அபூர்வ தகவல்கள் : கே.எஸ். கோபாலகிருஷ்ணன்

**பழ.முத்துராமலிங்கம்** · 27/09/2015

First topic message reminder :

அபூர்வ தகவல்கள் : கே.எஸ். கோபாலகிருஷ்ணன் - Page 2 6uUbv7FPTtOJ4O7816Rx+ksg

சினிமா எக்ஸ்பிரஸ்
Thursday, 24 Dec, 4.34 pm
1958 முதல் 1992 வரையிலான 35 ஆண்டுகளில் 52 படங்களில் பங்கு கொண்டுள்ளார் கே.எஸ்.ஜி. கற்பகம் படத்தில் உள்ள அனைத்துப் பாடல்களையும் சுசீலா மட்டுமே பாடியிருப்பதும், இறந்த மனைவி (கே.ஆர்.விஜயா) தன் கணவனுக்கு (ஜெமினிக்கு) ஆவி வடிவில் தோன்றி ஆறுதல் சொல்வதும் இப்படத்தின் சிறப்பு அம்சங்கள்.

ஆண்குரல் பாடல் இன்றி, டூயட் இல்லாமல், சண்டைக் காட்சி இல்லாமல் வெற்றி கண்ட படமிது. கற்பகம் படம் தந்த லாபத்தைக் கொண்டு கற்பகம் ஸ்டுடியோவை இயக்குநர் உருவாக்கினார்.
இதே கதையம்சத்தைக் கொண்ட நான் புடிச்ச மாப்பிள்ளை (1991) படமும் திரையில் வெற்றி கண்டது. இப்படத்தை இயக்குநர் வி.சேகர் எடுத்திருந்தார்.

பணமா பாசமா படம் 100 நாட்களுக்கு மேல் ஓடிய திரையரங்குகளுக்கு பார்வையிடச் செல்லும் கே.எஸ்.ஜி., திரையரங்கு உரிமையாளர்களிடம் இப்படத்தை இன்னும் எத்தனை நாட்களுக்கு திரையிடுவீர்கள் என்று கேட்பாராம். அவர்கள், நீங்கள் அடுத்த படம் தரும் வரை இப்படத்தையே திரையிடுகிறோம் என்று பெருமையாக பதிலளிப்பார்களாம்.

பணமா பாசமா படத்தில் நாயகனின் (ஜெமினியின்) மாமியார் வேடத்தில் நடிக்கும்படி சாவித்திரியை கேட்டாராம் இயக்குநர். அதற்கு சாவித்திரி, அவருக்கு (கணவருக்கு) நான் மாமியாராக நடித்தால் இரசிகர்கள் ஏற்றுக் கொள்ளமாட்டார்கள். வேண்டுமானால் எஸ்.வரலட்சுமியை நடிக்க வையுங்கள் என்று சொன்னதுடன், வரலட்சுமிக்கு சிபாரிசும் செய்து ஊக்கமும் தந்தாராம் சாவித்திரி.

கண்ணதாசன், தான் எழுதிய பாடல்களில் தனக்கு பிடிக்காத பாடல் இந்தப் படத்தில் வரும் எலந்தப் பயம் பாடல்தான் என்று சொல்வாராம். பெற்றோருக்குப் பிடிக்காத சில பிள்ளைகள் வெளியில் பேரும் புகழும் அடைவது போல, இந்தப் பாட்டு ஒரு சாதனையே படைத்தது.

**பழ.முத்துராமலிங்கம்** · 27/09/2015

கே.எஸ்.ஜி. படங்கள் (ஆண்டு வரிசையில்)
சுவாதி நட்சத்திரம் (1974)
உறவுக்கு கை கொடுப்போம் (1975)
தசாவதாரம் (1976) வாயில்லாப் பூச்சி (1976)
பாலாபிஷேகம் (1977) புண்ணியம் செய்தவள் (1977) ரெüடி ராக்கம்மா (1977)
உள்ளத்தில் குழந்தையடி (1978) ஸ்ரீகாஞ்சி காமாட்சி (1978)
அடுக்கு மல்லி (1979)
நீர் நிலம் நெருப்பு (1980) நன்றிக் கரங்கள் (1980)
மகரந்தம் (1981)
நாயக்கரின் மகள் (1982)
யுகதர்மம் (1983)
படிக்காத பண்ணையார் (1985)
மகாசக்தி மாரியம்மன் (1986)
பேர் சொல்லும் பிள்ளை (1987)
பார்த்தால் பசு (1988)
அத்தைமடி மெத்தையடி (1989)
காவியத் தலைவன் (1992)

**பழ.முத்துராமலிங்கம்** · 27/09/2015

குறிப்பிடத்தக்க வெற்றிகள் விருதுகள்
கைராசி - 100 நாட்கள், தெய்வப்பிறவி - 100 நாட்கள் (மத்திய அரசு வழங்கிய சிறந்த மாநில படத்திற்கான முதல் நிலை சான்றிதழ்),

படிக்காத மேதை - 100 நாட்கள் ( சென்னை சினிமா ரசிகர் சங்கம் வழங்கிய சிறந்த படத்திற்கான சான்றிதழ்),

குமுதம் - 100 நாட்கள் (மத்திய அரசு வழங்கிய சிறந்த மாநில படத்திற்கான இரண்டாம் நிலை சான்றிதழ்),

அன்னை - 100 நாட்கள், சாரதா - 100 நாட்கள் (மத்திய அரசு வழங்கிய சிறந்த மாநில படத்திற்கான மூன்றாம் நிலை சான்றிதழ்),

சித்தி - 100 நாட்கள், கற்பகம் - 100 நாட்கள் (மத்திய அரசு வழங்கிய சிறந்த மாநில படத்திற்கான முதல் நிலை சான்றிதழ்),

கை கொடுத்த தெய்வம் - 100 நாட்கள் (மத்திய அரசு வழங்கிய சிறந்த மாநில படத்திற்கான வெள்ளிப் பதக்க விருது மற்றும் சென்னை சினிமா ரசிகர் சங்கம் வழங்கிய சிறந்த படத்திற்கான சான்றிதழ்),

பணமா பாசமா - 100 நாட்கள், குலமா குணமா - 100 நாட்கள், ஆதிபராசக்தி -175 நட்கள்.

பணமா பாசமா எது உயர்ந்தது என்றால், பாசம்தான் உயர்ந்தது. உயிரா மானமா எது உயர்ந்தது என்றால், மானம்தான் உயர்ந்தது.

குலமா குணமா எது உயர்ந்தது என்றால், குணம்தான் உயர்ந்தது எனலாம். இவர் படங்களில் கதையா வசனமா எது உயர்ந்தது என்றால் இரண்டும்தான் என்றே சொல்ல வேண்டும்.

சாக்கோட்டையில் பிறந்த இவர், தனது சாதனை படங்களின் மூலம் சாகாமல் வாழ்ந்து கொண்டிருக்கிறார்!