வீழும் ஒரு சொட்டுக் கண்ணீர்

வித்யாசாகர் · வித்யாசாகர் Mon Nov 02, 2009 11:39 am

வீழும் ஒரு சொட்டுக் கண்ணீர்

வீழும் ஒரு சொட்டுக் கண்ணீரில்
எத்தனை எத்தனை இதயங்கள்;

கோடான கோடி நினைவுகளெல்லாம்
ஒரு சொட்டுக் கண்ணீராய் கரைகிறதே;

வாழ்வின் புரியாத அர்த்தங்களுக்கும்
இயலாத செய்கைகளுக்கும் வீழும்
ஒரு சொட்டுக் கண்ணீரே கடைசி சாட்சி;

வீழ்ந்ததற்கும் வலித்ததற்கும்!
முத்தமிடாத - தரையின்,
நீளம் பரப்பும் கண்ணீர் அலைகள்'
இதயம் தாங்கி
இனியும்-
எத்தனை காலமோ..? எத்தனை காலமோ..?

வாழ்வின் துயரங்களுக்கு விடை தெரியவில்லை
போகட்டும் - துயரங்கலாவது குறைகிறதா..?

அன்பிற்காய் எங்கும் மனதின்
அழிக்க இயலாத ஒன்றோ இரண்டோ..
இழப்புகள் போதுமே - நம்மை நாம்
சாகும் வரை இழக்க!

இறக்கவும் முடியாத
மறக்கவும் முடியாத
வாழ்வின் நடுவே - ஏதோ ஒரு இதயத்தின் கண்ணீர்
நம்மை நனைக்காத நாளுண்டா???

இருக்கும் இருக்கும் வெளியே - ஈரம் படாத
இதயம் உள்ளே அழுது கொண்டு.. அழுது கொண்டு
இருக்கும் இருக்கும்!

சொட்டு சொட்டாய் வீழுமிந்த
கண்ணீருக்கு யார் பொறுப்பு இறைவா.. ?
நீயல்லவென மறைந்துக் கொள்கிறாய்;
நானுமில்லையென்று நான் சொல்லிவிடவா???
-------------------------------------------------------
வித்யாசாகர்

**Manik** · **Manik** Mon Nov 02, 2009 11:40 am

கண்ணீருக்கு இறைவன் தான் பொறுப்பு அண்ணா.........

அருமையான வார்த்தைகள் நிறைந்த கவிதை

வித்யாசாகர் · வித்யாசாகர் Mon Nov 02, 2009 12:05 pm

ப்பா..

**கா.ந.கல்யாணசுந்தரம்** · 28/02/2009

வாழ்வின் துயரங்களுக்கு விடை தெரியவில்லை
போகட்டும் - துயரங்கலாவது குறைகிறதா..?

நல்லதொரு கவிதை!
வாழ்வின் துயரங்களை பகிர்ந்துகொண்டால்
மனிதம் தனது வாழ்நாட்களை பயனுள்ளதாக்கி கொள்ளும் என்பதில்
மறுப்பில்லை.
வாழ்த்துக்கள் வித்யாசாகர்!

கா.ந.கல்யாணசுந்தரம்.

வித்யாசாகர் · வித்யாசாகர் Mon Nov 02, 2009 12:19 pm

அன்பு வணக்கம்,

நன்றியும் க.ந. கல்யான் ஐயா அவர்களே..

மீனு · மீனு Wed Nov 04, 2009 9:06 pm

நம் வாழ்வில் ஏற்படும் கஷ்டங்கள் பல.. அவற்றை நம் மனசுக்குள்ளேயே வைத்து தினம் தினம் அழுவதை விட.. அந்த கஷ்டங்களை நம் மனசுக்கு பிடித்தவர்களுடன் பகிர்ந்து கொண்டால்..கண்ணீர் நின்றுவிடுமே..,,இப்போ நம் உற்ற நண்பன் ஈகரை..இங்கு நம் கஷ்டங்களை பகிர்ந்தால்..போதுமே..
ஆம் வித்யாசாகர் ..கண்ணீர் பற்றிய தங்கள் கவிதை அருமை..
கண்ணீருக்கு பொறுப்பு நாமே தான் ,,என்று நினைத்து இருந்தேன்..ஆனா
நம் மக்களுக்கு நடக்கும் அநியாயத்தை பார்த்து ,, நம் கண்ணீருக்கு பொறுப்பு கடவுளே தான்.. நாம் அல்ல .கவிதை அருமை..பாராட்டுக்கள்...
நன்றிகள் வித்யாசாகர் ,,

வித்யாசாகர் · வித்யாசாகர் Thu Nov 05, 2009 1:52 pm

மீனு · மீனு Thu Nov 05, 2009 2:03 pm

இன்று என்ன வித்யாசாகர்..தொப்பி கலட்டி போடுறீர்கள்..
ஓஓஓஓஒ ..நேரமில்லையா .. வீழும் ஒரு சொட்டுக் கண்ணீர் 838572

வித்யாசாகர் · வித்யாசாகர் Thu Nov 05, 2009 2:10 pm

நன்றிகளை உணர்வுகள் கூட மனதால் உணர்ந்துக் கொள்கையில் கழற்றிக் காட்டிய தொப்பியா தெரிவிக்காது மீனு. வேலைக்கு நடுவே.. ஈகரையும் ஒரு அன்பின் வேலையாகி போனதே.. என் செய்வேன், தோழர்கள் மன்னிப்பீர்களாக..

Sponsored content · Sponsored content

வீழும் ஒரு சொட்டுக் கண்ணீர்

வீழும் ஒரு சொட்டுக் கண்ணீர்

Re: வீழும் ஒரு சொட்டுக் கண்ணீர்

Re: வீழும் ஒரு சொட்டுக் கண்ணீர்

Re: வீழும் ஒரு சொட்டுக் கண்ணீர்

Re: வீழும் ஒரு சொட்டுக் கண்ணீர்

Re: வீழும் ஒரு சொட்டுக் கண்ணீர்

Re: வீழும் ஒரு சொட்டுக் கண்ணீர்

Re: வீழும் ஒரு சொட்டுக் கண்ணீர்

Re: வீழும் ஒரு சொட்டுக் கண்ணீர்

Re: வீழும் ஒரு சொட்டுக் கண்ணீர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக