தைவான் விமானம் ஆற்றில் விழுந்து விபத்து: 53 பயணிகளில் 12 பேர் பலி; 17 பேர் மீட்பு

தைவானில் 53 பேருடன் சென்ற பயணிகள் விமானம் நிலை தடுமாறி ஆற்றில் விழுந்து விபத்துக்குள்ளானதில் 12 பயணிகள் உயிரிழந்ததாக தெரியவந்துள்ளது. மீட்புப் பணி துரிதமாக நடத்தப்பட்டு வருகிறது.

தைவானில் தலைநகர் தைபே விமான நிலையத்திலிருந்து இன்று காலை 53 பேருடன் புறப்பட்ட டிரான்ஸ் ஏசியா ATR 72-600 பயணிகள் விமானம், கின்மென் தீவைத் தாண்டி செல்லும்போது பாலம் மீது மோதி விபத்துக்குள்ளாகி கீலுங் என்ற ஆற்றில் விழுந்தது. இதற்கான படங்களை தைவான் ஊடகங்கள் வெளியிட்டுள்ளன.

சரியாக 10.55 மணிக்கு விமானத்துடன் தகவல் தொடர்பு இல்லாமல் சென்றதை அடுத்து விமானம் விபத்துக்குள்ளானது உறுதி செய்யப்பட்டது. கண்காணிப்பு கேமரா மூலம் கிடைத்த தகவலோடு உடனடியாக மீட்புப் பணியினர் அங்கு குவிக்கப்பட்டனர். அதன்படி விமானத்தின் பாதி பாகம், கீலுங் ஆற்றில் மூழ்கியுள்ளது.

தற்போதைய நிலையில் 12 பேர் பலியானதாக தைவான் உள்நாட்டு செய்திகள் தெரிவிக்கின்றன.

தைவான் நாட்டு செய்தி ஏஜென்சி குறிப்பிடும்போது, "ஆற்றில் விழுந்த விமானத்தில் சிக்கியுள்ள பயணிகளின் நிலை தெரியவில்லை. ஆனால் அதில் 10 பயணிகள் மீட்கப்பட்டுள்ளனர். மற்றவர்களை உயிருடன் மீட்க வேண்டும் என்ற உறுதியுடன் பணிகளை தொடர்கிறோம்" என்றார்.

முன்னதாக கடந்த ஜூலை மாதம் டிரான்ஸ் ஏசியா விமானம் பெங்கூ தீவில் விபத்துக்குள்ளாகி 48 பேர் உயிரிழந்தனர். மோசமான வானிலையால் ஏற்பட்ட அந்த விபத்தை தொடர்ந்து அதே நிறுவனத்தின் மற்றொரு பயணிகள் விமானம் தற்போது விபத்துக்குள்ளாகியுள்ளது குறிப்பிடத்தக்கது.

என்ன இது?...................வர வர ஊர்போய் சேருவோமா என்று பயந்து தான் விமானத்தில் ஏறணும் போல இருக்கே?????????????

இதில் ஒரு வேடிக்கை என்னவென்றால் அந்த விமானம் கீழே விழும் போது ரோட்டில் சென்று கொண்டிருந்த ஒரு டாக்ஸியின் மீது மோதி விட்டு விழுந்துள்ளது.

news24 தளத்தில் ஒரு பார்வையாளரின் பின்னூட்டம்
"How is the guy in the yellow van in front going to explain to the insurance he was hit by a plain? "
இந்த கார் டிரைவர் இன்சூரன்ஸ் நிறுவனத்திடம் என்ன சொல்லவார் "என்னுடைய காரை ஒரு விமானம் மோதிவிட்டது என்றா?! "

அடிக்கடி விமான விபத்துக்கள் நடைபெறுவதை பார்க்கும்போது,
யமதர்மராஜா எருமைமாட்டின் மேலேறி வருவதில் தாமதம் ஏற்ப்படுவதால் விமானத்திலேயே நேரடியாக வந்துவிடுகிறார் போலிருக்கிறது.

அய்யயோ.....

ராஜா wrote:இதில் ஒரு வேடிக்கை என்னவென்றால் அந்த விமானம் கீழே விழும் போது ரோட்டில் சென்று  கொண்டிருந்த ஒரு டாக்ஸியின் மீது மோதி விட்டு விழுந்துள்ளது.

news24 தளத்தில் ஒரு பார்வையாளரின் பின்னூட்டம்
"How is the guy in the yellow van in front going to explain to the insurance he was hit by a plain? "
இந்த கார் டிரைவர் இன்சூரன்ஸ் நிறுவனத்திடம் என்ன சொல்லவார் "என்னுடைய காரை ஒரு விமானம் மோதிவிட்டது என்றா?! "  

அடப்பாவமே !