சுழன்று அடிக்கும் சூறாவளி! - பொது அறிவு தகவல்

**ayyasamy ram** · **ayyasamy ram** Mon Dec 07, 2015 8:19 am

-

சுழன்று அடிக்கும் சூறாவளி! - பொது அறிவு தகவல் VH9R7xvqR3IF8WYt8gNF+_86187512_029665429

-

ஒரு குறிப்பிட்ட பகுதியில் உருவாகும் குறைந்த
காற்றழுத்தத் தாழ்வு மண்டலம் வலுவடையும்போது
சூறாவளி என அழைக்கப்படுகிறது.
–
பொதுவாக சூறாவளியானது இடி, மழை, பலத்த காற்று,
கடல் கொந்தளிப்பு, வெள்ளம் ஆகிய நிகழ்வு களோடு
தொடர்புடையது.
–
1840ம் ஆண்டு ஹென்றி பிடிங்க்டன் என்பவர்தான்
முதன்முதலில் சூறாவளி (சைக்ளோன்) என்ற பெயரைப்
பயன்படுத்தினார். இது ‘சுழன்று அடிக்கும்’ எனப்
பொருள்படும் ‘கைக்லோன்’ என்ற கிரேக்கச்
சொல்லிலிருந்து வந்தது.
–
சூறாவளி உருவாக கடல்நீரின் வெப்பநிலை
26 டிகிரி செல்சியஸ் ஆக இருத்தல் அவசியம்.
இதனால் இந்நிகழ்வு பெரும்பாலும் பூமத்தியரேகைப்
பகுதிகளிலேயே ஏற்படுகின்றது. இவை இந்தியா,
ஆஸ்திரேலியா மற்றும் தென்கிழக்கு ஆசிய நாடுகளில்
அதிக பாதிப்பை ஏற்படுத்துகின்றன.
–
பருவநிலை மாற்றங்களால் கடல் பகுதியில் உருவாகும்
வெப்பக் காற்று எடை குறைவாக இருப்பதால் மேல்
நோக்கி நகர்கிறது. இதனால் இப்பகுதி யில் குறைந்த
காற்றழுத்தம் உருவாகிறது.
–
மேல் செல்லும் வெப்பக்காற்று நீர்த்திவலைகளோடு
சேர்ந்து குளிர்ந்து மழை மேகங்களாகிறது. வெப்பக்காற்று
மேல்நோக்கிச் செல்லும்பொழுது ஏற்படுத்திய காலி
இடத்தை குளிர்ந்த காற்று வேகமாக அடைகிறது.
பூமியின் தொடர் சுழற்சியின் காரணமாக, நகரும் காற்று
மண்டலம் உட்புறமாக வளைந்து சுழன்று மேல் நோக்கி
மிகுந்த வேகத்தில் எழும்புகிறது.
–
தொடர்ந்து அதிகரிக்கும் வேகமானது ஒரு பெரும்
வளையமாக உருவெடுத்து சுமார் 2000 கி.மீ பரப்பளவிற்கு
பரவும் தன்மை கொண்டது.
–
காலியான இக்காற்று மண்டலத்தின் மையப்பகுதி
‘சூறாவளிக் கண்’ என வழங்கப்படுகிறது, சூறாவளியின்
போது உருவாகும் மழை மேகங்கள் குறுகிய காலகட்டத்தில்
அதிக அளவு மழையையும் பலத்த காற்றையும் கொண்டு
வரும்.
–
இச்செயல்பாடு சூறாவளிக் கண்ணிலிருந்து சுமார் 20-30 கி.மீ.
தொலைவு வரை இருக்கும். இதன் வேகம் மணிக்கு சுமார்
200 கி.மீ. வரை இருக்கும். இந்தியாவில் வங்கக் கடற்கரைப்
பகுதியில் மேற்கு வங்காளம், ஒரிசா, ஆந்திரப்பிரதேசம்,
தமிழ்நாடு ஆகிய மாநிலங்களும், அரபிக்கடல் பகுதியிலுள்ள
குஜராத், மகாராஷ்டிரா மாநிலங்களும் சூறாவளி பாதிப்பு
அதிகமுள்ள பகுதிகளாகும்.
–
1999ம் ஆண்டு அக்டோபர் 29ம் தேதி ஒரிசா மாநிலக் கடற்
கரையை மணிக்கு 350 கி.மீ. வேகம் கொண்ட பலத்த சூறாவளி
தாக்கியது. இது சுமார் 1 கோடி மக்களுக்கு பேரிழப்பை
ஏற்படுத்தியது.
–
அட்லாண்டிக் பெருங்கடலில் உருவாகும் சூறாவளி ‘ஹரிக்கேன்’
எனவும், பசிபிக் பெருங்கடலில் உருவாவது ‘டைஃபூன்’ எனவும்,
இந்தியப் பெருங்கடல் பகுதியில் ‘சைக்ளோன்’ எனவும்
வெவ்வேறு பெயர்களில் வழங்கப்படுகிறது. சூறாவளி போன்ற
அதிவேக காற்றையும், அதனால் ஏற்படும் அழிவையும் தடுக்க
கடலோரங்களில் காற்றின் வேகத்தை தடுக்கும் சக்தியுடைய
தாவரங்களாகிய பனை, சவுக்கு மற்றும் தென்னை மரங்களை
வரிசை வரிசையாக நட்டு வளர்த்தல் அவசியம்.
–
இம்மரங்கள் காற்றின் வேகத்தைக் குறைக்கும் அரண்களாக
செயல்பட்டு, அழிவைக் குறைக்கும்.
–
———————————-
– சி.பரத்
முத்தாரம்