தகவல் துளி: இந்தியாவில் கண்டுபிடிக்கப்பட்டது ஹீலியம் வாயு

**ayyasamy ram** · **ayyasamy ram** Thu Nov 05, 2015 7:49 pm

-
விழா கொண்டாட்டங்கள் என்றால் பலூன்களுக்கு பஞ்சம் இருக்காது. அதிலும் தற்போதைய நிலையில் ஹீலியம் வாயு நிரப்பப்பட்ட பலூன்களுக்கு அதிக வரவேற்பு இருக்கிறது. அத்தகைய ஹீலியம் வாயு பற்றி தெரிந்து கொள்வோம்…

கிரேக்க மொழியில் ஹீலியம் என்பதற்கு சூரியன் என்பது பொருள். சூரியன் கண்டுபிடிக்கப்பட்டதற்கு பிறகு பூமியில் கண்டறியப்பட்ட முதல் தனிமம் ஹீலியம் என்றும் ஆராய்ச்சிகள் கூறுகின்றன.

தீப்பிடிக்காத தன்மையுடைய இந்த வாயு, பலூனை மிகவும் உயரமான பகுதிக்கு கொண்டுசெல்ல உதவுகிறது. ஹைட்ரஜன் வாயுவைப் போலவே ஹீலியம் வாயுவும் காற்றைவிட லேசானது. இந்த ஹீலியம் வாயு இந்தியாவில் கண்டுபிடிக்கப்பட்டது என்ற தகவல், பலரும் அறியாத ஒன்று.

சூரிய கிரகணத்தை ஆராய்வதற்காக இந்தியா வந்த பிரிட்டன் வானவியலாளர் ஜூலஸ் ஜான்சன், இங்கிலாந்து விஞ்ஞானி நார்மன் லாக்கியர் ஆகியோர் இணைந்து ஹீலியத்தை கண்டறிந்தனர்.

இயற்கை வளங்களில் ஒன்றான ஹீலியம் வாயு எல்லா இடங்களிலும் கிடைப்பதில்லை என ஆராய்ச்சிகள் கூறுகின்றன. ஹீலியம் வாயு எம்ஆர்ஐ ஸ்கேன் எடுக்க பயன்படும் பெரிய கருவிகளின் காந்தங்களை குளிர்விப்பதில் முக்கிய பங்கு வகிக்கிறது.

இத்தகைய பயனுள்ள ஹீலியம் வாயுவை பலூன்களில் தேவையின்றி அடைத்து வீணாக்குவதை தவிர்க்க வேண்டும் என்பது ஆராய்ச்சியாளர்களின் கோரிக்கையாக உள்ளது.

-புதியதலைமுறை.டிவி