கோபத்தை குறையுங்கள் - புத்தர் போதனை

-

புத்தர் ஒரு முறை தனது பரப்புரைக்காக ஒர் கிராமத்திற்குச்
சென்றிருந்தார். பரப்புரை எல்லாம் முடிய இரவு நேரமாகி
விட்டது. புறப்பட எத்தணிக்கையில் கிராம மக்கள் ,
இப்போது புறப்பட வேண்டாம் எனவும், காலையில்
செல்லலாம் எனவும் கூறினர்.
–
அவசரமாக புறப்பட வேண்டிய புத்தர், என்ன காரணம்
எனக் கேட்டார். அங்குலிமால் என்ற ஒரு திருடன் பக்கத்துக்
காட்டில் இருப்பதாகவும், அவன், இரவு வேளைகளில்
காட்டைக் கடப்பவர்களின் சொத்துக்களை கொள்ளையிட்டு
விட்டு அவர்களின் கட்டை விரலை
(ஒரு கணக்கு வேண்டாமா) வெட்டிவிடுவதாகவும்
சொன்னார்கள்.
–
புத்தர் சிறுமுறுவலோடு, தான் பார்த்துக் கொள்வதாக
சொல்லிவிட்டு பயணத்தை துவங்கி விட்டர். பாதிக்காட்டை
தாண்டி இருக்கையில் கிராம மக்கள் சொன்னது போல
”அங்குலி மால்” என்ற திருடன் சுற்றி வளைத்து புத்தரை
மிரட்டினார்.
–
அதைக் கண்டு சிறிதும் கலங்காத புத்தர் “ நான் கேட்கும்,
சில கேள்விகளுக்கு பதில் சொல்,
பிறகு என்னைக் நீ தாரளமாக கொல்லலாம்” என்றார்.
இதற்கு ஒப்புக் கொண்ட அங்குலிமால் கேள்விகளை கேட்கச்
சொன்னான்.
–
உன்னால் , ஒரு மரத்தின் கிளையை உடைக்க முடியுமா?”
என்றார் புத்தார். இது என்ன பெரிய காரியம் என சொல்லி
விட்டு, புத்தர் கண்முன்னே ஒர் கிளையை ஒடித்து அவரது
கையில் கொடுத்தார்.
–
புத்தர் மீண்டும் புன்முறுவலோடு, “ இதை மீண்டும்
மரத்தோடு ஒட்டி வை” என்றார். இதைக் கேட்டு விழி
பிதுங்கிய நிலையில் அங்குலி மால் பார்க்கும் போது ,
புத்தார் சொன்னார் “ எதனையும் அழிப்பது மிக எளிது,
ஆக்குவது மிகக் கடினம்” . இவ்வார்த்தைகள் அவனை
சிந்திக்க வைத்தன,
–
தன் தவறுகளுக்கு வருந்திய அவன், தன்னை சீடனாக
சேர்த்துக் கொள்ளுமாறு வேண்டினான். புத்தரும்
அவனை சீடனாக்கிக் கொண்டார்.
–
இங்கு கிளை என்பது மனித மனம்,
ஒரு முறை உடைந்து விட்டால் மறு முறை ஒட்ட வைப்பது
மிகக் கடினம்.
–
———————————–

-
நியதி :
கோபத்தை குறையுங்கள்,
கோவத்தில் இருக்கும் போது தன்னை அறியாமல்
பேசும் ஒவ்வொரு வார்த்தைகளும் எதிரே இருப்பவரை
மிகவும் காயப்படுத்தும்.
–
எத்துணை காலம் ஆனாலும்,
காயங்கள் மாறவே மாறாது, என்றாவது ஒரு நாள்
நினைவில் தொடர்ந்து வந்து கொண்டே இருக்கும்,
உறவுகளை சீர்குலைக்கும்
-