ரமேஷ் லெ - கவிதைகள்

Ramesh L · Ramesh L Mon Nov 03, 2014 8:52 am

First topic message reminder :

நான் படைக்கும்
பிரம்மனாக இருந்திருந்தால்
நிலவுக்கு இடைத்தேர்தல் வைத்து
உன்னை அந்த இடத்திற்கு போட்டி இன்றி
தேர்வு செய்திருப்பேன்

ரமேஷ் லெ

**M.M.SENTHIL** · **M.M.SENTHIL** Mon Nov 03, 2014 9:32 am

Ramesh L · Ramesh L Mon Nov 03, 2014 9:33 am

எதையும் எதிர்பாராமால் ஒரு பெண்ணின்
உண்மையான அன்பு உனக்கு
கிடைக்குமானால்

உனக்கு மற்றுமொறு தாய்மை
இந்த ஜென்மத்திலேயே கிடைத்திருக்கிறாள்
என்பது சாத்தியம் தான்

Ramesh L · Ramesh L Mon Nov 03, 2014 9:36 am

உன் பார்வை
அலைகள் மோதியதும்

பஞ்சாய்
பறந்ததடி என் இதயம்

கானலாய் வறண்டு கிடந்த
என் மனம்

இன்று நிறைந்து போனது அங்கு காதல்
பூக்களின் மணம்

சிதற விட்டேன் இன்று என் சிந்தனை
மனதை

அதை சிற்பமாய் செதுக்கி விட்டது அந்த காதல்
உனதே

Ramesh L · Ramesh L Mon Nov 03, 2014 9:39 am

என்னவளே
பூக்களின் மொழிகள்
என்பேன் உன் அழகான
புன்னகையை

நிலவின் நீள் அலைகள்
என்பேன் பாவையே
உன் பார்வையை

இரவை உதிர்த்து செய்த
நூல் இழைகள் என்பேன்
உன் கூந்தல்களை

உலர வைத்த
தேன் சுவடுகள் என்பேன்
உன் உதடுகளை

கார்மேகத்தின்
குவியல்கள் என்பேன்
உன் கருஇமைகளை

பொன்னால் செய்த
பஞ்சு பூக்கள் என்பேன் உன்
பாதங்களை

தேய்ந்து போன
தேய்பிறைகள் என்பேன்
உன் மெல்லிடையை

கடைசியாக கவியின் சோலைகள்
என்பேன் உன் மொத்தக்
காவியப் பேரழகை

Ramesh L · Ramesh L Mon Nov 03, 2014 9:41 am

அச்சம் மடம் நாணம் பயிர்ப்பு
பெண்பாலிற்குரியதாம்
மாற்றுங்கள் அச்சமின்மை நாணம் பயிர்ப்பு பெண்பாலுக்கு உரியதென்று

உயிரில்லா முள்ளிற்கு கூட வீரம் உண்டு
தன்னை தீண்டியவனை
குற்றி வீரத்தோடு
கிழிக்க

அப்படி இருக்க பெண்னே
உன்னை உன் அனுமதியின்றி
தீண்டுவது ஒரு ஆண் காளை என்றால்
அந்த இடத்தில் வீரத்தோடு நீ மாறு ஒரு பெண்புலியாய்

உன் கைகளின் விரல்கள் பத்தும் கத்தியாகவேண்டும்
உன் பார்வை அம்பு அவன் நெற்றியை
துளைக்க வேண்டும் உன் பயமின்மை அவனுக்கு
பயம் உண்டாக்க வேண்டும்

ஆண்மையின் வீரம் என்ற சொல்லைக் கொண்டு
ஒரு பெண் அடக்கப்படுகிறாள் என்றால்
அதே வீரத்தை வைத்து அடக்கிவிடு அந்த ஆண்மகனை
எங்கள் நாட்டின் வீரப்பெண்மகள்களே

Ramesh L · Ramesh L Mon Nov 03, 2014 9:45 am

காதல்

உணர்வுகளை
மெல்லிசையாக்கும்

உயிருக்குள் ஓசை
வைக்கும்

உனக்குள் உன்னையே பேச
வைக்கும்

யாருக்காகவோ உன்னை
வாழ வைக்கும்

கவிதைகளாய் உன்னை
பொழிய வைக்கும்

காரணமே இல்லாமல்
சிரிக்க வைக்கும்

இதயத்திற்கு
மொழிகள் கற்றுக்கொடுக்கும்

இமைக்காமல் எதையும்
பார்க்க வைக்கும்

அன்பு என்னும் உலகில் வாழ
வைக்கும்

அகிலத்தையும் கைக்குள்
அடக்க அது முயற்சிக்கும்

Ramesh L · Ramesh L Mon Nov 03, 2014 9:47 am

ஏழைச்சிறுவனின்
மிட்டாய் ஆசை
நிறைவேறியது

குடிகாரன் சாலையில்
குடித்து விட்டு போட்டு சென்ற
வெற்று பாட்டில்களால்

Ramesh L · Ramesh L Mon Nov 03, 2014 9:49 am

ஓசோனில் ஓட்டையாம்
அமெரிக்கன்
சொல்கிறான்????

அவர்களிடம் எப்படித் தான் சொல்வேனோ

அது ஓட்டை இல்லை தேவலோகத்து
தேவர்கள் உன்னை விண்ணிலிருந்து பார்க்க
போட்ட துளைகள் என்று????

Ramesh L · Ramesh L Mon Nov 03, 2014 9:53 am

முதலில் தன்னை மறப்பான்
இரண்டாவதாய் தன்னை சுற்றி நடப்பதை எல்லாம் மறப்பான்

உலகை ரசிப்பான்
உணர்வுகளை உதிரத்தில் பொதிப்பான்

எழுதியதெல்லாம் கவிதை ஆக்குவான்
எழுத்துக்களை எல்லாம் காதல் பேச வைப்பான்

ரோஜாக்களை தேசிய பூக்கள் என்பான்
ரோமியோ ஜூலியட்டை தேசதலைவர்கள் என்பான்

காதலை தன் கரு என்பான்
காதலியை அதில் உயிர்கரு என்பான்

இருதயத்தை காதலின் சின்னம் என்பான்
இமைகளைக் கடந்து பார்ப்பதை எல்லாம் நிலவுகள் என்பான்

பகலில் விண்மீன்களை தேடுவான்
பங்குனியில் குளிர்காலம் தேடுவான்

உயிருக்குள் உயிரைத் தேடுவான்
கடைசியாய் அவள் உணர்வுகளுக்குள் அவன் காதலைத் தேடுவான்

Ramesh L · Ramesh L Mon Nov 03, 2014 9:56 am

அவள் நெற்றியில்
வைத்து விட்டு
தூக்கி எறிந்த பொட்டு தான்

நீல வானில் இன்று
வட்ட நிலவாய்
மாறி விட்டதோ??????

Sponsored content · Sponsored content

ரமேஷ் லெ - கவிதைகள்

ரமேஷ் லெ - கவிதைகள்

Re: ரமேஷ் லெ - கவிதைகள்

மற்றுமொரு தாய்

முதல் காதல்

என்னவள்

பெண் வீரம் வேண்டும்

காதல் பாடு

ஒரு கவிதை-இரண்டு அவலம்

ஓசோனில் ஓட்டையா??

காதலிப்பவன்

பொட்டா?? நிலவா??

Re: ரமேஷ் லெ - கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக