தமிழர்கள் வசிக்கும் குடிசை பகுதிகளை, அடுக்குமாடி குடியிருப்பு பகுதிகளாக மாற்ற பாடுபடுவேன்' !

தமிழர்கள் வசிக்கும் குடிசை பகுதிகளை, அடுக்குமாடி குடியிருப்பு பகுதிகளாக மாற்ற பாடுபடுவேன்' என்று, பா.ஜ., சார்பில், மும்பையிலிருந்து, மகாராஷ்டிரா சட்டசபைக்கு தேர்ந்தெடுக்கப்பட்டுள்ள தமிழர் தமிழ்செல்வன் கூறினார்.



தமிழகத்தை சேர்ந்தவர்:

மகாராஷ்டிரா மாநிலம், மும்பை மாநகரில், சயான் கோலிலாடா தொகுதியில், தமிழகத்தை சேர்ந்த பா.ஜ., வேட்பாளராக போட்டியிட்ட தமிழ் செல்வன், 40 ஆயிரத்து 869 ஓட்டுக்களை பெற்று வெற்றி பெற்றுள்ளார்.இவரை எதிர்த்து போட்டியிட்ட சிவசேனா வேட்பாளர் சத்தம்கர் மங்கேஷ் என்பவர் பெற்ற ஓட்டுக்களை விட கூடுதலாக, 2,733 ஓட்டுக்களை பெற்றுள்ளார். தமிழ்செல்வனின் சொந்த ஊர் புதுக்கோட்டை மாவட்டம், கரம்பக்குடி
தாலுகா, பிலாவிடுதி.உலகத் தமிழர் கூட்டமைப்பின் மாநில தலைவர், மும்பை மாநகராட்சியின் கவுன்சிலராகவும் பணியாற்றி வரும் தமிழ்செல்வனுக்கு, சமூக சேவை செய்வது பிரதான பணி.மும்பையின் தாஜ் ஓட்டலில், பாகிஸ்தான் பயங்கரவாதிகள் தாக்குதல் நடத்திய போது, துப்பாக்கியால் சுடப்பட்டு காயமடைந்தவர்களில், 50 பேரை, கைவண்டியில் படுக்க வைத்து, மருத்துவமனையில் சேர்த்தார். இந்த சேவைக்காக, கவர்னரின் பாராட்டையும், விருதையும்பெற்றார்.

தமிழ்செல்வன், 'தினமலர்' நாளிதழுக்கு அளித்த சிறப்பு பேட்டி:மும்பையில், தமிழர்கள் வசிக்கும் பிரதிஷா நகர், காமராஜ் நகர், சங்கம் நகர், டோபிகாட் போன்ற பகுதிகளில், குடிசை வீடுகள் அதிகமாக உள்ளன. மழைக் காலங்களில் தண்ணீர் தேங்கி நிற்கும். அதனால், சுகாதார கேடு


உருவாகும்.இந்த அவல நிலையை போக்குவதற்காக, கவுன்சிலராக இருந்து நிறைய பாடுபட்டிருக்கிறேன். இருந்தாலும் முழுமையாக, அந்தப் பணியை செய்து முடிக்க முடியவில்லை. அந்த மக்களின் பெரும் அன்பைப் பெற்றிருக்கும் நான், தற்போது, சட்டசபை உறுப்பினராக பதவி உயர்வு பெற்றிருக்கிறேன்.

ஒரே மருத்துவமனை:

நான் முடிக்க முடியாமல் தவிக்கும், அந்த பணியைவிரைந்து முடிப்பதுதான், என் தலையாகப் பணி. அதற்காக, மேற்சொன்ன பகுதிகளில் இருக்கும் குடிசைகளை அடுக்கு மாடி குடியிருப்புகளாக மாற்றுவதற்கான முயற்சிகளில் இறங்குவேன்.அதேபோல, இரண்டு லட்சம் பொதுமக்கள் வசிக்கும் இந்த தொகுதியில், ஒரே ஒரு அரசு மருத்துவமனை தான் உள்ளது. கூடுதலாக மருத்துவமனைகள் அமைக்கவும் பாடுபடுவேன். என்றைக்கும் மும்பைத் தமிழர்களுக்கு உறுதுணையாக இருந்து பாடுபடுவேன்.இவ்வாறு, அவர் கூறினார்.

நமது நிருபர் -

வாழ்த்துக்கள் தமிழ் செல்வன் அவர்களுக்கு...

அயல் மாநிலங்களில் தமிழன் தேர்தலில் வெற்றி பெறுவது அபூர்வம்..
பெற்ற வெற்றியை தமிழர்கள் பயன்பெறச்செய்யுமாறு பணியாற்ற வாழ்த்துக்கள்

தமிழ்நேசன்1981 wrote:வாழ்த்துக்கள் தமிழ் செல்வன் அவர்களுக்கு...

அயல் மாநிலங்களில் தமிழன் தேர்தலில் வெற்றி பெறுவது அபூர்வம்..
பெற்ற வெற்றியை தமிழர்கள் பயன்பெறச்செய்யுமாறு பணியாற்ற வாழ்த்துக்கள்

மேற்கோள் செய்த பதிவு: 1098216

ஆம்மாம் ...................அதுவும் பாம்பே இல்

வாழ்த்துக்கள் தமிழ் செல்வன்....
உங்களது பணி இனிதே வெற்றி பெற வாழ்த்துக்கள்

வாழ்த்துக்கள் தமிழ் செல்வன் அவர்களுக்கு

தமிழர் என்றில்லாமல் உங்கள் தொகுதியில் உள்ள அனைவருக்காகவும் பாடுபடுங்கள் கேப்டன்

அந்நிய மண்ணில் --அதாவது அந்நிய மாநிலத்தில் தேர்வாகி இருக்கிறீர்கள் .
வாழ்த்துகள் பல   
தமிழரோ மராட்டியரோ யாராய் இருந்தாலும் ,முக்கியமாக உங்கள் தொகுதி மக்களாக இருப்பின் 
அவர்களுக்கு முன்னுரிமை கொடுத்து உதவி செய்யுங்கள் . பணம் உங்கள் கண்ணை மறைக்க /மரக்க 
விடாதீர்கள் . நேர்மையை கை விடாதீர்கள் .வெற்றி மேல் வெற்றி ,மெதுவாகத்தான் வரும் .
slow & steady  wins the race .

ரமணியன்