மருத்துவ குறிப்புகள் - 1

மருதம் பட்டையை நெய்யில் வறுத்து பொடி செய்து அப்பொடிக்கு சம அளவு மஞ்சள் கரிசலாங்கண்ணி தூள் சேர்த்து காலை மற்றும் இரவு 1/2 கிராம் 100 மில்லி தேனில் சாப்பிட கல்லீரல் அழற்சி மற்றும் உஷ்ணத்தினால் ஏற்படும் வயிற்று வலி தீரும்.


பிரண்டையை துகையல் செய்து சாப்பிட பசியைத் தூண்டும். குடல் வாய்வும் நீங்கும்.


எலுமிச்சை மற்றும் நார்த்தை இலைகளை மோரில் உறப் போட்டு அம்மோரை பருகிவர குமட்டல் நீங்கும்.


தான்றி காய் தோலை, வறுத்து பொடித்து தேனுடனோ, சக்கரையுடனோ காலை மற்றும் மாலை சாப்பிட இரத்த மூலம் நிற்கும்.


மாசிக்காயை சிறிது நெய்விட்டு வறுத்து பவுடராக்கி புளியங்கொட்டை அளவு தேனில் காலை இரவு சாப்பிட இரத்தம் போதல் தீரும்.


வெந்தயத்தை ஊற வைத்து, வெந்தயத்தை மென்று தின்று, ஊறிய வெந்தய நீரைக் குடிக்க ஆசன கடுப்பு நீங்கும்.


மாம் பருப்பை நன்கு காயவைத்து பொடி செய்து மேற்படி பொடியை, நெய் அல்லது தேனில் குழைத்து சாப்பிட சீத பேதி குணமாகும்.


பூவரசம் கொழுந்தும் 5 அல்லது 6 மிளகும் சேர்த்து நன்கு அரைத்து மோரில் கலக்கி காலை, மதியம், இரவு தினமும் 3 வேளை சாப்பிட பூரண குணமாகும். மிளகும், பூவரசம் கொழுந்தும் அரைத்த விழுது எலுமிச்சை அளவு இருக்கவ் ஏண்டும். உணவில், உப்பு, புளி, நீக்க வேண்டும். கஞ்சி, பால் சாதம், இளநீர், கொழுப்பு இல்லாத பால் ஆகிய உணவே சிறந்தது.



நற்சீரகம் 1 தேக்கரண்டி சோம்பு 1 தேக்கரண்டி இரண்டையும் 200 மில்லி தண்ணீரில் சேர்த்து கொதிக்க வைத்து பருக உடனடியாக வயிற்று உப்புசம் நீங்கி நல்ல பசியுண்டாகும்.


மாங்காயிலுள்ள பருப்பை நன்கு காயவைத்து பொடி செய்து மொச்சை அளவு மோருடன் சாப்பிட விரைவில் வயிற்றுப் புண் குணமாகும்.


தூதுவளையை நெய்யில் வறுத்து சாப்பிட சளி குறையும்.


தாய்பால் நன்றாக சுரக்க பூண்டினை பாலில் போட்டு சாப்பிட வேண்டும்.


மாசிக்காயை பாலில் இலேசாக கரைத்து சாப்பிட்டால் தூக்கம் வரும்.


அரிசி திப்பிலீயை பொடி செய்து தேனில் சாப்பிட இருமல் நிற்கும்.


ஏலாக்காய் பொடி செய்து நெய்யில் சாப்பிட இருமல் போகும்..


இரவில் பால் சாப்பிட்டவுடன் படுக்க கூடாது.


நீர் எரிச்சல் இருக்கும் போது புளியங்கொட்டையை எடுத்து வாயில் வைத்திருந்தால் எரிச்சல் குறையும்.