ஸ்போர்ட்ஸ்கார் DC Avanti ஏப்ரல் 15-ம் தேதி விற்பனைக்கு வருகிறது!

நீண்ட நாட்களாக இந்திய கார் ஆர்வலர்களால் எதிர்பார்க்கப்பட்ட DC டிஸைன்ஸ் நிறுவனத்தின் 'Avanti' ஸ்போர்ட்ஸ்கார் வரும் ஏப்ரல் 15-ம் தேதி விற்பனைக்கு வர இருக்கிறது. 2012 ஆட்டோ எக்ஸ்போவில் அறிமுகமான Avanti ஸ்போர்ட்ஸ்கார் வருடக்கணக்காக இந்தியா முழுவதும் டெஸ்ட் செய்யப்பட்டது.

DC அவந்தி ஸ்போர்ட்ஸ்காரின் நீளம் 4,550 மிமீ, 1,965 மிமீ அகலம், 120மிமீ உயரம் கொண்டுள்ளது. பொதுவாக இந்தியாவில் விற்பனைக்கு இருக்கும் ஸ்போர்ட்ஸ்கார்களின் கிரவுண்ட் கிளியரன்ஸ் மிகவும் குறைவாக இருக்கும். ஆனால், அவந்தி காரின் கிரவுண்ட் கிளியரன்ஸ் 170மிமீ. கார்பன் ஸ்பேஸ்ஃப்ரேம் மூலம் உருவாக்கப்பட்டிருக்கு அவந்தி காரின் மொத்த எடை 1,580 கிலோதான். முன்/பின் டபுள் விஷ்போன் சஸ்பென்ஷன் செட்-அப் உள்ளது.

காரின் டிஸைன் எல்லாருக்கும் பிடித்த வகையில் இல்லை. சிலருக்கு பிடித்திருக்கிறது. சிலருக்கு பிடிக்கவில்லை. காரின் நடுவே, மிட்-இன்ஜின் முறையில் 2.0 லிட்டர் டர்போசார்ஜ்டு பெட்ரோல் இன்ஜின் பொருத்தப்பட்டுள்ளது. இது 250 hp சக்தியையும் 360 Nm டார்க்கையும் அளிக்கிறது. 6-ஸ்பீடு மேனுவல் டிரான்ஸ்மிஷன் உள்ளது. 0-100 கிமீ வேகத்தை அடைய 8 விநாடிகள்தான் ஆகும் என்கிறது DC டிஸைன்ஸ்.

Made-To-Order முறையில்தான் அவந்தி காரை தயாரித்து விற்பனை செய்கிறது DC டிஸைன்ஸ். 15 லட்சம் ரூபாய் கொடுத்து முன்பதிவு செய்யலாம். அவந்தி ஸ்போர்ட்ஸ்கார் சுமார் 35 லட்சம் ரூபாய் விலையில் விற்பனைக்கு வரும் என எதிர்பார்க்கப்படுகிறது.

விகடன்

இது இந்திய தயாரிப்பா தல ?!