மலேசியா, புக்கிட் பிந்தாங் குண்டுவெடிப்பு: ஒருவர் மரணம், 14 பேர் படுகாயம்!

**சிவா** · **சிவா** Thu Oct 09, 2014 5:39 pm

இன்று அதிகாலை நடந்த புக்கிட் பிந்தாங் குண்டு வெடிப்பு சம்பவத்தில் காயமடைந்த 14 பேரில், ஒருவர் உயிரிழந்தார்.

படுகாயமடைந்த தியாங் குவாங் யி (வயது 36) என்ற கார் நிறுத்தும் உதவியாளர் (கார் ஜாக்கி) தீவிர சிகிச்சைப் பிரிவில் வைக்கப்பட்டிருந்தார். எனினும் சிகிச்சை பலனின்றி அவர் மரணமடைந்ததாக புலனாய்வுத்துறையின் மூத்த துணை ஆணையர் கான் கோங் மெங் தெரிவித்துள்ளார்.

இந்நிலையில் இந்த சம்பவத்தில் காயமடைந்த இரண்டு சீன நாட்டவர்கள், இரண்டு சிங்கப்பூரர்கள் மற்றும் தாய்லாந்தைச் சேர்ந்த ஒருவர் உள்ளிட்ட 13 பேருக்கு கோலாலம்பூர் பொது மருத்துவமனையில் சிகிச்சை அளிக்கப்பட்டு வருகின்றது.

இந்த குண்டு வெடிப்பு சம்பவத்தில், அங்கு மதுபான விடுதி ஒன்றின் வெளியே நிறுத்தி வைக்கப்பட்டிருந்த 4 கார்கள் சேதமடைந்ததாக காவல்துறை அறிவித்துள்ளது.

அந்தப் பகுதியிலுள்ள கட்டிடம் ஒன்றின் இரண்டாவது மாடியில் இருந்து வீசப்பட்ட இரண்டு கையெறி குண்டுகளில் ஒன்று வெடித்தது என்றும், மற்றொன்று செயலிழந்தது என்றும் காவல்துறை தெரிவித்துள்ளது.

குண்டு வெடிப்புக்குக் காரணமானவர்கள் தண்டிக்கப்படுவர்: நஜிப்

பிரதமர் நஜிப் அப்துல் ரசாக், இன்று அதிகாலை புக்கிட் பிந்தாங்கில் நிகழ்ந்த குண்டுவெடிப்புச் சம்பவத்தைக் கண்டித்துள்ளார்.

“இன்று காலை நிகழ்ந்த வன்செயலைக் கடுமையாகக் கண்டிக்கிறேன்.

“இப்படிப்பட்ட சட்டவிரோதச் செயல்களைப் பொறுப்பதற்கில்லை.

“இதற்குக் காரணமானவர்கள் கண்டுபிடிக்கப்பட்டு தண்டிக்கப்படுவர்”, என்றாரவர்.

குண்டர் கும்பல்களின் சண்டைதான் சன் கொம்ப்ளெக்சில் நிகழ்ந்த குண்டு வெடிப்புக்குக் காரணம் என போலீசார் நம்புவதாக தெரிகிறது.

பாலாஜி · பாலாஜி Thu Oct 09, 2014 5:48 pm

எங்கு பார்த்தாலும் குண்டுவெடிப்பு ... எதை நிருப்பிக்க இதை போல செய்கின்றனர்.

**krishnaamma** · **krishnaamma** Thu Oct 09, 2014 6:51 pm

Sponsored content · Sponsored content

மலேசியா, புக்கிட் பிந்தாங் குண்டுவெடிப்பு: ஒருவர் மரணம், 14 பேர் படுகாயம்!

மலேசியா, புக்கிட் பிந்தாங் குண்டுவெடிப்பு: ஒருவர் மரணம், 14 பேர் படுகாயம்!

Re: மலேசியா, புக்கிட் பிந்தாங் குண்டுவெடிப்பு: ஒருவர் மரணம், 14 பேர் படுகாயம்!

Re: மலேசியா, புக்கிட் பிந்தாங் குண்டுவெடிப்பு: ஒருவர் மரணம், 14 பேர் படுகாயம்!

Re: மலேசியா, புக்கிட் பிந்தாங் குண்டுவெடிப்பு: ஒருவர் மரணம், 14 பேர் படுகாயம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக