சாலைப் போக்குவரத்து அமைச்சராக பொன். ராதாகிருஷ்ணன் பொறுப்பேற்பு

**ayyasamy ram** · **ayyasamy ram** Tue Nov 11, 2014 8:19 am

-
மத்திய அமைச்சரவை விரிவாக்கத்திற்குப் பிறகு தேசிய நெடுஞ்சாலை மற்றும் கப்பல் போக்குவரத்துத் துறையின் இணை அமைச்சராக பொன். ராதாகிருஷ்ணன் திங்கள்கிழமை பொறுப்பேற்றுக் கொண்டார்.

பிரதமர் நரேந்திர மோடி தனது அமைச்சரவையை ஞாயிற்றுக்கிழை விரிவாக்கம் செய்தார். இதையடுத்து, மத்திய அமைச்சரவையில் புதிதாக 21 பேர் சேர்க்கப்பட்டனர். தவிர, அமைச்சரவையில் சில மாற்றங்களும் செய்யப்பட்டன.

அதன்படி, மத்திய கனரக தொழிற்சாலை மற்றும் பொதுத் துறை நிறுவனங்களின் இணை அமைச்சராக பதவி வகித்து வந்த தமிழகத்தைச் சேர்ந்த பொன். ராதாகிருஷ்ணனுக்கு, தேசிய நெடுஞ்சாலை மற்றும் கப்பல் போக்குவரத்துத் துறை இணை அமைச்சர் பதவி வழங்கப்பட்டது.

பொன். ராதாகிருஷ்ணன் வகித்து வந்த பதவி ஜித்தேஸ்வராவுக்கு வழங்கப்பட்டது.

இதையடுத்து, புது தில்லி நாடாளுமன்றச் சாலையில் போக்குவரத்து பவனில் உள்ள தேசிய நெடுஞ்சாலை மற்றும் கப்பல் போக்குவரத்து அலுவலகத்திற்கு மாலையில் வந்த பொன். ராதாகிருஷ்ணன் தனது பொறுப்பை ஏற்றுக் கொண்டார்.

தமிழகத்தின் முன்னேற்றத்துக்கு கூடுதல் கவனம்: அப்போது, செய்தியாளர்களிடம் அவர் கூறுகையில், "சாலை மற்றும் கப்பல் போக்குவரத்து துறை மூலம் தமிழகத்தின் முன்னேற்றத்திற்குக் கூடுதல் கவனம் செலுத்திப் பாடுபடுவேன். அதற்கான முயற்சிகளையும் தொடர்ந்து மேற்கொள்வேன். அடல் பிகாரி வாஜ்பாய் தலைமையில் மத்தியில் பாஜக ஆட்சி நடைபெற்ற போது நெடுஞ்சாலை மற்றும் கப்பல் போக்குவரத்து துறை மூலம் பல பணிகள் சிறப்பாக மேற்கொள்ளப்பட்டன. அதேபோன்று, பிரதமர் நரேந்திர மோடி தலைமையிலான தற்போதைய அரசும் பல்வேறு மகத்துவமிக்க சாதனைகளை செயல்படுத்தும்' என்றார்.
-
--தினமணி

சாலைப் போக்குவரத்து அமைச்சராக பொன். ராதாகிருஷ்ணன் பொறுப்பேற்பு

சாலைப் போக்குவரத்து அமைச்சராக பொன். ராதாகிருஷ்ணன் பொறுப்பேற்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக