உலகின் முதல் 'செல்பி'

**சிவா** · **சிவா** Tue Mar 24, 2015 9:59 am

First topic message reminder :

உலகின் முதல் செல்பி எடுத்தவர் எனும் பெருமை இப்போதைக்கு ராபர்ட் கர்னேலியஸிடம் தான் இருக்கிறது.

1839-ம் ஆண்டு அவர் உலகின் முதல் செல்பியை எடுத்தார்.

கேமராவை ஸ்டாண்டில் நிற்க வைத்துவிட்டு அதன் முன்பக்க லென்ஸ் மூடியைத் திறந்தார். பிறகு ஓடிப் போய் கேமராவின் முன்னால் அசையாமல் ஒரு நிமிடம் நின்றார். பிறகு மீண்டும் போய் கேமராவின் கதவை மூடினார். பின்னர் அந்த பிலிமை டெவலப் செய்து பார்த்தபோது கிடைத்தது தான் உலகின் முதல் செல்பி!

ஆனால் அந்தப் படத்துக்கு 'செல்பி' எனும் பெயர் வைக்க அவருக்குத் தோன்றவில்லை. முதன் முதலில் 'செல்பி' எனும் வார்த்தையைப் பயன்படுத்தியவர் எனும் பெருமை நாதன் ஹோப் என்பவருக்குக் கிடைத்தது. அதுவும் நூற்றாண்டுகள் கடந்த பின்பு.

2002-ம் ஆண்டு அவருக்கு ஒரு சின்ன விபத்து. விபத்தில் அடிபட்ட உதடுகளோடு கட்டிலில் படுத்திருந்த அவர் தனது அடிபட்ட உதடைப் படம்பிடித்தார். அதை இணையத்தில் போட்டார்.

'போகஸ் சரியா இல்லாததுக்கு மன்னிச்சுக்கோங்க, இது ஒரு செல்பி, அதான் காரணம்' என்று ஒரு வாசகமும் எழுதினார்.

ஆனால் சத்தியமாக அந்த வார்த்தை இந்த அளவுக்குப் பிரபலமாகும் என அவரே நினைத்திருக்க வாய்ப்பில்லை.

சில ஆண்டுகளுக்குப் பிறகு, அந்த வார்த்தை பரபரவென பிரபலமாக ஆரம்பித்ததும் அதை ஆங்கில அகராதியிலும் சேர்த்தார்கள். 'ஒருவர் டிஜிடல் கேமரா மூலமாகவோ, வெப்கேம், டேப்லெட், ஸ்மார்ட் போனின் முன்பக்க கேமரா போன்ற எதன் மூலமாகவோ, தன்னைத் தானே எடுத்துக் கொள்ளும் புகைப்படம்' என இதற்கு ஒரு விளக்கத்தையும் அகராதியில் எழுதி வைத்தார்கள்.

உலகப் புகழ்பெற்ற டைம் பத்திரிகை, '2012-ம் ஆண்டில் உலக அளவில் பிரபலமாய் இருந்த பத்து வார்த்தைகளில் ஒன்று 'செல்பி' என்றது'.

2013-ம் ஆண்டு ஆக்ஸ்போர்ட் அகராதி 'செல்பியே இந்த ஆண்டின் புகழ்பெற்ற வார்த்தை' என அறிவித்தது.

ஆஸ்திரேலிய நபர் ஒருவர் முதன் முதலில் இந்த வார்த்தையைப் பயன்படுத்தியதால், 'இந்த வார்த்தையின் மூலம் ஆஸ்திரேலியா' என்று பதிவானது. ஆஸ்திரேலியாவுக்கு அதில் ஒரு பெருமை!

10 வயதுக்கும் 24 வயதுக்கும் இடைப்பட்டவர்கள் எடுக்கும் புகைப்படங்களில் 30 சதவீதம் புகைப்படங்கள் செல்பி வகையறாவில் சேர்கின்றன என்கிறது ஒரு புள்ளி விவரம்.

செல்பியின் புகழ் பரவுவதைக் கேள்விப்பட்டதும் 'செல்பி' என்றொரு 'ஆப்' பயன்பாட்டுக்கு வந்தது. முன்பக்க கேமரா மூலமாக எடுக்கும் புகைப்படங்களை மட்டுமே பகிர முடியும் என்பது இதன் சிறப்பம்சம்.

ஒரு செல்பிக்கு கமென்ட் கொடுக்க விரும்புபவர்கள், இன்னொரு செல்பியைத் தான் பதிலாகக் கொடுக்க முடியும். வேறு எதையும் எழுத முடியாது.

இந்த அப்ளிகேஷன் பதின் வயதினரிடையே தீயாய்ப் பரவியது!

செல்பி இப்படி இளசுகளின் இதயங்களில் பற்றி எரிந்து கொண்டிருந்த போது குரங்கு எடுத்த செல்பி ஒன்று கடந்த ஆண்டு மிகப்பெரிய பேசுபொருளாய் பரபரப்பூட்டியது.

புகைப்படக்காரர் டேவிட் ஸ்லேட்டருக்குச் சொந்தமான கேமராவில் பதிவான அந்த படத்தை, இணைய தளங்கள் பதிவு செய்திருந்தன.

இது எனது காப்புரிமை, இதை இணையங்கள் பயன்படுத்தியது தவறு. இதனால் தனக்கு பத்தாயிரம் பவுண்ட் நஷ்டம் என வழக்குப் பதிவு செய்தார் ஸ்லேட்டர்.
நீதிமன்றமோ இந்த வழக்கை விசித்திரமாய்ப் பார்த்தது. கடைசியில் அலசி ஆராய்ந்து ஒரு தீர்ப்பைச் சொன்னார்கள்.

'விலங்குகள் எடுக்கும் புகைப்படத்துக்கு மனிதர்கள் சொந்தம் கொண்டாட முடியாது' என்பது தான் அந்த தீர்ப்பு.

அப்படி விலங்கு செல்பியும் உலகப் புகழ் பெற்றது சுவாரஸ்யமான தனிக் கதை.

எது எப்படியோ சமூக வலைத்தளங்களுக்குச் சரியான தீனி போட்டுக்கொண்டிருப்பவை இந்த செல்பிக்கள் தான்.

'இன்ஸ்டாக்ராம்' எனும் சமூக வலைத்தளம் புகைப்படங்களை மையமாகக் கொண்டு இயங்குகிறது. அதில் 5.3 கோடி புகைப்படங்கள் செல்பி வகையறாவில் குவிந்து கிடக்கின்றன. பேஸ்புக், டுவிட்டர் போன்ற தளங்களிலும் செல்பி படங்களும், குறிப்புகளும் எக்கச்சக்கம்.

86-வது ஆஸ்கர் விருது விழாவில் கலைஞர்களுடன் எலன் டிஜெனர்ஸ் எடுத்த செல்பி ஒன்று உலகிலேயே அதிக முறை 'ரீ டுவிட்' செய்யப்பட்ட புகைப்படம் எனும் பெயரைப் பெற்றது. 3.3 மில்லியன் முறை அது 'ரீ டுவிட்' செய்யப்பட்டது!

இளசுகளின் விளையாட்டுத்தனமான விஷயம் எனும் நிலையிலிருந்து செல்பி மற்ற நிலைகளுக்கும் வெகு விரைவில் பரவியிருப்பதையே இது காட்டுகிறது.

நெல்சன் மண்டேலாவின் நினைவிடத்தில் உலகத் தலைவர்களுடன் ஒபாமா எடுத்த புகைப்படம், தனது அலுவலக அதிகாரிகளுடன் சுவிஸ் அரசு எடுத்த புகைப்படம் என செல்பியின் தளங்கள் பல இடங்களுக்கும் பரவிவிட்டன.

எல்லாவற்றுக்கும் முத்தாய்ப்பாய் சமீபத்தில் போப் ஆண்டவரும் செல்பிக்குள் சிக்கிக் கொண்டது வியப்புச் செய்தியாய்ப் பேசப்பட்டது!

பக்கத்து வீட்டுப் பையன் முதல், போப் ஆண்டவர் வரை பாரபட்சமில்லாமல் செல்பி முகங் களை கேமராக்கள் பதிவு செய்திருக்கின்றன. '47 சதவீதம் பெரியவர்கள் தங்களை செல்பி எடுத்திருக்கிறார்கள், 40 சதவீதம் இளசுகள் வாரம் தோறும் தவறாமல் செல்பி எடுத்துக் கொண்டே இருக்கிறார்கள்' என்கிறது புள்ளி விவரம் ஒன்று.

அதிலும் ஆண்களை விட செல்பி மோகம் பெண்களைத் தான் அதிகம் பிடித்திருக்கிறதாம்.

'லெட்ஸ் டேக் எ செல்பி புள்ள' என தீவிரமாய் இருப்பது பிலிப்பைன்ஸ் நகரம் தான். உலகிலேயே நம்பர் 1 'செல்பி சிட்டி' எனும் பெயர் அதற்குக் கிடைத்திருக்கிறது.

**விமந்தனி** · **விமந்தனி** Fri Mar 27, 2015 11:34 pm

யினியவன் wrote:
விமந்தனி wrote:சரி தான், எனக்கேவா.....?
உங்களுக்கு இல்ல உங்களவர்க்கு

இதெல்லாமா இவர் உங்ககிட்ட சொல்லறார்...? கோபம்

யார்கிட்டயும் சொல்ல மாட்டேன்னு எனக்கு promise செய்தாரே...... புன்னகை

ம்ம்..... வரட்டும், வரட்டும்...... நக்கல் நாயகம்

**விமந்தனி** · **விமந்தனி** Fri Mar 27, 2015 11:37 pm

krishnaamma wrote:பரவாஇல்லை ஐயா ! ......புது புது விஷயங்களை பகிர்வது எங்களின் கடமை .....( அடக்கம் ) ......ஆனால் இந்த அட்மீனை பற்றிய மேல் விவரம் தெரியாது..... .பானு தான் சொல்லணும் ...........நான் உபயோகித்தது இல்லை ...............

ஆமா கிருஷ்ணாம்மா. போட்டோல பார்த்தே என்ன மீனுன்னு பானு கண்டு பிடிச்சிடுவாங்க. புன்னகை

**விமந்தனி** · **விமந்தனி** Fri Mar 27, 2015 11:39 pm

யினியவன் wrote:
ஜாஹீதாபானு wrote:அண்ணா உங்க விளக்கம் சூப்பர்

வில்லங்கமா விளக்க சொல்லிட்டு நீங்க வரவே இல்ல

ஆமாம்... வில்லங்கத்த விளக்க சொல்லிட்டு... கடைசியா வந்து சுபம் போடுவாங்க..... புன்னகை

**விமந்தனி** · **விமந்தனி** Fri Mar 27, 2015 11:41 pm

யினியவன் wrote:
ஜாஹீதாபானு wrote:
இப்ப தான் பார்த்தேன் அண்ணா ...

ஆனா உங்க அனுபவம் இல்லை தானே?

அப்படி

சொல்லத்தான் நினைக்கிறேன்
சொல்லாமல் தவிக்கிறேன்
கன்னமெங்கும் காயங்களாய்

அடடா... விஷயம் அப்படியா.... நான் தான் தெரியாம உளறிட்டேனோ...? அதிர்ச்சி

யினியவன் · யினியவன் Fri Mar 27, 2015 11:45 pm

விமந்தனி wrote:ஆமாம்... வில்லங்கத்த விளக்க சொல்லிட்டு... கடைசியா வந்து சுபம் போடுவாங்க.....

இப்ப எனக்கு ஒரு உம்ம தெரிஞ்சாகனும் சாமி - இந்த வில்லங்கம் விஷயமா இல்ல நானா? புன்னகை

சிவனின் கொற்றவையில் அநீதியா?

**விமந்தனி** · **விமந்தனி** Fri Mar 27, 2015 11:50 pm

யினியவன் wrote:
விமந்தனி wrote:ஆமாம்... வில்லங்கத்த விளக்க சொல்லிட்டு... கடைசியா வந்து சுபம் போடுவாங்க.....

இப்ப எனக்கு ஒரு உம்ம தெரிஞ்சாகனும் சாமி - இந்த வில்லங்கம் விஷயமா இல்ல நானா?

சிவனின் கொற்றவையில் அநீதியா?

அச்சச்சோ.... அதுக்கு அர்த்தம் அப்படி வருதா...? நான் விஷயத்தை தான் சொன்னேஞ்சாமி உங்களையல்ல...... சிவ கொற்றவையில் அநீதிக்கு ஏது இடம்.....?????????????

Sponsored content · Sponsored content

உலகின் முதல் 'செல்பி'

உலகின் முதல் 'செல்பி'

Re: உலகின் முதல் 'செல்பி'

Re: உலகின் முதல் 'செல்பி'

Re: உலகின் முதல் 'செல்பி'

Re: உலகின் முதல் 'செல்பி'

Re: உலகின் முதல் 'செல்பி'

Re: உலகின் முதல் 'செல்பி'

Re: உலகின் முதல் 'செல்பி'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக