பழம்பெரும் நடிகர் எஸ்.எஸ்.ஆர்., மருத்துவமனையில் அனுமதி- இன்று காலை ம்ரணமடைந்தார்!

**krishnaamma** · **krishnaamma** Thu 23 Oct 2014 - 20:22

First topic message reminder :

பழம்பெரும் நடிகர் எஸ்.எஸ்.ஆர்., மருத்துவமனையில் அனுமதி- இன்று காலை ம்ரணமடைந்தார்! - Page 2 EP2tk8cDRyGjcEbFDKYa+NT_141023160707000000

பழம்பெரும் நடிகர் எஸ்.எஸ்.ஆர்., மருத்துவமனையில் அனுமதி- இன்று காலை ம்ரணமடைந்தார்! - Page 2 EP2tk8cDRyGjcEbFDKYa+NT_141023160707000000

பழம்பெரும் நடிகர் எஸ்.எஸ்.ராஜேந்திரன், உடல்நலக்குறைவு காரணமாக சென்னையில் உள்ள தனியார் மருத்துவமனையில் அனுமதிக்கப்பட்டுள்ளார். தமிழ் சினிமாவின் பழம்பெரும் நடிகர் எஸ்.எஸ்.ராஜேந்திரன். எஸ்.எஸ்.ஆர் என்று செல்லமாக அழைக்கப்படும் இவர், நடிகர் திலகம் சிவாஜி கணேசன் அறிமுகமான, ''பராசக்தி'' படத்தில் தான் அறிமுகமானார். தொடர்ந்து பல்வேறு படங்களில் நடித்து முன்னணி நடிகராக உயர்ந்தார். பூம்புகார், மறக்க முடியுமா போன்ற படங்கள் காலத்தால் அழிக்க முடியாத திரைக்காவியங்கள். தனது எழுச்சி மிகு நடிப்பால் ரசிகர்களை கவர்ந்த இவருக்கு லட்சிய நடிகர் என்று பட்டமும் கொடுக்கப்பட்டது. நடிகராக மட்டுமல்லாது எம்.எல்.ஏ., மற்றும் எம்பி-யாகவும் இருந்துள்ளார்.

தற்போது 86 வயதாகும் எஸ்.எஸ்.ஆர்., கடந்த இரண்டு மாதங்களாக உடல்நலம் சரியில்லாமல் இருந்து வந்தார். இந்நிலையில், கடந்த இருதினங்ளாக அவரது உடல்நிலை மிகவும் மோசமானது. இதனையடுத்து, அவர் இன்று(அக்., 23ம் தேதி) சென்னை, ஆழ்வார்பேட்டையில் உள்ள தனியார் மருத்துவமனையில் அனுமதிக்கப்பட்டார். எஸ்.எஸ்.ஆரின் உடலை பரிசோதித்த டாக்டர்கள், அவருக்கு நுரையீரல் தொற்றுநோய் பாதிப்பு ஏற்பட்டுள்ளதாகவும், அவரது உடல்நிலை மிகவும் மோசமாக இருப்பதாகவும், இன்னும் 24 மணிநேரத்திற்கு பிறகே எதுவும் சொல்ல முடியும் என்று தெரிவித்துள்ளனர். தொடர்ந்து டாக்டர்கள், எஸ்.எஸ்.ஆரை தீவிரமாக கண்காணித்து வருகின்றனர். எஸ்.எஸ்.ஆர். மனைவி தாமரைச்செல்வி, மகன் கண்ணன் மற்றும் மகள் லட்சுமி ஆகியோர் அவரை உடன் இருந்து கவனித்து வருகின்றனர்.

தினமலர்

**ராஜா** · **ராஜா** Fri 24 Oct 2014 - 18:23

மாணிக்கம் நடேசன் wrote:அவரது தமிழ் அழகு, அவரது உச்சரிப்பும் அழகு. கணீர் குரலில் கம்பீரமாக வசனம் பேசுவார்.
நான் எப்பொழுதும் ரசிக்கும் அவரது பாடல் ஒன்று, சிறு வயதில் நாங்கள் பாடி ரசித்த பாடல். அவரது ஆத்மா சாந்தியடைய வேண்டுவோம்

https://www.youtube.com/watch?v=KMMgaLHbtP4

மேற்கோள் செய்த பதிவு: 1099079உண்மை தான் ஐயா இவரின் தமிழ் உச்சரிப்புகள் எனக்கும் மிக பிடிக்கும் , அவரது குரலும் ஒரு கம்பீரமாக இருக்கும்

mkrsantharam · mkrsantharam Fri 24 Oct 2014 - 19:00

ஆழ்ந்த இரங்கல்கள்

எஸ். எஸ். ஆர் .

அழகான தோற்றம்,

எல்லோரையும் வசீகரிக்கும் தெளிவான தமிழ் உச்சரிப்பு,

முதலில் இவருக்கு " அபிமன்யூ " ( 1948 ) படத்தில்

அர்ஜுனன் வேடத்தில் நடிக்க வாய்ப்பு கிடைத்தது.

ஆனால் தவிர்க்க முடியாத காரணங்களால் அது முடியாமல்

போகவே அந்த அர்ஜுனன் வேடத்தில் நடித்தவர்

எம்.ஜி. ஆர் .

அபிமன்யூ ஆக நடித்தவர் எம். எஸ், குமரேசன்.

இதன் பின்னர்தான் சிவாஜி கணேசன் அறிமுகம் ஆன

" பராசக்தி " படத்தில் சிவாஜி கணேசன் அண்ணன் '

" ஞானசேகரன் " என்கிற பாத்திரத்தில் அந்த படத்தில் அறிமுகம்

ஆனார்.

சொந்தமாக " எஸ். எஸ். ஆர் நாடகமன்றம் " என்கிற பெயரில்

நாடக மன்றத்தை ஆரம்பித்து தொடர்ந்து நாடகங்களை

அளித்து வந்தார்.

எஸ் . எஸ். ஆர் இன் நாடக மன்றத்தில் இருந்து , திரை உலககிற்கு

அறிமுகமானவர்கள் :

1. எம். என். ராஜம்,

2.முத்துராமன்,

3, மனோரமா,

4. ஷீலா ஆகியோர்.

.

எஸ். எஸ். ஆர் , ஏன் புராணப்

படங்களில் நடிக்கவில்லை ?

" பெரியாரின் பகுத்தறிவு கொள்கையை முழுமையாக

ஏற்றுக்கொண்டதன் காரணமாக புராண படங்களில் நடிக்க

மறுத்துவிட்டேன் .

என் கொள்கைக்கு முரண் ஆக எந்த படத்திலும் நான்

நடித்ததில்லை.

பெரியாரும் அண்ணாவும் என்னை குறிப்பிடும் போது :

" இலட்சிய நடிகர் "

என்றே குறிப்பிடுவர்.

" சம்பூர்ண ராமாயணம் " படத்தில் பரதன் வேடத்திற்கு

என்னைத்தான் முதல்லில் அழைத்தனர்,

நான் மறுத்துவிட்டேன்.

அதன் பிறகு நம் நடிகர் திலகர் அந்த பரதன்

வேடத்தில் நடித்தார் ! "

.....................................................சொன்னவர் : ' இலட்சிய நடிகர் எஸ் . எஸ். ஆர் !

எஸ். எஸ். ஆர் , சொந்தக் குரலில்

திரைப்படங்களில் பாடியுள்ளாரா ?

பாடியுள்ளார் !

அழகான குரலில்!

சில பாடல்களை பாடியுள்ளார்.

" சாம்பிளுக்கு " ஒரு பாட்டு :

" செந்தமிழ் நாட்டு கைத்தறி நெசவு சேலைகள் , வேட்டி

வாங்குவீர் ! "

எஸ். எஸ். ஆர் பாடி ,

டி ஜி லிங்கப்பா இசையமைத்தது.

படம் : " புதுமைப்பெண் " ( 1959 )

பாட்டு :

http://picosong.com/fucr

எம்கேஆர்சாந்தாராம்

அசுரன் · அசுரன் Fri 24 Oct 2014 - 19:16

அழகான குழிவிழும் கண்ணத்துக்கு சொந்தக்காரர்.

அழகிய தமிழ்மகன் இவர் தான். ஆழ்ந்த இரங்கல்கள்

இந்த பதிவைத் துவங்கியவர் நன்றி கூறியுள்ளார் அசுரன்

**மாணிக்கம் நடேசன்** · 14/12/2009

அமரர் எஸ்.எஸ். ஆர் அவர்களைப் பற்றிய ஒரு காணொளி.

http://www.tubetamil.com/watch-cinema-videos/watch-tamil-cinema-news/1st-indian-actor-who-turned-mla-is-no-more.html

**மாணிக்கம் நடேசன்** · 14/12/2009

பி பி சி வானொலியில் எஸ்.எஸ்.ஆர் பற்றி ஒலியேறிய பெட்டகம்.

http://www.bbc.co.uk/tamil/arts_and_culture/2014/10/141024_ssraudio

**krishnaamma** · **krishnaamma** Sat 25 Oct 2014 - 20:30

மாணிக்கம் நடேசன் wrote:பி பி சி வானொலியில் எஸ்.எஸ்.ஆர் பற்றி ஒலியேறிய பெட்டகம்.

http://www.bbc.co.uk/tamil/arts_and_culture/2014/10/141024_ssraudio

நன்றி மாமா, நான் தான் மேலே நீங்க போட்ட பதிவில் வீடியோ சேர்த்தேன் புன்னகை

Sponsored content · Sponsored content

பழம்பெரும் நடிகர் எஸ்.எஸ்.ஆர்., மருத்துவமனையில் அனுமதி- இன்று காலை ம்ரணமடைந்தார்!