இந்தியாவை எதிர்கொள்ள எந்த பிளானும் போடவேண்டியதில்லை: மேக்ஸ்வெல்

**ராஜா** · **ராஜா** Sat Mar 21, 2015 1:50 pm

உலகக் கோப்பை அரையிறுதியில் இந்தியாவை எதிர்கொள்ள தனியாக எந்த பிளானும் போடவேண்டியதில்லை என்று ஆஸ்திரேலிய அணியின் பேட்ஸ்மேன் மேக்ஸ்வெல் கூறியுள்ளார்.

உலகக் கோப்பை கிரிக்கெட் தொடரில் 26-ம்தேதி நடைபெற உள்ள அரையிறுதி ஆட்டத்தில் இந்தியா-ஆஸ்திரேலிய அணிகள் மோதுகின்றன. இப்போட்டி குறித்து ஆஸ்திரேலிய அணியின் அதிரடி பேட்ஸ்மேன் மேக்ஸ்வெல் கூறியதாவது:-

எதிலுமே தோற்காத இந்திய அணியை, எப்படி எதிர்கொள்ள போகிறீர்கள் என்பது ஆஸ்திரேலிய அணியின் மீதான கேள்வியாக இருக்கிறது. இந்தியாவை, ஆஸ்திரேலியா எப்படி எதிர்கொண்டது என்பது அனைவருக்குமே தெரியும். நடந்து முடிந்த முத்தரப்பு தொடரில், இந்தியா ஒரு வெற்றியை கூட பெறவில்லை. இதை இந்திய அணி நினைவில் கொள்ள வேண்டும்.

இந்தியாவை அரையிறுதியில் எதிர்கொள்ள தனியாக எந்த பிளானும் போடவேண்டியதில்லை. இதற்கு முன்பு இந்தியாவை எப்படி தோற்கடித்தோமோ, அதே பாணியில்தான் இப்போதும் இந்தியாவை சந்திக்க உள்ளோம். ஒரு சில புதிய முயற்சிகள் வேண்டுமானால் செய்யப்படும்.

இந்தியா-ஆஸ்திரேலியா மோதலை, மிகப்பெரிய போட்டிபோல கிரிக்கெட் நிபுணர்களும், ஆஸ்திரேலிய முன்னாள் வீரர்களும் வர்ணிக்கிறார்கள். ஆனால், என்னைப் பொருத்தவரையில், ஆஷஷ் தொடர்தான் (ஆஸ்திரேலியா-இங்கிலாந்து இடையிலான போட்டி) மிகப்பெரிய போட்டியாக இன்னும் நீடிக்கிறது.

ஐ.பி.எல். போட்டிகளில் ஆடிய அனுபவம், உலகக் கோப்பையில் எனக்கு கை கொடுப்பதாக கருதவில்லை. ஐ.பி.எல். போட்டிக்கும், உலகக் கோப்பை போட்டிக்கும் நிறைய வித்தியாசம் உள்ளது. இரண்டுக்கும் சம்பந்தம் இல்லை.

இவ்வாறு அவர் கூறினார்.

அதேசமயம் தற்போது இந்திய அணி சிறப்பாக விளையாடி வருவதாக கூறிய மேக்ஸ்வெல், நன்றாக விளையாடாவிட்டால் அவர்கள் அரையிறுதி வரை வந்திருக்க முடியாது என்றும் கூறியது குறிப்பிடத்தக்கது.-maalaimalar

**ராஜா** · **ராஜா** Sat Mar 21, 2015 1:55 pm

திமிர் , ஆணவத்தின் உச்சகட்டம் இவனுடைய பேட்டி.

இவன் கிரிக்கெட் கற்றுகொண்டதே நமது IPL போட்டிகளில் தான்.

இந்த பேட்டியில் IPL பற்றி விமர்சனம் பண்ணியதற்காக இவன் ஆடும் IPL நிர்வாகம் இவனை தகுதி நீக்கம் செய்யவேண்டும்.

**Aathira** · **Aathira** Sat Mar 21, 2015 2:04 pm

ராஜா wrote:திமிர் , ஆணவத்தின் உச்சகட்டம் இவனுடைய பேட்டி.

இவன் கிரிக்கெட் கற்றுகொண்டதே நமது IPL போட்டிகளில் தான்.

இந்த பேட்டியில் IPL பற்றி விமர்சனம் பண்ணியதற்காக இவன் ஆடும் IPL நிர்வாகம் இவனை தகுதி நீக்கம் செய்யவேண்டும்.

மேற்கோள் செய்த பதிவு: 1126398
ஆமோதித்தல்