கூடுதல் விலைக்கு உரம் விற்றால் கடும் நடவடிக்கை - கலெக்டர்

தஞ்சாவூர்: ""கூட்டுறவு மற்றும் தனியார் உர விற்பனை நிலையங்களில், கூடுதல் விலைக்கு உரம் விற்பனை செய்தால், கண்காணிப்பு குழு மூலம் கடும் நடவடிக்கை எடுக்கப்படும்,'' என கலெக்டர் சுப்பையன் தெரிவித்துள்ளார்.
அவர் வெளியிட்ட செய்திக்குறிப்பு:
தஞ்சாவூர் மாவட்டத்தின் அனைத்து வட்டாரங்களிலும் உள்ள உரக்கடைகளில், வேளாண்துறை அதிகாரிகள் திடீர் ஊய்வு நடத்தி உரக்கட்டுப்பாட்டு ஆணை, 1985ன் படி செயல்படாத, உரக்கடைகள் மீது கடும் நடவடிக்கைகள் மேற்கொண்டு வருகின்றனர். தஞ்சை மாவட்டத்தில் கண்காணிப்பு குழு அமைத்து அனைத்து வட்டாரங்களில் உள்ள உரக்கடைகளில் திடீர் ஆய்வு செய்யப்பட்டது. இதுவரை, 91 உரக்கடைகள் ஆய்வு செய்யப்பட்டதில், விதிமுறை மீறி செயல்பட்ட, ஆறு கடைகளுக்கு, ஒரு வார காலத்திற்கு விற்பனை தடை ஆணை பிறப்பிக்கப்பட்டது.
மேலும், உரம் உரிமம் பெற்ற நிறுவனங்களின், உரங்களை மட்டுமே விற்பனை செய்யவேண்டும். மேலும், மூட்டைகளில் குறிப்பிட்டுள்ள விலைக்கு மிகாமல் விற்பனை செய்வது, இருப்பு விவரம், இருப்புப் பதிவேடு சரியாக பதிய வேண்டும். விவசாயிகள் உர மூட்டைகள் வாங்கும் போது, அதற்கான ரசீது கேட்டுப் பெறவேண்டும். பட்டியல் இடாமல் அதிக விலைக்கு விற்றால், அப்பகுதி வட்டார வேளாண்மை உதவி இயக்குநர் அலுவலகத்தில் நேரடியாகவோ அல்லது கீழ்க்கண்ட தொலைபேசி எண்களில் தொடர்ப்பு கொள்ளாலம்.
தஞ்சை, 97509 69401, புதலூர் - 97509 69402,. திருவையாறு - 97509 69403, ஒரத்தநாடு - 97509 69404, திருவோணம்- 97509 69405, பட்டுக்கோட்டை- 97509 69406, மதுக்கூர்- 97509 69407, பேராவூரணி- 96985 80420, சேதுபாவாசத்திரம்- 97509 69409, பாபநாசம்- 97509 69410, அம்மாபேட்டை-97509 69411, கும்பகோணம்- 97509 69412, திருவிடைமருதூர்- 97509 69413, திருப்பனந்தாள்- 97509 69414 தெரிவிக்கும் படி கேட்டுக்கொண்டு உள்ளார்.