திருமந்திரம் விளக்கப்படங்கள்

First topic message reminder :

திருமந்திரம்
நந்தியின் சீடரான சுந்தரநாதர் கயிலாசத்திளிருந்து புறப்பட்டு தமிழகம்வந்து திருவாவடுதுறையில் இறந்து கிடந்த மூலன் உடலில் புகுந்து திருமூலர் என்ற பெயரில் மூவாயிரம் பாடல்களை தமிழில் தான் எழுதினார். அதுவே திருமந்திரம் எனப்படுகிறது. கடவுளைப்பற்றிய பல ரகசியங்கள் திருமந்திரத்தில் பொதிந்து கிடக்கிறது.தமிழ் தெரிந்தவர்கள் மட்டுமே திருமந்திரம் பயில வாய்ப்பு பெற்றவர்கள்   அதனால்தானோ  என்னவோ திருமூலர்  தமிழில்  திருமந்திரத்தை  எழுதி  உள்ளார்
திருமந்திரத்திற்குப் பண்டைக்காலத்தில் உரை எழுதப்படவில்லை. 20ஆம் நூற்றாண்டின் நடுப்பகுதியிலிருந்துதான் இதற்குப் பலராலும் உரைகள் எழுதப்பட்டு வந்துள்ளது. இதனால், பல பாட்டுக்களில் கூறப்பட்டிருப்பவைக்கு, வேறுபட்ட, முரண்பட்ட கருத்துக்கள் கொடுக்கப்பட்ட நிலைதான் காணப்படுகிறது.
திருமந்திரத்தில்  பொதிந்துள்ள  கருத்துக்களை  புரிந்து கொள்வதற்கு  அதன் பாடலை உரையில்லாமல்  மூலத்தையே வாசித்து  பொருள் உணரவேண்டும் என்பது  என் கருத்து. இருப்பினும்  நான் திருமந்திரத்தை  வாசிக்கும்பொழுது எனக்குள் தோன்றிய அகக்காட்சிகளை  என்னால் முடிந்தவரை படங்களாகப் பதிவு செய்து  உங்கள்  பார்வைக்கு  வழங்குகிறேன்

[You must be registered and logged in to see this image.]

வேதங்கள் ஆட மிகுஆகமம் ஆடக்
கீதங்கள் ஆடக் கிளறண்டம் எழாடப்
பூதங்கள் ஆடப் புவனம் முழுதாட
நாதங் கொண்டாடினான் ஞானானந்த கூத்தே—திருமந்திரம்
*****
கூத்து ---நடனம்,சுவாசம்,இயக்கம்

[You must be registered and logged in to see this image.]

நடுவு கிழக்கு தெற்கு உத்தரம் மேற்கு
நடுவு படிகம் நற்குங்கும வன்னம்
அடைவு உள அஞ்சனம் செவ்வரத்தம் பால்
அடியார்க்கு அருளிய முகம் இவை ஐந்தே--திருமந்திரம்1718

[You must be registered and logged in to see this image.]

பார்ப்பான் அகத்திலே பாற்பசு வைந்துண்டு
மேய்பாரு மின்றி வெறித்து திரிவன
மேய்ப்பாரு முண்டாய் வெறியு மடங்கினாற்
பார்ப்பான் பசுவைந்தும் பாலாச் சொரியுமே---திருமந்திரம் 2884

***************************
பார்ப்பான்---ஆன்மா,
பசுக்கள்--புலன்கள்,
மேய்ப்பான்---அறிவு,
பால்--ஆன்ம இன்பம்.

[You must be registered and logged in to see this image.]

ஆனந்தம் ஆனந்தம் என்பர் அறிவிலார்
ஆனந்த மானடம் ஆரும் அறிகிலர்
ஆனந்த மானடம் ஆரும் அறிந்தபின்
தான் அந்தம் அற்றிடம் ஆனந்தமாமே---திருமந்திரம் 2796
***

தான்---- ஆணவம்

அருமை ஐயா. இந்த விளக்கபடம் எங்கிருந்து எடுக்கப்பட்டவை? தாங்கள் தயார் செய்ததுதானா?

Sasiiniyan Sasikaladevi wrote:
அருமை ஐயா. இந்த விளக்கபடம் எங்கிருந்து எடுக்கப்பட்டவை? தாங்கள் தயார் செய்ததுதானா?

[You must be registered and logged in to see this link.]

ஆமாம்

2000--2003 ம்  ஆண்டுகளில் நான் முறைப்படி தியானம் கற்றுக்கொண்டு  பயிற்சிகள்  செய்து வந்தேன். அப்பொழுது என் மனத்திரையில்  தோன்றிய அகக்காட்சிகளை  பதிவு செய்து வைத்து  இருந்தேன். அதன் பின்னர் எனக்கு திருமந்திரம் படிக்கும் வாய்ப்பு  கிடைத்தது. திருமந்திரத்தின் சில பாடல்களுக்கும்  நான் அகக்காட்சிகளில்  கண்ட படங்களுக்குக்கும் எதோ ஒரு சம்மந்தம்  இருப்பதை உணர்ந்தேன்.அதனால்  பாடல்  களையும் படங்களையும் இணைத்து  இங்கு வெளியிட்டு வருகிறேன்

நன்றி

வாழ்க வளமுடன்

[You must be registered and logged in to see this image.]

அண்டம் ஏழுகோடி: பிண்டம் ஏழுகோடி,
தெண்திரை சூழ்ந்த திசைகள் ஏழுகோடி,
எண்திசை சூழ்ந்த இலிங்கம் ஏழுகோடி,
அண்டன் நடம் செய்யும் ஆலயந்தானே--திருமந்திரம்2735

ஆலயம்.---உடம்பு

[You must be registered and logged in to see this image.]

வழுதலை வித்திடப் பாகன் முளைத்தது
புழுதியைத் தோண்டினேன் பூசணி பூத்தது
தொழுது கொண்டோடினர் தோட்டக் குடிகண்
முழுதும் பழுத்தது வாழைக் கனியே-----திருமந்திரம்2870

சுக்கிலம் சகஸ்ராரத்தை அடையும்போது சிவானுபவம் தோன்றும்.

[You must be registered and logged in to see this image.]

நணுகில் அகல் வியன்நாதன்,உலகத்து
அணுகில் அகன்ற பெரும்பதி நந்தி
நணுகிய மின்ஒளி ,சோதி,வெளியைப்
பணியின்அமுதம் பருகலும் ஆமே---திருமந்திரம் 2773

[You must be registered and logged in to see this image.]

பாலொடு தேனும் பழத்துள் இரதமும்,
வாலிய பேரமுது ஆகும் மதுரமும்
போலும் துரியம் பொடிபட உள் புகச்
சீலம் மயிர்க்கால் தொறும் தேக்கிடுமே---திருமந்திரம் 2792