காதல் கவிதை தருவீர்களா

**Aathira** · **Aathira** Sat Oct 18, 2014 6:03 pm

First topic message reminder :

அன்பு உறவுகளே,
இலக்கியங்களில் இருக்கும் அழகிய, ஆழமான காதல் கவிதைகளை இந்தத் திரியில் தாருங்கள் புதுக்கவிதையாகவும் இருக்கலாம்.

பிறமொழிக் கவிதைகளும் எழுதலாம். ஆனால் அதன் பொருளுரையுடன்.

முதலில் நான் விரும்பும் கவிதை

"யாயும் ஞாயும் யாராகியரோ
எந்தையும் நுந்தையும் எம்முறைக் கேளிர்
நீயும் யானும் எவ்வழி அறிதும்
செம்புலப் பெயல் நீர்போல
அன்புடை நெஞ்சந்தாங் கலந்தனவே"

-செம்புலப் பெயல்நீரார்
குறுந்தொகை

பொருள்:

"என் தாயும் உன் தாயும் எவ்விதத்திலும் அறிந்தவர் இல்லை. என் தந்தையும் உன் தந்தையும் எவ்வகையிலும் உறவு கொண்டாருமிலர். நானும் நீயும் இதுவரைகாலம் ஒருவரை யொருவர் முன்னறிமுகம் எனவும் ஆயிலேம், எனினும் என்ன வியப்பு, நம் இருவருடைய இதயங்களும் செம்மண் நிலத்தில் பெய்த மழைநீர் எங்ஙனம் உருமாறி பிரித்தறிய வொண்ணாதபடி, மண்ணின் தன்மையை அடைந்து விடுமோ அதுபோல ஒன்று கலந்து விட்டன"

**T.N.Balasubramanian** · **T.N.Balasubramanian** Tue Nov 11, 2014 7:34 pm

ராஜா wrote:
Aathira wrote:காதலிக்க யாரும் தயாராக இல்லை போல
யார் சொன்னது ?! நான் தயாரா இருக்கிறேன் அக்கா ,

உங்க தம்பி பொண்டாட்டிக்கிட்ட சொல்லி permission வாங்கி கொடுத்துடுங்க போதும்

மேற்கோள் செய்த பதிவு: 1102629

உங்களை " காதலிக்க யாரும் தயாராக இல்லை " எனப் புரிந்து கொள்ளவும் .

ரமணியன்

**Aathira** · **Aathira** Tue Nov 11, 2014 10:39 pm

ராஜா wrote:
Aathira wrote:காதலிக்க யாரும் தயாராக இல்லை போல
யார் சொன்னது ?! நான் தயாரா இருக்கிறேன் அக்கா ,

உங்க தம்பி பொண்டாட்டிக்கிட்ட சொல்லி permission வாங்கி கொடுத்துடுங்க போதும்

மேற்கோள் செய்த பதிவு: 1102629
அடக் கடவுளே... காதலிங்கப்பா.. காதல் கவிதைகளை...... பொண்ணுங்கள இல்ல நான் சொன்னது

**Aathira** · **Aathira** Tue Nov 11, 2014 10:40 pm

T.N.Balasubramanian wrote:தப்பாக நினைக்கிறார்கள் போலும் .

ரமணியன்

மேற்கோள் செய்த பதிவு: 1102623
இந்த உலகம் காற்றால் நிரப்பப் படவில்லை. காதலால் நிரப்பப் பட்டுள்ளது. நான் சொல்லல. கவிஞர் பழநிபாரதி

யினியவன் · யினியவன் Wed Nov 12, 2014 12:14 am

இதோ வரேன் உங்க கல்லூரி பக்கம் புன்னகை

ச. சந்திரசேகரன் · 16/09/2012

ஒரு கல் ஒரு கண்ணாடி
உடையாமல் மோதிக்கொண்டால் காதல்

ஒரு சொல் சில மௌனங்கள்
பேசாமல் பேசிக்கொண்டால் காதல்

- நா. முத்துக்குமார்

**Aathira** · **Aathira** Wed Nov 12, 2014 3:27 pm

ச. சந்திரசேகரன் wrote:ஒரு கல் ஒரு கண்ணாடி
உடையாமல் மோதிக்கொண்டால் காதல்

ஒரு சொல் சில மௌனங்கள்
பேசாமல் பேசிக்கொண்டால் காதல்

- நா. முத்துக்குமார்

மேற்கோள் செய்த பதிவு: 1102659
அருமையாக உள்ளது. இது போல உணர்வுப் பூர்வமான காதல் கவிதைகள் தாங்கள் மிகவும் ரசித்தது வேண்டும் தோழர்

**விமந்தனி** · **விமந்தனி** Tue Jan 06, 2015 11:39 pm

எட்டுத்தொகை நூல்களில் ஒன்றான குறுந்தொகையிலிருந்து,

கொங்குதேர் வாழ்க்கை அஞ்சிறைத் தும்பி
காமம் செப்பாது கண்டது மொழிமோ
பயிலியது கெழீஇய நட்பின் மயிலியல்
செறியெயிற் றரிவை கூந்தலின்
நறியவும் உளவோ நீயறியும் பூவே.

-இறையனார்.

இது தலைவனின் கூற்றாக இடம் பெற்றுள்ள குறிஞ்சி பாடல். இந்த விளக்கம்;

'பூக்களை ஆராய்ந்து அதன் தேனினை உண்ணுகின்ற வாழ்க்கையினையும், உள்ளிடத்தே சிறையையும் உடைய வண்டே, என் நிலத்து வண்டென்ற காரணத்தினால் நான் விரும்பியதையே கூறாமல், நீ கண்கூடாக அறிந்ததையே சொல்வாயாக: நீ அறியும் மலர்களுள், எழுமையும் என்னோடு பயிலுதல் பொருந்திய நட்பையும், மயில் போன்ற மென்மையையும், நெருங்கிய பற்களையும் உடைய, என்னவள் கூந்தலைப் போல, நறுமண முடைய பூக்களும், உள்ளனவோ'?

இது நான் 10th படிக்கும் போது வந்த மனப்பாட செய்யுள். எனக்கு இது மிகவும் பிடித்ததன் காரணம், திருவிளையாடலில் இந்த பாடலை நடிகர் சிவாஜி சொல்லும் கம்பீரம்... இன்னமும் என்னுள் ரீங்காரம் இட்டுக்கொண்டு தான் இருக்கிறது.

Sponsored content · Sponsored content

காதல் கவிதை தருவீர்களா

காதல் கவிதை தருவீர்களா

Re: காதல் கவிதை தருவீர்களா

Re: காதல் கவிதை தருவீர்களா

Re: காதல் கவிதை தருவீர்களா

Re: காதல் கவிதை தருவீர்களா

Re: காதல் கவிதை தருவீர்களா

Re: காதல் கவிதை தருவீர்களா

Re: காதல் கவிதை தருவீர்களா

Re: காதல் கவிதை தருவீர்களா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக