சிவப்பு விளக்குப் பகுதி...!!Mano Red

Mano Red · Mano Red Tue Oct 21, 2014 9:44 am

சிவப்பு விளக்குப் பகுதிக்கு
சிறை தள்ளப்பட்ட பெண்ணின்
இரும்பு பெட்டியிலிருந்து,
அலறலுடன் எழுதப்பட்ட
சிகப்புக் காகிதங்கள்
அழாமல் பேசுகிறது...!:-(

நான் கோழை அல்ல..!!
வீரவசனம் பேசிய நானோ
புழுவாக வாழ்ந்திருக்கிறேன்,
உடல் முழுக்க அவமானம்
உயிரை எரிக்கிறது..!:-(

விலைமகள் அல்ல நான்..!!
வலிகளை சொல்ல முடியாமல்
வாய் மூடி நிற்கிறேன்,
என் முகத்தை
என்னால் எதிர்கொள்ள முடியாத
ஆறாத ரணம் என்னுள்.!:-(

கற்பை இழக்காத நோயாளி நான்.!:-(
ரத்த திட்டுகளோடு
யாரும் என்னை இனி
ஏற்றுக் கொள்ள மாட்டார்கள்..!
இருந்தாலும் பரவாயில்லை
எனக்கு விடுதலை வேண்டும்..!:-(

நகக் கீறல்கள் சுமப்பதால்
தண்டிக்கப்பட வேண்டியது
நான் அல்ல,
சாகச் சாக வன்புணர்ந்த அரக்கர்களும்,
சாட்சியான அந்த இறைவனும் தான்..!!

மிருக வெறியில்
என்னைக் கேட்காமல்
என்னை எடுத்துக் கொள்ள
அதிகாரம் யார் தந்தது..??
ஆண் என்ற
அகங்காரம் தந்த போதையா..??

யாரை குறை சொல்வதென
தெரியாமல் குறுகி நிற்கிறேன்..!!
உடலெங்கும் கடித்து வைத்த
பல் தடங்களும்,
சிகரெட் வைத்த சூடுகளும், யாருடையதென தெரியாத
வக்கற்றவள் நான்..!:-(

நீ பார்த்த எந்தப் படத்தின்
வன்முறைக் காட்சியை
என்மேல் ஒத்திகை பார்த்தாய்..!!
உயிரோடு என்னைத் தின்று
உலையில் ஏற்ற சொன்னது யார்.?

மோப்ப நாய் நான்..!:-(
முதலில் வந்தவன் முதல்
அத்தனை முகங்களும்
நினைவில் இருக்கிறது..!!
சுய நினைவை இழக்க
சுடுகாடு தான் போகவேண்டுமா..?

வேடிக்கை பார்த்த இறைவனே,
என் அம்மாவின்
கண்களுக்கு மட்டும்
இந்த காகித எழுத்துக்களை
காண்பிக்க வேண்டாம்,
பொத்தி பொத்தி வளர்த்தவள்
பொசுங்கிப் போய் விடுவாள்..!:-(

Mano Red · Mano Red Sun Oct 26, 2014 8:42 am

மனதை பாதித்த நிகழ்வு இது ....கண்ணீர் தான் விட முடிந்தது

**T.N.Balasubramanian** · **T.N.Balasubramanian** Sun Oct 26, 2014 12:50 pm

Mano Red இன்
சிவப்பு விளக்கு பகுதி .
முரணாக சில விஷயங்கள்
முரண்டடித்தாலும் ,
நெகிழவைத்தது .

ரமணியன்

Mano Red · Mano Red Sun Oct 26, 2014 1:00 pm

அய்யா முரணாக இருப்பின் மன்னிக்கவும் ...ஆனால் இத்தனை வலிகள் இருந்தது நான் படித்த செய்தியில் ..

**T.N.Balasubramanian** · **T.N.Balasubramanian** Sun Oct 26, 2014 1:13 pm

Mano Red wrote:அய்யா முரணாக இருப்பின் மன்னிக்கவும் ...ஆனால் இத்தனை வலிகள் இருந்தது நான் படித்த செய்தியில் ..

மேற்கோள் செய்த பதிவு: 1099535

நீங்கள் படித்த செய்தியினை
பதிவிட்டதில் ,
முரணான செய்திக்கு ,
அரணாக நீங்கள் இருக்க முடியாதே .
மன்னிப்பென்ற வார்த்தைக்கே அவசியமே இல்லை .
கூறியபடி , நெகிழவைத்த சிவப்பு காகிதம் .

ரமணியன்

Mano Red · Mano Red Sun Oct 26, 2014 1:16 pm

ம்ம்ம்ம்ம் மிக்க மகிழ்ச்சி ரமணி சார் ..சரியான முறையில் புரிந்து ஊக்குவிப்பதில் நீங்கள் தான் எடுத்துக்காட்டு

**T.N.Balasubramanian** · **T.N.Balasubramanian** Sun Oct 26, 2014 1:24 pm

Mano Red wrote:ம்ம்ம்ம்ம் மிக்க மகிழ்ச்சி ரமணி சார் ..சரியான முறையில் புரிந்து ஊக்குவிப்பதில் நீங்கள் தான் எடுத்துக்காட்டு

மேற்கோள் செய்த பதிவு: 1099540

ரமணி என்ற பெயரில் வேறு ஒரு சிறந்த கவிஞர் இருக்கிறார் .
நான், ரமணியன் என்ற பெயரிலேயே அறியப்படுகிறேன் .
உங்கள் கவனத்திற்கு .

ரமணியன்

Mano Red · Mano Red Sun Oct 26, 2014 1:25 pm

சரி ரமணியன் அய்யா.... சிவப்பு விளக்குப் பகுதி...!!Mano Red 1757813334

**M.M.SENTHIL** · **M.M.SENTHIL** Sun Oct 26, 2014 9:37 pm

மிக நல்ல கவிதை... மிக ரசித்தேன்...

Mano Red · Mano Red Sun Oct 26, 2014 9:41 pm

Thanks senthil :-):-)

Sponsored content · Sponsored content

சிவப்பு விளக்குப் பகுதி...!!Mano Red

சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக