குறுந்தொகை.....தொடர் பதிவு !

சசி · சசி Sat Aug 22, 2015 8:20 am

First topic message reminder :

அருளும் அன்பும் நீக்கித் துணை துறந்து
பொருள்வயிற் பிரிவோர் உரவோர் ஆயின்,
உரவோர் உரவோர் ஆக
மடவம் ஆக மடந்தை நாமே.
கோப்பெருஞ்சோழன்

**krishnaamma** · **krishnaamma** Sat Oct 17, 2015 4:07 pm

அருமையாக உள்ளது சசி புன்னகை

**T.N.Balasubramanian** · **T.N.Balasubramanian** Sat Oct 17, 2015 6:00 pm

குறுந்தொகை.....தொடர் பதிவு ! - Page 8 3838410834

ரமணியன்

**பழ.முத்துராமலிங்கம்** · 27/09/2015

Sasiiniyan Sasikaladevi wrote:நன்றி ஐயா. நன்றி ஷோபனா

[You must be registered and logged in to see this link.]

Sasiiniyan Sasikaladevi wrote:பாடல். 186 முல்லை _தலைவி கூற்று

ஆர்கலி ஏற்றொடு கார் தலைமணந்த
கொல்லைப் புனத்த முல்லை மென் கொடி
எயிறு என முகையும் நாடற்குத்
துயில் துறந்தனவால் தோழி! எம் கண்ணே.

ஓக்கூர் மாசாத்தியார்

கார்மேகம்
கருந்திரளாய்
திரண்டும்

தங்க கம்பிகளாய்
மின்னும்
மின்னல்
வெளிப்பட!

தேவர்களுக்குள்
யுத்தம் ஏற்பட்டால்
வெளிப்படும்
சத்தம் போல்
இடிகள் கேட்கும்
கார்காலமும்

கார்காலத்தினால்
ஏற்படும்
வெள்ளமும்
வந்தது!!

புன்செய் நிலத்தில்
மென்மையான
கொடிகளை
உடைய
முல்லை மொட்டுகள்

பற்களை போல
அரும்பும்
அழகாகவும்
உடைய நாட்டிற்கு
சொந்தமானவனிடம்

என் இதயம்
காதல் கொண்டது!

அவன் மேல்
கொண்ட காதலினால்
என் தூக்கம்
துறந்து
துன்பத்தில்
வாடுகிறேன்!

தலைவன் கார்பருவம் வந்தும் தலைவன் வராததால் ஏற்பட்ட வருத்தத்தை தோழியிடம் தலைவி கூறியது.

[You must be registered and logged in to see this link.]

எளிய வரிகள் அருமை.

**M.Jagadeesan** · **M.Jagadeesan** Sun Oct 18, 2015 3:16 pm

தோழி : யாரடி வந்தார் ? என்னடி சொன்னார் ?
ஏனடி இந்த மௌனம் ? ஏனடி இந்த துயரம் ?

தலைவி : ஆருயிர் அனைய அன்புத் தோழியே !
நம் ஊரின் புறத்தேயுள்ள ஊருணிக்கு நீ சென்றுள்ளாயா ?

தோழி : சென்றுள்ளேன் ! அதற்கு என்ன இப்போது ?

தலைவி : அந்த ஊருணியில் நீரானது பாசி படர்ந்து , பச்சைநிற சேலை ஒன்றை போர்த்ததுபோல விளங்கும் . அந்த நீரை உண்ணவரும் மக்கள் அப்பாசியை விலக்கிவிட்டு , தம் இரு கைகளாலும் நீரை அள்ளி அள்ளிக் குடிப்பர் .குடித்து முடித்தவுடனேயே அந்தப் பாசியானது மீண்டும் ஒன்றுசேர்ந்து நீர்ப்பரப்பை மூடிக்கொள்ளும் . அதுபோல என்னுடைய தலைவன் என்னுடன் இருக்கின்ற வரையில் , என் மேனியானது தங்கநிறம் பெற்று தகதகவென்று ஜொலிக்கிறது ; ஆனால் தலைவன் என்னைவிட்டு நீங்கிய மறுகணமே , என் மேனியில் பசலை நிறம் பரவி விடுகிறது . இதற்கு நான் என் செய்வேன் ?

399 – மருதம் – தலைவி கூற்று
**************************************

ஊர் உண் கேணி உண்துறைத் தொக்க
பாசி அற்றே பசலைக் காதலர்
தொடுவழித் தொடுவழி நீங்கி
விடுவழி விடுவழி பரத்தலானே .

- பரணர்

**பழ.முத்துராமலிங்கம்** · 27/09/2015

M.Jagadeesan wrote:தோழி : யாரடி வந்தார் ? என்னடி சொன்னார் ?
ஏனடி இந்த மௌனம் ? ஏனடி இந்த துயரம் ?

தலைவி : ஆருயிர் அனைய அன்புத் தோழியே !
நம் ஊரின் புறத்தேயுள்ள ஊருணிக்கு நீ சென்றுள்ளாயா ?

தோழி : சென்றுள்ளேன் ! அதற்கு என்ன இப்போது ?

தலைவி : அந்த ஊருணியில் நீரானது பாசி படர்ந்து , பச்சைநிற சேலை ஒன்றை போர்த்ததுபோல விளங்கும் . அந்த நீரை உண்ணவரும் மக்கள் அப்பாசியை விலக்கிவிட்டு , தம் இரு கைகளாலும் நீரை அள்ளி அள்ளிக் குடிப்பர் .குடித்து முடித்தவுடனேயே அந்தப் பாசியானது மீண்டும் ஒன்றுசேர்ந்து நீர்ப்பரப்பை மூடிக்கொள்ளும் . அதுபோல என்னுடைய தலைவன் என்னுடன் இருக்கின்ற வரையில் , என் மேனியானது தங்கநிறம் பெற்று தகதகவென்று ஜொலிக்கிறது ; ஆனால் தலைவன் என்னைவிட்டு நீங்கிய மறுகணமே , என் மேனியில் பசலை நிறம் பரவி விடுகிறது . இதற்கு நான் என் செய்வேன் ?

399 – மருதம் – தலைவி கூற்று
**************************************

ஊர் உண் கேணி உண்துறைத் தொக்க
பாசி அற்றே பசலைக் காதலர்
தொடுவழித் தொடுவழி நீங்கி
விடுவழி விடுவழி பரத்தலானே .

- பரணர்

[You must be registered and logged in to see this link.]

பரணர் காலத்தில் ஊரணி நிரம்ப தண்ணீர் பச்சை நிற பாசி படர்த்து இருந்தது.
இன்று தண்ணீரே இல்லை பின் பாசி எஙெகே?

மனைவி கணவர் பாசத்தை பாசத்துடன்(பாசி) ஒப்பிடு அருமை அன்பரே.

சசி · சசி Sun Oct 18, 2015 7:58 pm

ஜெகதீசன் ஐயா நன்றி. உரையாடலில் பாடலுக்கான விளக்கம் அருமை

**M.Jagadeesan** · **M.Jagadeesan** Thu Oct 22, 2015 7:16 am

நற்றாய் : என் மகள் வீட்டிற்குச் சென்று வந்தாயே ; அங்கு என்மகள் எப்படி குடும்பம் நடத்துகிறாள் ?

செவிலித்தாய் : அடா ! அடா ! அந்தக் காட்சியைக் காணக் கண்கள் கொடுத்து வைத்திருக்கவேண்டும் . என்னே அன்பு ! என்னே அன்பு !

நற்றாய் : சரி ! சரி ! விஷயத்துக்கு வா ! சுற்றி வளைக்காதே ! நீ சென்ற சமயத்தில் அங்கு என்ன நடந்தது ?

செவிலித்தாய் : அம்மா ! நான் சென்ற சமயத்தில் உன் மகள் அடுக்களையில் இருந்தாள் . கட்டித் தயிரை தன்னுடைய காந்தள் விரல்களால் பிசைந்து கொண்டிருந்தாள். புளிக்குழம்பு தயார்செய்து வைத்திருந்தாள் . அந்தக் குழம்பைத் தாளிக்கும்போது எழுந்த புகை மணமானது , குவளைபோன்ற அவளது கண்களைத் தாக்கியிருந்தது நன்றாகத் தெரிந்தது . அந்த சமயத்தில் அவளது கணவன் அங்கு வந்தான் . சாப்பாடு கொண்டுவரச் சொன்னான் . அவசரத்தில் உன்னுடைய மகள் தயிர் பிசைந்த தன் கைகளைச் சேலையில் துடைத்துக் கொண்டாள் . அந்த சுத்தம் செய்யாத ஆடையுடனேயே , தன் கணவனுக்குப் புளிக்குழம்பு சோறு பரிமாறினாள். அதை அவனோ “ ஆகா ! அற்புதம் ! என்ன சுவை ! என்ன சுவை !! “ என்று சொல்லி உண்டான் .
அதைக் கண்ட உன் மகளோ மெல்லச் சிரித்துத் தன் மகிழ்ச்சியை வெளிப்படுத்தினாள் .

167- முல்லை- செவித்தாய் கூற்று
**********************************************************

முளிதயிர்ப் பிசைந்த காந்தள் மெல்விரல்
கழுவுறு கலிங்கம் கழா அது உடீஇ
குவளை உண்கண் குய்ப்புகை கழுமத்
தான் துழந்து அட்ட தீம்புளிப் பாகர்
இனிது எனக் கணவன் உண்டலின்
நுண்ணிதின் மகிழ்ந்தன்று ஒண்ணுதல் முகனே .

-கூடலூர் கிழார் .

Hari Prasath · Hari Prasath Thu Oct 22, 2015 12:11 pm

முதலில் விளக்கமளித்து பின் பாடல் வருவதால் மிக எளிதாக புரிகிறது ஐயா,நன்றி

**M.Jagadeesan** · **M.Jagadeesan** Thu Oct 22, 2015 1:03 pm

நாம் தற்போது உண்ணும் புளியோதரை மிகவும் பழங்காலத்திய உணவு என்பது தெரிகிறதா ?

**பழ.முத்துராமலிங்கம்** · 27/09/2015

முதலில் கற்றுக்கொள்ளும் உணவே எளிய புளியோதரை தான் அன்பரே.அருமை நன்றி.

Sponsored content · Sponsored content

குறுந்தொகை.....தொடர் பதிவு !

குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக