அலங்காநல்லூர் ஜல்லிக்கட்டு ஏற்பாடுகள் தயார்

kshanmuganathan · kshanmuganathan Thu Jan 15, 2015 3:48 am

மதுரை: உலகப் புகழ்பெற்ற அலங்காநல்லூர் ஜல்லிக்கட்டு நடத்துவதற்கான ஏற்பாடுகள் அனைத்தும் தயார் நிலையில் இருந்தாலும், அதற்கான அனுமதி கிடைக்காததால் ஜல்லிக்கட்டு வீரர்கள் அதிக எதிர்பார்ப்புடன் உள்ளனர்.
கோயில் விழாக்களில் தமிழர்களின் பாரம்பரிய விளையாட்டான ஜல்லிக்கட்டு நடத்துவதற்கு கோர்ட் விதித்துள்ள தடையினால், ஜல்லிக்கட்டிற்கு பெயர் பெற்ற பல ஊர்களில் இந்த விளையாட்டு நடத்த முடியாத நிலை ஏற்பட்டுள்ளது. சில ஆண்டுகளாக சிறப்பு அனுமதி பெறப்பட்டு நடத்தப்பட்டு வரும் ஜல்லிக்கட்டை இந்த ஆண்டு சுப்ரீம் கோர்ட் அனுமதித்தால் தான் நடத்த முடியும் என்ற நிலை உள்ளதால், ஜல்லிக்கட்டு வீரர்கள் மற்றும் விழா ஏற்பாட்டாளர்கள் உத்தரவிற்காக எதிர்பார்ப்புடன் காத்திருக்கிறார்கள். அலங்காநல்லூரில் ஒவ்வொரு ஆண்டும் இரண்டு நாட்கள் நடக்கும் காளியம்மன் கோயில் திருவிழாவைத் தொடர்ந்து ஜல்லிக்கட்டு நடப்பது வழக்கம். நேற்று காளியம்மன் கோயில் விழா துவங்கியது. இந்த விழாவிற்காக கோயில் வளாகம் தூய்மைப்படுத்தப்பட்டு, விழாக்கோலம் பூண்டுள்ளது. இதே பகுதியில் தான் ஜன., 17ல் ஜல்லிக்கட்டு நடைபெறும். வாடிவாசல் அமைந்துள்ள பகுதிக்கு பின்னால் உள்ள கிட்டிவாசல் பகுதிகளும் தூய்மைப்படுத்தப்பட்டுள்ளது.

விழா ஏற்பாட்டாளர்கள் கூறுகையில், ''ஜல்லிக்கட்டு நடத்துவதற்கு நாங்கள் தயாராக உள்ளோம். பங்கேற்பாளர்களும் நம்பிக்கையுடன் மாடுகளுக்கு சிறப்பு பயிற்சிகள் அளித்து வருகின்றனர். அனுமதிக்காக எல்லோரும் அதிக எதிர்பார்ப்புடன் உள்ளோம். இன்று (ஜன., 7 ல்) மதுரை தெப்பக்குளம் பகுதியில் ஜல்லிக்கட்டு பேரவை சார்பில் ஆர்ப்பாட்டம் நடைபெறுகிறது. இதில் எங்களது உணர்வுகளை வெளிப்படுத்த உள்ளோம்'' என்றனர்.

அலங்காநல்லூர் ஜல்லிக்கட்டு ஏற்பாடுகள் தயார்

அலங்காநல்லூர் ஜல்லிக்கட்டு ஏற்பாடுகள் தயார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக