தொலைந்துபோன டிரைவர் பைல்களை திரும்ப எப்படி நிறுவுவது (How to Reinstall unknown / Missing hardware device drivers)

அனைவருக்கும் வணக்கம் ,

எனது அடுத்த பதிவு....


கணினியை பற்றி அதிகம் தெரியாமல் இருப்பவர்களுக்கும் அல்லது தனது வேலை சம்பந்தமாக மட்டுமே கணினியை பயன்படுத்துபவர்களுக்கும் கணினியில் திடீரென்று சில பிரச்சினைகள் வரக்கூடும். (உதா: கணினியில் சவுண்ட் வேலை செய்யாது அல்லது கணிணியில் இணைத்துள்ள பிரின்டர் / ஸ்கேனர் போன்ற கருவிகள் வேலை செய்யாமல் மக்கர் பிடிக்கும். சரி ஈகரையில் தான் கணினி வல்லுனர்கள் இருக்கிறார்களே அவர்களிடம் கேட்கலாம் என்று ஒரு பதிவை போட்டால். இந்த ஆட்கள் உடனே கணினியில் டிரைவரை நிறுவுங்கள் என்று சொல்லுவார்கள். யார் இந்த டிரைவர் கணினியில் இவருக்கு என்ன வேலை? இத்தனூண்டு பெட்டிக்குள் இவர் அப்படி என்னத்த ஓட்டுவார்  என்ற சந்தேகம் நமக்கு வரும். யாருங்க இந்த டிரைவர் என்று கேட்கலாம் என்று தோணும், உடனே " இவர் அதுக்கெல்லாம் சரிபாட்டுவரமாட்டார் " என்று ஒரு பின்னூட்டத்தை போட்டு நம்மை உண்டு இல்லைன்னு பண்ணிவிடுவார்களே நமது உறவுகள் என்று கொஞ்சம் தயக்கமாகவும் இருக்கும். (இந்த இரண்டு வரிகள் மட்டும் சும்மா தமாசுக்கு எழுதினேன் , யாரும் கோவித்துக்கொள்ள கூடாது )


சரி, இப்ப இந்த டிரைவரை பற்றி தெரிந்துகொள்ளுவோமா?!
ஊருக்கு புதிதாக ஒருத்தன் வந்தால் யார் என்று தெரியாமல் ஊரில் உள்ளவர்கள் விழிக்கும்போது நாட்டாமை "மக்களே இவர் தான் பட்டணத்தில் இருந்து நம்ம ஊருக்கு புதுசா வந்துருக்குற டாக்டர்" என்று எல்லோருக்கும் தெரியுறமாதிரி சொல்லுவார் அல்லவா . அதே போல, கணிணிக்கென்று பிரத்யோக வன்பொருட்களை வடிவமைப்பவர்கள்  நாம் கணினியில் பயன்படுத்தும் இயங்குதளங்கள் , மென்பொருட்கள் போன்றவற்றுக்கு புரியுறமாதிரி ஒரு மொழியில்  "இவர் தான் இன்னார் இன்னார் , இந்த வேலையெல்லாம் செய்வார் , அப்படி இப்படின்னு" ஒரு துண்டு சீட்டில் எழுதி கொடுத்துவிட்டிருப்பார்கள். அந்த சீட்டை சிலநேரம் நமது கணினி தொலைத்துவிட்டு ஞே!! என்று முழித்துக்கொண்டு இருக்கும் அப்பதான் நான் மேலே சொன்ன மாதிரி நம்ம ஈகரை கணினி விஞ்ஞானிகள் "டிரைவர் uninstall செய்துவிட்டு புதிதாக நிறுவுங்கள் சரியாகிவிடும்" என்று சொல்லுவார்கள்.    

இதுக்கு மேலே பஸ்(Controller), லாரி என்று சொல்ல ஆரம்பித்தால் அப்புறம் யாரும் படிக்கமாட்டீர்கள்.. அதனால் நேரடியா விசயத்துக்கு வந்துவிடுகிறேன்.


பொதுவா , கணினியில் டிரைவர் ஃபைல் corrupt ஆகியிருந்தாலோ அல்லது தவறுதலாக அழிக்கபட்டிருந்தாலோ நாம் உடனே, கணினி வாங்குபோது அல்லது அந்த குறிப்பிட்ட Hardware வாங்கும்போது கொடுக்கபட்டிருந்த Driver CD மூலம் திரும்ப இன்ஸ்டால் செய்துகொள்ளலாம். ஒருவேளை அந்த CD தொலைந்திருந்தால் இணையத்தில் google மூலம் தேடி கண்டுபிடித்து தரவிறக்கி நிறுவிக்கொள்ளலாம்.



ஒருவேளை
1. நாம் பயன்படுத்தும் வன்பொருள் எந்த நிறுவனத்தின் தயாரிப்பு என்றே தெரியவில்லை எனும்போ
2. நிறுவனத்தின் பெயர் தெரிந்தாலும் அவர்களுக்கென்று இணையதளமோ அல்லது தரவிறக்க முகவரிகளோ இல்லை எனும்போது   
3. அல்லது மிகவும் பழைய ஒரு சில ஆண்டுகளுக்கு முன்னர் வந்த வன்பொருளாக இருக்கும் போது  
4. இதைவிட கொடுமை, சில நேரம்  என்ன மாதிரியான வன்பொருள் என்றே தெரியாது "unknown device " என்று நமது கணினி சொல்லும் போது.  

சரி இதுபோல சமயங்களில் என்ன பண்ணுவது ?!


உங்கள் கணினியின் Start -> Run  இங்கு devmgmt.msc என்று டைப் செய்து enter செய்யுங்கள். அடுத்து இது போல ஒரு விண்டோ வரும்



இதில் டிரைவர் தேவைபடும் அல்லது சரியான டிரைவர் நிறுவாத வன்பொருள் மஞ்சள் நிற குறியீடுடன் காமிக்கபடும்.
(உதாரணத்திற்கு என்னுடைய சவுண்ட் கார்ட் வேலை செய்யவில்லை என எடுத்துக்கொள்வோம். )


அதை Right Mouse Click செய்து வரும் மெனுவில் Properties கிளிக் செய்யவும் , அடுத்து இது போல ஒரு விண்டோ திறக்கும்

 

இதில் Details என்பதை கிளிக் செய்யவும்.இதில் Property என்பதன் அருகில் உள்ள அம்புகுறியீடை கிளிக் செய்தால் வரும் Drop Down விண்டோவில் Hardware Ids என்பதை கிளிக் செய்யவும்,



இப்ப Value என்பதன் கீழ் உங்களுக்கு இது போல இரண்டு வரிகள்  இதில் முதலில் உள்ளதை select செய்து Copy செய்துகொள்ளவும்.


அடுத்து , http://devid.info/ என்ற இந்த தளத்தை திறந்து



இங்கு Paste செய்து Search என்பதை கிளிக் செய்யவும் , இப்ப உங்களுக்கு தேவையான விபரங்கள் அனைத்தும் கிடைக்கும் , இதில் உங்களது இயங்குதளம் (operating system ) எதுவென்று பார்த்து அதற்குண்டான Driver ஃபைல்லை தரவிறக்கி நிறுவி கொள்ளுங்கள்.

இந்த முறைப்படி உங்களது கணினியில் உள்ள 99% Hardware Device டிரைவர்களை நீங்கள் தேடி கண்டுபிடித்து தரவிறக்கி கொள்ளலாம்.


நன்றி.

நம்ம ராஜா அதுக்கு சரிப்பட்டு வரமாட்டார் எனக்கு அப்பவே தெரியும்

நல்ல பதிவு ராஜா - சொந்தக் காரு, டிரைவர் இந்த தொல்லை வேணான்னு நாங்க கால் டாக்சி புக் பண்ணி போயிக்கறோம்

யினியவன் wrote:நம்ம ராஜா அதுக்கு சரிப்பட்டு வரமாட்டார் எனக்கு அப்பவே தெரியும்

நல்ல பதிவு ராஜா - சொந்தக் காரு, டிரைவர் இந்த தொல்லை வேணான்னு நாங்க கால் டாக்சி புக் பண்ணி போயிக்கறோம்

நன்றி அண்ணே, உங்களுக்கு தெரிஞ்சுடுச்சு. எப்ப எங்க முதலாளிகளுக்கு தெரியுதோ அப்ப மூட்டை முடிச்சுகளோட

கிளம்பிடவேண்டியது தான்

T.N.Balasubramanian wrote:நகைச்சுவை கலந்த ,கணினி செய்தி !
நிச்சயமாக , நாமே ,சரி செய்ய உதவும் உத்தி !!
நன்றி , தொடருங்கள் , தல !

ரமணியன்

நன்றி ஐயா ,

தகவல் தொழில்நுட்பதுறையில் பணிபுரிபவர்களுக்கு அதிகம் பயன்படும் முறை இது.

கணினி வாங்கும்போது வந்துள்ள இயங்குதளத்தை நீக்கிவிட்டு வேறு இயங்குதளம் நிறுவமுயலும்போது சந்திக்கும் மிகப்பெரிய பிரச்சினை Driver Incompatibility அதுக்கு இந்த முறை தான் ஒரே தீர்வு

T.N.Balasubramanian wrote: பயன்படக்கூடிய தகவல்.ஃபோடோவில் குடும்பத்துடன் போஸ் அழகாக இருக்கிறது . எங்கே எடுத்தது ?ரமணியன்

நம்மகிட்ட சொல்லிட்டா எடுக்குறாங்க .... முக்கிய புள்ளியா இருந்தாலே இதே பிரச்சினை தான் , ஒரே குஷ்டமப்பா

பயனுள்ள தகவல் ராஜா மிக்க நன்றி .

விண்டோஸ் xp ய விண்டோஸ் 7 நா மாத்த முடியுமா? அப்படி மாத்தினா இப்போ இருக்கும் பைல் எல்லாம் டெலிட் ஆகிடுமா?

ஜாஹீதாபானு wrote:பயனுள்ள தகவல் ராஜா மிக்க நன்றி .

விண்டோஸ் xp ய விண்டோஸ் 7 நா மாத்த முடியுமா? அப்படி மாத்தினா இப்போ இருக்கும் பைல் எல்லாம் டெலிட் ஆகிடுமா?

அனைத்து பைல்களையும் Backup எடுத்துட்டு அதுக்கப்புறம் மாற்றுங்க , அதுக்கு முன்னாடி உங்க கணினி windows 7 சப்போர்ட் பண்ணுமான்னு பாருங்க. ரொம்ப பழைய கணினியா இருந்தா விண்டோஸ் 7 நிறுவுவது கடினமா இருக்கும்.

ராஜா wrote:

ஜாஹீதாபானு wrote:பயனுள்ள தகவல் ராஜா மிக்க நன்றி .

விண்டோஸ் xp ய விண்டோஸ் 7 நா மாத்த முடியுமா? அப்படி மாத்தினா இப்போ இருக்கும் பைல் எல்லாம் டெலிட் ஆகிடுமா?

அனைத்து பைல்களையும் Backup எடுத்துட்டு அதுக்கப்புறம் மாற்றுங்க , அதுக்கு முன்னாடி உங்க கணினி windows 7 சப்போர்ட் பண்ணுமான்னு பாருங்க. ரொம்ப பழைய கணினியா இருந்தா விண்டோஸ் 7 நிறுவுவது கடினமா இருக்கும்.

மேற்கோள் செய்த பதிவு: 1106290
இவ்ளோ ரிஸ்கு இருக்கும்னா வேணாம்பா