சிவப்பு விளக்குப் பகுதி...!!Mano Red

Mano Red · Mano Red Tue Oct 21, 2014 9:44 am

First topic message reminder :

சிவப்பு விளக்குப் பகுதிக்கு
சிறை தள்ளப்பட்ட பெண்ணின்
இரும்பு பெட்டியிலிருந்து,
அலறலுடன் எழுதப்பட்ட
சிகப்புக் காகிதங்கள்
அழாமல் பேசுகிறது...!:-(

நான் கோழை அல்ல..!!
வீரவசனம் பேசிய நானோ
புழுவாக வாழ்ந்திருக்கிறேன்,
உடல் முழுக்க அவமானம்
உயிரை எரிக்கிறது..!:-(

விலைமகள் அல்ல நான்..!!
வலிகளை சொல்ல முடியாமல்
வாய் மூடி நிற்கிறேன்,
என் முகத்தை
என்னால் எதிர்கொள்ள முடியாத
ஆறாத ரணம் என்னுள்.!:-(

கற்பை இழக்காத நோயாளி நான்.!:-(
ரத்த திட்டுகளோடு
யாரும் என்னை இனி
ஏற்றுக் கொள்ள மாட்டார்கள்..!
இருந்தாலும் பரவாயில்லை
எனக்கு விடுதலை வேண்டும்..!:-(

நகக் கீறல்கள் சுமப்பதால்
தண்டிக்கப்பட வேண்டியது
நான் அல்ல,
சாகச் சாக வன்புணர்ந்த அரக்கர்களும்,
சாட்சியான அந்த இறைவனும் தான்..!!

மிருக வெறியில்
என்னைக் கேட்காமல்
என்னை எடுத்துக் கொள்ள
அதிகாரம் யார் தந்தது..??
ஆண் என்ற
அகங்காரம் தந்த போதையா..??

யாரை குறை சொல்வதென
தெரியாமல் குறுகி நிற்கிறேன்..!!
உடலெங்கும் கடித்து வைத்த
பல் தடங்களும்,
சிகரெட் வைத்த சூடுகளும், யாருடையதென தெரியாத
வக்கற்றவள் நான்..!:-(

நீ பார்த்த எந்தப் படத்தின்
வன்முறைக் காட்சியை
என்மேல் ஒத்திகை பார்த்தாய்..!!
உயிரோடு என்னைத் தின்று
உலையில் ஏற்ற சொன்னது யார்.?

மோப்ப நாய் நான்..!:-(
முதலில் வந்தவன் முதல்
அத்தனை முகங்களும்
நினைவில் இருக்கிறது..!!
சுய நினைவை இழக்க
சுடுகாடு தான் போகவேண்டுமா..?

வேடிக்கை பார்த்த இறைவனே,
என் அம்மாவின்
கண்களுக்கு மட்டும்
இந்த காகித எழுத்துக்களை
காண்பிக்க வேண்டாம்,
பொத்தி பொத்தி வளர்த்தவள்
பொசுங்கிப் போய் விடுவாள்..!:-(

**M.M.SENTHIL** · **M.M.SENTHIL** Sun Oct 26, 2014 9:44 pm

Mano Red wrote:Thanks senthil :-):-)

மேற்கோள் செய்த பதிவு: 1099598

Mano Red · Mano Red Sun Oct 26, 2014 10:07 pm

ஹா ஹா....மொபைலில் பதில் உருவங்களை உயிர்ப்பிக்க முடியவில்லை செந்தில்

lakshanika1@gmail.com · lakshanika1@gmail.com Mon Oct 27, 2014 5:55 pm

ஒரு பெண்ணாய் இதில் என்னால் " அழுகின்ற சிவப்பு காகிதத்திற்கு சொல்லும் ஆறுதல் வார்த்தை " பெண்ணே அசிங்கப்பட்டது நீ அல்ல தன்னை ஆண் சிங்கம் என கூறிக்கொண்டு -பெண்களின் சுயமரியாதையை கீறிப் பார்க்கும் -உடலால் மட்டுமே தன்னை ஆண் என கூறிசெல்லும் ஆண் சிங்கங்கள்தான்- இன்று நம் கோலோச்சிய கலாசாரத்தின் அசிங்கங்கள் .

**ஜாஹீதாபானு** · **ஜாஹீதாபானு** Mon Oct 27, 2014 6:05 pm

மனம் கனக்கும் கடைசி வரிகள்

Mano Red · Mano Red Tue Oct 28, 2014 8:26 am

நண்பர்களே மனதை புண்படுத்துவது போல வரிகள் இருந்தால் மன்னிக்கவும் ....!!

வசீகரப்ரியன் · 25/09/2011

படித்தேன் ;
துடித்தேன் ;
கண்ணீர்
வடித்தேன் ;
மனதுக்குள்
வெடித்தேன் ;
நினைத்தேன் ;
நினைத்தவுடனே
சாபம்
கொடுத்தேன் ;
கடவுளே !
நீ
பெண்ணாக
கடுகளவேனும்
நீ
சுமக்கவேணும்
களங்கம்
எனும்
சொல்லை ;
அப்போது
நிகழாது
பெண்களுக்கு
இத்தொல்லை !

Mano Red · Mano Red Sun Nov 02, 2014 3:11 pm

நன்றி வசீகரன் ...!! மனதை உலுக்கிய நிகழ்வு அது...

Sponsored content · Sponsored content

சிவப்பு விளக்குப் பகுதி...!!Mano Red

சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

Re: சிவப்பு விளக்குப் பகுதி...!!Mano Red

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக