ஐக்.யூ கேள்விகள்

**தமிழ்நேசன்1981** · 21/11/2010

First topic message reminder :

சாக்லேட் வியாபாரி ஒருவர் பைக்கு 60 சாக்லேட்டுகள் வீதம் இரண்டு பைகளை எடுத்துக்கொண்டு போகிறார். போகும் வழியில் 60 டோல்கேட்டுகள் இருக்கின்றன. பைக்கு ஒன்று வீதம் ஒவ்வொரு டோல்கேட்டுக்கும் ஒரு சாக்லேட் லஞ்சம் கொடுத்தாக வேண்டும் என்றால் கடைசியில் அவரிடம் எத்தனை சாக்லேட்டுகள் மிஞ்சும்?

உங்களிடம் எந்த வித்தியாசமும் இல்லாமல் ஒரே மாதிரி டிசைனில் 9 மோதிரங்கள்உள்ளன. ஒரே ஒரு மோதிரத்தைத் தவிர, மற்ற மோதிரங்கள் சம எடை உடையவை. இப்போது உங்களிடம் ஒரு தராசு தரப்படுகிறது. எந்தவிதஎடைக் கற்களும் கிடையாது. தராசை இரண்டே தடவைதான் பயன்படுத்த வேண்டும். ஆனால், எடை குறைவான அந்த மோதிரம் எது என்பதைக் கண்டுபிடிக்க வேண்டும். முடியுமா?

ஓர் அறையில் ஆறு நாற்காலிகள் ஒன்றின் மீது ஒன்றாக அடுக்கப்பட்டு இருந்தன. 25 வயது உடைய மூன்று பேரும், 45 வயது உடைய மூன்று பேரும் அறைக்குள் நுழைந்தார்கள். இப்போது ஆறு பேரும் அமர வேண்டும் என்றால், அடுக்கப்பட்டதில் இருந்து எத்தனை நாற்காலிகளை எடுக்க வேண்டும்?

7 ஆடுகள் 7 கட்டுப் புற்களை 7 நாட்களில் சாப்பிடும் என்றால், ஒரு ஆடு ஒரு கட்டுப் புல்லை எத்தனை நாட்களில் சாப்பிடும்?

ராஜா கடற்கரை நோக்கிச் சென்று கொண்டு இருந்தான். அவன் இடது பக்கத்தில் சூரியன் உதித்தது என்றால், அவன் எந்தத் திசை நோக்கிச் சென்றான்?

ஒரு வரிசையில் 12 தூண்கள் உள்ளன. ஒரு தூணுக்கும் அடுத்த தூணுக்கும் இடையில் உள்ள தூரம் 10 மீட்டர் என்றால், முதலாம் தூணுக்கும் கடைசித் தூணுக்கும் இடையேயான தூரம் எத்தனை மீட்டர்?

யினியவன் · யினியவன் Fri Sep 26, 2014 8:56 pm

மூலைக்கு மூலை மூளைப்பா புன்னகை

**தமிழ்நேசன்1981** · 21/11/2010

பிஜிராமன் wrote:
ஒரு வட்டவடிவ அரங்கில் கண்காட்சி நடந்தது.அங்கே ஒரு காவலாளி, ஒரு மேலதிகாரி, ஒரு எலக்ட்ரீசியன் இருந்தனர். சற்று நேரத்தில் வைரநகை ஒன்று காணாமல் போனது..காவல்துறையினர் வந்து விசாரித்தனர். நான் வெளியே நின்றிருந்தேன் எனக்கு ஒன்றும் தெரியாது..என்று காவலாளி கூறினார்..நான் கணக்கு பார்த்துகொண்டிருந்தேன் எனக்கும் ஒன்றும் தெரியாது என்று மேலதிகாரி கூறினார்..நான் என் வேலையை முடித்துவிட்டு மூலையில் படுத்திருந்தேன் எனக்கும் ஒன்றும் தெரியாது என்று எலக்ட்ரீசியன் கூறினார். சில நொடிகள் யோசித்த காவல்துறை அதிகாரி.... நீ..பொய் சொல்கிறாய்..நீயே திருடன் என்று கூறி எலக்ட்ரீசியனை பிடித்து விசாரிக்க..அவரும் உண்மையை ஒப்புக்கொண்டார்..

எலக்ட்ரீசியன்தான் திருடன் என்பதை அவர் எவ்வாறு கண்டுபிடித்தார்..

வட்ட வடிவ அரங்கில் ஏது மூலை.
பொய் சொன்ன ஏலேக்ட்ரிசியன் எ திருடன்

மேற்கோள் செய்த பதிவு: 1091112

சூப்பருங்க

**தமிழ்நேசன்1981** · 21/11/2010

ரஞ்சனின் அப்பா, வேடிக்கையான புதிர்கள் போடுவதில் வல்லவர். அவர் ஒரு மலையாளி. ரஞ்சனின் அம்மா தமிழர், ஒருநாள் சாப்பாட்டு நேரத்தில், ரஞ்சனிடம் குறும்பாக ஒரு புதிர் போட்டார். ''இந்த SIR- க்கு இல்லாத சிறப்பை உன் அம்மாவான MADAM பெறுகிறார். அம்மாவின் தமிழுக்கு இல்லாத சிறப்பை என் MALAYALAM பெறுகிறது. எந்த வகையில்?'' என்று கேட்டார்.

ரஞ்சன் யோசித்தான். நீங்கள் சொல்லுங்கள் பார்க்கலாம்.

யினியவன் · யினியவன் Fri Sep 26, 2014 9:14 pm

விகடகவி போன்று ஆங்கிலத்தில் மலையாளம்

யினியவன் · யினியவன் Fri Sep 26, 2014 9:15 pm

ஆங்கிலத்தில் மேடமும் அப்படியே

**krishnaamma** · **krishnaamma** Fri Sep 26, 2014 9:17 pm

இரண்டு வார்த்தகளையும் திருப்பிபடித்தாலும் அப்படியே இருக்கும் புன்னகை

MADAM MALAYALAM

**தமிழ்நேசன்1981** · 21/11/2010

யினியவன் wrote:விகடகவி போன்று ஆங்கிலத்தில் மலையாளம்

மேற்கோள் செய்த பதிவு: 1091124

யினியவன் wrote:ஆங்கிலத்தில் மேடமும் அப்படியே

மேற்கோள் செய்த பதிவு: 1091125

சரியான பதில் சூப்பருங்க

**பிஜிராமன்** · **பிஜிராமன்** Fri Sep 26, 2014 9:26 pm

இனி அண்ணா விற்கும்
அம்மா விற்கும் வாழ்த்துகள்

தமிழ் நேசன் அவர்களுக்கு நன்றிகள்

**தமிழ்நேசன்1981** · 21/11/2010

krishnaamma wrote:இரண்டு வார்த்தகளையும் திருப்பிபடித்தாலும் அப்படியே இருக்கும் MADAM MALAYALAM

மேற்கோள் செய்த பதிவு: 1091126
சூப்பருங்க

**தமிழ்நேசன்1981** · 21/11/2010

அந்த ஊர் ஆற்றைக் கடக்க, ஒரே ஒரு பரிசல்தான் இருந்தது. அதை ஓட்டும் மருது, ஏடாகூடம் பிடித்த ஆள். காலில் காயம்பட்ட நாய்க்குட்டியைத் தூக்கிக்கொண்டு, ஆற்றங்கரைக்கு ஓடிவந்தான் ராகவன். பரிசல் ஓட்டுபவரிடம், ''அண்ணே, அந்தக் கரையில் நிற்கும் மருத்துவரிடம் என் நாய்க்கு மருத்துவம் பார்க்கணும்'' என்றான்.

ஏற்கெனவே ஒரு சிறுமியுடன் அங்கே நின்றிருந்த ஒரு பெண், ''என் வீடு அந்தக் கரையில்தான் இருக்கு. அங்கே போக இவர், நிறைய கண்டிஷன்கள் போடுகிறார். அங்கே போய்விட்டு திரும்பி வரும்போது, யாராவது சவாரியோடுதான் வருவாராம். உடனே ஆள் கிடைக்கலைனா, ஒரு சவாரிக் காசை சேர்த்துத் தரணுமாம். குழந்தைங்க ஏறினால், நான்கில் ஒரு பங்கு கொடுத்தால் போதுமாம். ஒரே சமயத்தில் ரெண்டு பேருக்கு மேலே ஏறவும் கூடாதாம்.'' என்று பொரிந்துதள்ளினாள்.

சிறிது யோசித்த ராகவன், தனது திட்டத்தை அந்தப் பெண்ணிடம் சொல்ல, அவள் சம்மதித்தாள். ராகவன் யோசனைப்படி அவர்கள் கரையைக் கடந்தார்கள். அது எப்படி?

Sponsored content · Sponsored content

ஐக்.யூ கேள்விகள்

ஐக்.யூ கேள்விகள்

Re: ஐக்.யூ கேள்விகள்

Re: ஐக்.யூ கேள்விகள்

Re: ஐக்.யூ கேள்விகள்

Re: ஐக்.யூ கேள்விகள்

Re: ஐக்.யூ கேள்விகள்

Re: ஐக்.யூ கேள்விகள்

Re: ஐக்.யூ கேள்விகள்

Re: ஐக்.யூ கேள்விகள்

Re: ஐக்.யூ கேள்விகள்

Re: ஐக்.யூ கேள்விகள்

Re: ஐக்.யூ கேள்விகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக