இன்று - 11.10.2014 சர்வதேச பெண் குழந்தைகள் தினம் !

First topic message reminder :

வந்தாள் மகாலட்சுமியே...! இன்று சர்வதேச பெண் குழந்தைகள் தினம் !

'வந்தாள் மகாலட்சுமியே!
இனி என்றும் அவள் ஆட்சியே...'

என பெண் குழந்தை பிறந்தவுடன் குடும்பங்களில் ஏற்படும் குதுாகலத்தை யாராலும் அளவிட முடியாது.பெண் குழந்தைகளை 'மகாலட்சுமி' எனவும் 'ஆதி பராசக்தி' எனவும் அவரவர் மதம், இனத்திற்கு ஏற்ப ஒவ்வொரு வகையான பெயர்களில் ஏற்றுக் கொள்ளும் பக்குவம் நமக்கு உண்டு. பழமைவாதம், உணர்வுகளை ஒரு காலிலும், தவறான எண்ணங்கள், புரிதல்களை மற்றொரு காலிலும் கட்டிக் கொண்டு பயணிக்காமல் பெண்ணுக்கு பெண்ணை எதிரியாக்காமல்... எந்த திசை நோக்கி பயணித்தால் அவர்களை வழிநடத்தலாம் என்று எண்ணி அந்த பெண் குழந்தைகள் தடம் மாறி கீழே விழுவதை விட, அவர்களையும் அவர்களின் உள்ளத்தின் உணர்வுகளையும் புரிந்து கொண்டும், தெரிந்து கொண்டும் அவர்களுடன் நாம் பயணிக்க வேண்டும்.

இந்தியாவில் பெண் குழந்தைகளை வழி நடத்தும் விதம் காலம் காலமாக அன்புடனும், அரவணைப்புடனும் தொடர்கிறது. வாசலில் கோலமிடுவது முதல் பெரியோரை மதிப்பது வரை எந்த ெவளிநாட்டினராலும் சொல்லி கொடுக்க முடியாத, சொல்லி கொடுக்காத சமூக சிந்தனைகளையும் பெண் குழந்தைகளுக்கு சொல்லி கொடுக்கிறோம்.சில ஆண்டுகளாக மேற்கத்திய கலாசார போர்வையில் கம்ப்யூட்டர், மொபைல் போன் மூலம் அவர்கள் தற்காலிகமாக பாதை மாறலாம்.

ஆனால் அவர்களின் அடிமனதில் ஒளிந்திருக்கும் நம் கலாசாரம் மற்றும் பண்புகள் ஆன்மிக பலத்துடன் ஆழமாக பதிந்து இருப்பதால் அவர்களால் அவர்களை பாதுகாத்து கொள்ள முடிகிறது.ஒவ்வொரு ஆண்டும், ஒவ்வொரு மாதமும் ஒவ்வொரு நாளும் இந்த பெண் குழந்தைகளை பேணி காக்கும் வகையில் நம் முன்னோர்கள் வாழ்ந்து காட்டியுள்ளனர். எந்த நேரத்திலும், எந்த காலத்திலும் பெண் குழந்தைகளை நாம் கொண்டாட மறுப்பதில்லை. நவராத்திரி காலத்தின் போது பெண்கள் கொலு வைப்பது அவர்களின் முழு ஆளுமை திறனை வளர்த்து கொண்டு வரத் தான். கொலு வைப்பதன் மூலம் ஒரு பெண் குழந்தைக்கு தேவையான நல்ஒழுக்கம், பண்பு, பணிவு, ஆன்மிக வாழ்க்கை நெறி, உழைப்பு, ஆளுமை, கட்டுப்பாடு, கலாசாரம் போன்றவற்றை புரிய வைக்கிறோம்.

கல்வியும், ஆளுமையும் அவசியம் :

பெண் குழந்தைகளுக்கு நல்வழியை சிறந்த கல்வி மூலம் எளிதாக தந்து விடலாம். அவர்களை சரியான பாதையில் கால் பதிக்க வைத்து, அவர்களுடன் கை கோர்த்து, அவர்கள் பயணிக்கும் பாதையை பெற்றோர் உருவாக்கி கொடுக்க வேண்டும். செல்லும் பாதையை செம்மைப்படுத்தி, வழித்தடங்களில் இருக்கும் கரடுமுரடுகளையும், முட்புதர்களையும் அகற்றி விட்டாலே போதும். சிறந்த இலக்கை அடையும் சக்தி பெண் குழந்தைகளிடம் உள்ளது.நரியோடு தான் வாழ்க்கை எனில் ஊளையிட கற்று கொடுக்க வேண்டும்... பருந்துடன் தான் வாழ்க்கை எனில் அதை விட ஒரு சிறந்த உயரத்தை அடைய கற்று கொடுக்க வேண்டும். எந்த வித கேள்விகளுக்கும் அவளாகவே ஒரு சிறந்த திறன் மிக்க பதிலை தேர்ந்தெடுத்து... எந்தவித சூழ்நிலை சிக்கிலிலிருந்தும் சிறப்பாக ெவளிவந்து வெற்றி வாகை சூடும் ஒரு சிறந்த சமூக சிந்தனையுடன் கூடிய கல்வி அவர்களுக்கு வழங்கப்பட வேண்டும். கல்வியில், வழிகாட்டுதலில் பயிற்றுவிப்பதில் கஷ்டப்படுத்தாத சிறந்த வழிமுறைகளை கற்று கொடுக்க வேண்டும். கல்வி தான் சிறந்த பாதுகாப்பை பெண் குழந்தைகளுக்கு தரும்.

பெண் குழந்தைகளின் பாதுகாப்பு:

பொதுவாக பெண் குழந்தைகள் எல்லாவித சூழ்நிலையையும் புரிந்து கொள்ளும் பக்குவத்தை அறிய வைப்பது நல்லது. ஆறுதல் தரும், சுகமான இளைப்பாறும் மடியை யார் மூலம் பெறுவது என உறுதிபட சொல்லி தெரிய வைக்க வேண்டும். அந்த இடம் தான் தன் கோபதாபங்களையும், விருப்பு வெறுப்புகளையும் ெவளிப்படுத்தும் இடமாக வைத்து கொள்ள கற்று கொடுக்க வேண்டும். அந்த இடம்... அந்த மடி... ஒரு தாயாகவோ... தந்தையாகவோ... சிறந்த நண்பராகவோ... உண்மையான பண்பான நபராகவோ இருக்க வேண்டும் என சொல்லி கொடுக்க வேண்டும். அந்த நேரத்தில் தான் போலி எது? அசலுடன் கூடிய உண்மை எது? என அறிந்து புதை மணலில் சிக்காமல் தீர்க்கமாக முடிவு எடுக்கும் வகையில் பெண் குழந்தைகளை தயார் செய்ய முடியும்.

அடிப்படை வசதிகள் தேவை:

கல்விக்கூடங்களில் பெண் குழந்தைகளுக்கு அளிக்கப்படும் ஒவ்வொரு அடிப்படை வசதிகளும் தேவைகளும், அரசு தரும் வெற்று இலவசங்களை விட முக்கியமான தேவை. அதை அரசுகள் புறக்கணிக்க கூடாது.வெறும் கவர்ச்சி மற்றும் அழகுப்பதுமைகளாக பெண் குழந்தைகளை காட்டாமல் தோல்வி கண்டாலும் அதை எதிர்த்து போரிடும் குணத்தை கற்று கொடுக்க வேண்டும். பெண் குழந்தைகளை பல வித பொறுப்புகளுக்கு ஒரு சிறந்த உதாரணமாக திகழ வைக்க முடியும். மகாராணியாகவும், சிறந்த நாயகியாகவும் தன்னை தானே செதுக்கி கொண்டு ஒரு குடும்பத்தையும், ஒரு பாரம்பரியத்தையும், ஒரு சமூகத்தையும் அவள் ஒருவரால் மட்டும் துாக்கி வைத்து போற்ற முடியும். அதை நாம் ஊக்குவிக்க வேண்டும்.பெண் குழந்தைகள் அழகுப் பதுமைகள் அல்ல... அறிவின் ஜோதிகள். ஊக்குவிப்போம். நல்திசை காட்டுவோம். நல்வழி நடத்துவோம்.

எம்.டி.விஜயலட்சுமி,
குடும்ப நல கவுன்சிலர்,
மதுரை

யினியவன் wrote:

ஜாஹீதாபானு wrote:
அப்படினா நாக்கு தவறமாட்டிங்க....

அம்மாவுக்கே வெளிச்சம்.

மேற்கோள் செய்த பதிவு: 1095170
நாக்கு யாருக்குமே தவறாது பானு

மேற்கோள் செய்த பதிவு: 1095173



உங்ககிட்ட பேச முடியலண்ணா

ஜாஹீதாபானு wrote:


உங்ககிட்ட பேச முடியலண்ணா

மேற்கோள் செய்த பதிவு: 1095178
ஏன் பானு நாக்கு தவறிடிச்சா? அதான் யாருக்கும் தவறாதுன்னு சொன்னனே

யினியவன் wrote:

ஜாஹீதாபானு wrote:


உங்ககிட்ட பேச முடியலண்ணா

மேற்கோள் செய்த பதிவு: 1095178
ஏன் பானு நாக்கு தவறிடிச்சா? அதான் யாருக்கும் தவறாதுன்னு சொன்னனே

மேற்கோள் செய்த பதிவு: 1095181

முடியலேன்னு அழுதா எப்படி - நல்ல நாட்டு மருத்துவர் ஒருத்தர் இருக்கார் அவர்கிட்ட காமிச்சா - சரி ஆயிடும்

தகவல் தொழிநுட்ப உலகின் இணைப்பில் மானிட உலகம் முன் எப்போதும் இல்லாத முன்னேற்றங்களை அடைந்து வருகிறது. பழைமைகள் பின்னுக்குத் தள்ளப் பட்டு புதுமைகளை உடனே சுவீகரிக்கும் வேகம் எல்லாத் தரப்பு மக்களின் வேட்கையாக உள்ளது...

இந்தச் சூழலில், நவீன உலகில் கொண்டாட்டங்களுக்கும் குதூகலத்திற்கும் குறைவில்லாத நிலை உள்ளபோதும் சமுதாய நலன் கருதி ஐ.நா.சபை பல்வேறு தினங்களைக் கொண்டாட வலியுறுத்தி வருகிறது.அந்த அளவில், இன்று `உலகப் பெண்குழந்தைகள் தினம்` எல்லா நாடுகளிலும் கொண்டாடப்பட்டு வருகிறது.

பெண்களுக்கே இரண்டு தினங்கள் கொண்டாட்டப்படுகிறது. ஒன்று, ஆண்டுதோறும் மார்ச் 8 ஆம் தேதியில் கொண்டாடப்படும் உலகப் பெண்கள் தினம். இன்னொன்று இன்றைய (09.10.2014) தினக் கொண்டாட்டமான `உலகப் பெண்குழந்தைகள் தினம்`. இந்த இரண்டு கொண்டாட்டமும் பெண்களுக்கு அளிக்கப்படவேண்டிய முக்கியத்துவத்தை உலகிற்கு எடுத்துக் காட்டும் ஒன்றாக உள்ளது என்றால் அது மிகையில்லை. ஏனெனில் அந்த அளவிற்கு சமூக விழிப்பு அவசியமாக உள்ளது என்பதை யாரும் மறுக்க முடியாது.

இன்றைய நவீன உலகிலும் பெண் குழந்தைகளுக்கு கல்வி உள்ளிட்ட உரிமைகள் மறுக்கப்படுவது அநீதி. எனவேதான் பெண் குழந்தைகளின் உரிமைகளை நிலைநாட்டவும், அவர்களின் சாதனைகளை அங்கீகரிக்கும் விதமாகவும், 2011 டிச., 19ம் தேதி ஐ.நா, சபை ஒரு தீர்மானத்தை நிறைவேற்றியது. அதன்படி, அக்., 11ம் தேதி சர்வதேச பெண் குழந்தைகள் தினமாகக் கொண்டாட முடிவு செய்து அறிவித்தது.
இந்த ஆண்டின் மையக் கருத்து, "பெண் கல்விக்கு முக்கியத்துவம் அளித்தல்" என்பதே.

பெண் குழந்தைகள் கல்வி கற்பதன் மூலம், அவர்கள் மட்டுமல்லாமல் சமூகமும் முன்னேறும். இந்த கருத்தைத்தான் மகாகவி பாரதியார், புரட்சிக் கவிஞர் பாரதிதாசன் உள்ளிட்ட எல்லோரும் தங்களது படைப்புகளில் எழுதி உள்ளனர் என்பது நாம் அறிந்த செய்தி. இருப்பினும் நமது நாட்டில்,இருபது ஆண்டுகளுக்கு முன்பு வரை , பெண் குழந்தைகளுக்குக் கல்வி என்பது மறுக்கப்பட்ட ஒன்றாக, மறைக்கப் பட்ட ஒன்றாக இருந்தது. இப்போது மெல்ல மெல்ல இந்த நிலை தகர்ந்து, இன்று மாணவிகளும் கல்வி பெறுகின்றார்கள்.

இருப்பினும் இன்றும் சில நாடுகளில் பெண் குழந்தைகளுக்கு கல்வி உரிமை மறுக்கப்படுகிறது. அவர்கள் பள்ளி செல்வதற்கு அனுமதிக்கப்படுவதில்லை. இதற்கு வருமானம், பாதுகாப்பு, கலாசாரம், கல்வி நிறுவனம் ஆகியவையே காரணமாகத் தெரிய வந்துள்ளது.

இதற்கு தீர்வாக ஐக்கிய நாடுகள் சபைத் தரும் முடிவுகள்:

பெண் குழந்தைகள் அதிகளவில் கல்வி பெறுவதற்கு, அனைத்து நாடுகளும் நடவடிக்கை எடுக்க வேண்டும்

பெண் குழந்தைகள் பள்ளிக்கு செல்வதற்கு தேவையான, போக்குவரத்து வசதிகளை ஏற்படுத்துதல். படிக்கும் குழந்தைகளுக்கு வங்கிகள் மூலம் உதவித்தொகை வழங்குதல்.

பெண் குழந்தைகளுக்கும் தொழில்நுட்ப கல்வி கிடைப்பதை உறுதி செய்ய வேண்டும். படிப்பை முடிக்கும் மாணவிகளுக்கு வேலைவாய்ப்பு பயிற்சி அளித்தல்.

பாலின சமத்துவத்தை வலியுறுத்துவது, குழந்தை திருமணத்தை அறவே ஒழிப்பது, குடும்பங்களில் மாணவர்களுக்கு சமமாக மாணவிகளுக்கும் அனைத்து சலுகைகள் வழங்குதல்.

தொழில்நுட்ப கல்வி , கிராமப்புற மாணவிகளுக்கும் கிடைப்பதை உறுதி செய்தல். ஆகிய தீர்வுகளை ஆளும் அரசுகள் தொய்வின்றி நடைமுறைப் படுத்தினால் நாளைய உலகம் பெண்களின் கையில்... நாளைய உலகம் பெண்களையும் நம்பி இயங்கும் என்பதில் சந்தேகம் இல்லை..

உலகப் பெண்குழந்தைகளுக்கு இனிய வாழ்த்துக்கள்!!!

- தேவராஜன்

யினியவன் wrote:

ஜாஹீதாபானு wrote:போன மாசத்துக்கும் இந்த மாசத்துக்கும் சேர்த்து சொல்லுங்க

மேற்கோள் செய்த பதிவு: 1095163
நம்ம வாக்கு சுத்தம் பானு - பல்லு விளக்கிட்டு தான் சொல்றது வழக்கம்

என்ன சொல்லணும் ன்னு சொல்லுங்க அப்படியே சுத்தமா சொல்லிடறேன்

போன மாசம் தான் பானு - அம்மா 11 மாதக் குழந்தையாம் அதான் ஒரு மாசம் கழித்து சொல்லி இருக்காங்க            

ஜாஹீதாபானு wrote:பெண் குழந்தைகள் தினம் 11/9/14 அல்லது 11/10/14 ?

இதில் எது நிஜம்

இரண்டு பேருக்குக்கும் சொல்கிறேன் இது இன்று தான்.............இதோ இந்த லிங்க் இல் போய் பாருங்கள்......தினமலரில் போட்டிருக்காங்க.......................

http://www.dinamalar.com/photogallery_detail.asp?id=102&nid=274481&cat=Wrapper#.VDkyS_mSy1E

+

மற்றும் ஒரு லிங்க் : வந்தாள் மகாலட்சுமியே...! இன்று சர்வதேச பெண் குழந்தைகள் தினம்

போச்சுடா................ நேசன்...........இது 3வது பதிவு....இணைத்து விடுகிறேன்

3 பேர் திரி துவங்கி இருக்கோம் பாருங்கள் இனியவன்..................என் மண்டையை உருட்டுகிறார்கள் இங்கு......இன்றா போன மாதமா என்று...........

பெண் குழந்தை பிறக்கும் ஒவ்வொரு தினமும் நல்ல நாளேம்மா