வைகுண்ட ஏகாதசி விவரங்கள் - தொடர் பதிவு !

**krishnaamma** · **krishnaamma** Sat Dec 19, 2015 11:55 pm

First topic message reminder :

ஏகாதசி விரதம் இருப்பவர்கள் , இரவு முழுவதும் விரதம் இருப்பது நல்லது!

வைகுண்ட ஏகாதசி விவரங்கள் - தொடர் பதிவு ! - Page 3 HacEXii9QbqmhOvMmarL+8b641484-2f6f-43fc-8731-45d55c6d0419_S_secvpf

வைகுண்ட ஏகாதசி விவரங்கள் - தொடர் பதிவு ! - Page 3 HacEXii9QbqmhOvMmarL+8b641484-2f6f-43fc-8731-45d55c6d0419_S_secvpf

ஏகாதசி விரதம் இருப்பவர்கள் ஏகாதசிக்கு முதல் நாள் தசமி அன்று பகலில் ஒரு வேளை மட்டும் உணவு சாப்பிட்டு மற்றும் ஏகாதசியன்று அதிகாலையில் கண்விழித்து குளித்துவிட்டு, பூஜை செய்து விரதம் இருக்க வேண்டும். இரவு முழுவதும் கண்விழித்து புராண நூல்களை படிப்பதும், பகவான் நாமங்களை சொல்லுவதுமாக இருக்க வேண்டும்.

ஏகாதசிக்கு மறுதினம் துவாதசி என்பர். துவாதசி அன்று உணவு அருந்துவதை பாரணை என்று கூறுவர். துவாதசியன்று அதிகாலையில் உப்பு, புளிப்பு முதலிய சுவையற்ற உணவாக சுண்டைக்காய், நெல்லிக்கனி, அகத்திக்கீரை இவைகளைச் சேர்த்து பல்லில் படாமல் “”கோவிந்தா! கோவிந்தா!, கோவிந்தா!!!’’ என்று மூன்று முறை கூறி ஆல் இலையில் உணவு இட்டு சாப்பிட்டு விரதத்தை முடிக்க வேண்டும். உணவு சாப்பிடும் முன் அதை பெரியோர்களுக்கு வழங்க வேண்டும்.

அன்று பகலில் தூங்காமல் இருக்க வேண்டும். 8 வயதிற்குட்பட்ட குழந்தைகள், 80 வயதிற்குட்பட்ட பெரியவர்கள் ஆகியோர் விரதம் மேற்கொள்ளத் தேவையில்லை என்று சாஸ்திர நூல்கள் கூறுகின்றன. விரத மகிமை வைகுண்ட ஏகாதசி விரதம் பக்தியிலும், புண்ணியத்திலும் உயர்ந்து சிறந்து விளங்குகிறது. ‘’மார்கழி மாதம் ஏகாதசி விரதம் இருந்து வழிபடுவோருக்கு யாம் வைகுண்ட பதவி அளித்து ஆட்கொள்வோம்‘’ என்பது திருமால் வாக்கு. இதனால் இவ்விரதம் மகிமை வாய்ந்ததாக கருதப்படுகிறது.

ஆண், பெண் அனைவரும் பின்பற்ற வேண்டிய பெருமைமிக்க விரதமானது வைகுண்ட ஏகாதசி விரதம். பதினைந்து நாட்கள் கொண்ட ஒரு காலப்பகுதியை ஒரு பட்சம் என்கிறோம். தேய்பிறை, வளர்பிறை ஆகிய இந்த இரண்டு பட்சங்களில் ஒவ்வொன்றிலும் 11வது நாளின் (திதியில்) வருவது ஏகாதசி ஆகும். இதில் மார்கழி மாத வளர்பிறை ஏகாதசியை நாம் வைகுண்ட ஏகாதசியாக வணங்குகிறோம்.

கர்மேந்திரியங்கள் ஐந்து, ஞானேந்திரி யங்கள் ஐந்து, மனம் ஆகிய இந்த பதினொரு இந்திரியங்களால் செய்யபடும் தீவினைகள் எல்லாம் இந்த பதினோராவது திதியில் ஏகாதசி விரதம் இருந்தால் அழிந்து விடுவது உறுதி என்று முன்னோர்கள் கூறுவர். ஏகாதசி அன்று இரவும், பகலும் விரதம் இருந்து மஹாவிஷ்ணுவை துதிப்போருக்கு இந்தப் பிறவியில் நிலைத்த புகழ், நோயற்ற வாழ்வு, நன்மக்கட்பேறு முதலியவற்றை பகவான் அளிப்பதோடு, மறுபிறவியில் வைகுண்டவாசம் “சொர்க்கவாசல்” வழங்குவதாக புராணங்களில் கூறப்படுகிறது.

மாலை மலர்

**T.N.Balasubramanian** · **T.N.Balasubramanian** Thu Dec 24, 2015 10:47 am

ஆகம விதிகளில் ஒன்றா என்று நான் கேட்டு இருந்தால்
நீங்கள் என்ன பதில் சொல்லி இருப்பீர்கள் ?
(ஜோடித்த பதில் கூடாது ஆமாம் சொல்லிட்டேன் .)

ரமணியன்

**விமந்தனி** · **விமந்தனி** Mon Jan 04, 2016 12:22 am

T.N.Balasubramanian wrote:ஆகம விதிகளில் ஒன்றா என்று நான் கேட்டு இருந்தால்
நீங்கள் என்ன பதில் சொல்லி இருப்பீர்கள் ?
(ஜோடித்த பதில் கூடாது ஆமாம் சொல்லிட்டேன் .)

ரமணியன்

'ஆமாம் என்று அவர்கள் சொன்னாலும் இதில் ஆச்சர்யப்படுவதற்கு ஏதுமில்லை' என்று பதில் சொல்லுவேன்.

தாமதமான பதில் தான். நான் இப்போது தான் பார்த்தேன்.

அதென்ன ஜோடித்த பதில் கூடாது என்று கண்டிஷன்...? அப்போ நான் இதுவரைக்கும் சொன்னதெல்லாம் ஜோடனைதான் என்கிறீர்களா ஐயா...?
(வேற வழியே இல்ல. விஜய் டிவி-லையும் மகாபாரதம் முடிஞ்சு போச்சு) ஜாலி