருகாமையில் நடத்தப்படுவதால் ஏராளமான அப்பாவி மக்கள் பலியாகி வருவதாக உள்ளூர் ஊடகங்கள் செய்தி வெளியிட்டு வருகின்றன. இந்நிலையில், சிரியாவில் ரஷிய நாட்டின் விமானப்படைகள் நடத்திவரும் தாக்குதல்களில் பொதுமக்கள் பலியாவது வேதனையாக உள்ளதாக அமெரிக்கா கவலை தெரிவித்துள்ளது.

இதுதொடர்பாக, அமெரிக்க வெளியுறவுத்துறையின் செய்தித்தொடர்பாளர் நேற்று வெளியிட்ட அறிக்கையில், ‘சிரியாவில் பொது இடங்களை குறிவைத்து ரஷிய விமானப்படைகள் நடத்த தொடங்கியதில் இருந்து அங்கு ஏராளமான அப்பாவி மக்கள் பலியாகி வருவதாக அங்குள்ள அரசுசாரா அமைப்புகள் புகார் அளித்து வருகின்றன.

இது நமக்கு வேதனை அளிக்கும் வகையிலும், அமெரிக்காவின் அமைதி முயற்சிக்கு இடையூறாகவும் உள்ளது. இதுதொடர்பாக, அமெரிக்க வெளியுறவுத்துறை மந்திரி ஜான் கெர்ரி, ரஷிய நாட்டின் வெளியுறவுத்துறை மந்திரி செர்கெய் லாவ்ராவ்-வுடன் தொலைபேசியில் தொடர்பு கொண்டு தனது கருத்து தெரிவித்துள்ளார்’ என குறிப்பிட்டுள்ளார். -maalaimalar

**ராஜா** · **ராஜா** Wed Dec 30, 2015 11:56 am

ரஷ்யா இந்த விஷயத்தில் தலையிட ஆரம்பித்த இந்த மூன்று மாதங்களில் ஐஎஸ் குழுவின் கதி என்ன நிலைக்கு ஆளாகியுள்ளது என்று உலகமே தெரிந்துகொண்டுள்ளது.

இதே அமெரிக்கா ஐஎஸ்க்குக் எதிரான நடவடிக்கையை தங்களின் ஆயுத விற்பனை மற்றும் புதிய ஆயுதங்களை பரிட்சித்து பார்க்க மட்டுமே பயன்படுத்திவந்துள்ளனர்.

இன்று என்னடா நம்முடைய நாட்டாமை வேலை இவனுங்க(ரஷ்யா) அடிக்குற அடியில் எடுபடவில்லையே என்று புலம்புவதும் புரிகிறது

சிரியாவில் ரஷியா நடத்திவரும் தாக்குதல்களில் பொதுமக்கள் பலியாவது வேதனையாக உள்ளது: அமெரிக்கா கவலை

சிரியாவில் ரஷியா நடத்திவரும் தாக்குதல்களில் பொதுமக்கள் பலியாவது வேதனையாக உள்ளது: அமெரிக்கா கவலை

Re: சிரியாவில் ரஷியா நடத்திவரும் தாக்குதல்களில் பொதுமக்கள் பலியாவது வேதனையாக உள்ளது: அமெரிக்கா கவலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக