பச்சடி வகைகள் - தக்காளி பச்சடி !

**krishnaamma** · **krishnaamma** Wed Sep 03, 2014 9:37 pm

First topic message reminder :

நமக்கு ரொம்ப பழக்கமான பச்சடி வகைகளை இங்கு பார்ப்போம்.

'டாங்கர்'

இது ரொம்ப சுலபமான ஆனால் ருசியான பச்சடி.

தேவையானவை:

சிவக்க வறுத்து அரைத்த உளுத்தம் பொடி 1/2 கப்
திக்கான மோர் - ஒரு கப்
மோர் மிளகாய் வறுத்தது அல்லது வறுக்காதது எதானாலும் பரவாஇல்லை 4- 6
உப்பு - தேவையான அளவு.

செய்முறை:

மோர் மிளகாய் யை கிள்ளி போட்டு, மேலே சொன்ன எல்லாவற்றையும் ஒரு பாத்திரத்தில் போட்டு கரைக்கவும்.
வேண்டுமானால் தண்ணீர் விடவும்.
அவ்வளவுதான் 'டாங்கர் பச்சடி' தயார் புன்னகை

எல்லா காரமான துவயல்களுக்கும் , கூட்டுக்கும் இது ரொம்ப நல்லா இருக்கும்.
நாங்க இதில் சாதம் போட்டுக் கூட சாப்பிட்டுவிடுவோம்.
ரொம்ப அருமையாக இருக்கும் .

**krishnaamma** · **krishnaamma** Wed Nov 28, 2018 12:40 pm

நார்த்தங்காய் பச்சடி !

தேவையானவை:

நாரத்தை 1 (பொடியாக நறுக்கியது)

உப்பு – தேவைக்கேற்ப

புளி – நெல்லிக்காய் அளவு

மஞ்சள்தூள் 1/2டீஸ்பூன்

துருவிய வெல்லம் – 1/4கப்

கடுகு – 1/4டீஸ்பூன்

நறுக்கிய பச்சைமிளகாய் – 3

வெந்தய பொடி 1 /4 டீ ஸ்பூன்

மிளகாய் பொடி 1 /4 டீ ஸ்பூன்

எண்ணெய் – 2 டேபிள் ஸ்பூன்

செய்முறை:

வாணலி இல் எண்ணெய்விட்டு கடுகு, பச்சைமிளகாய் தாளித்து, புளிக்கரைசலில் சேர்க்கவும்.

அத்துடன், பொடியாக நறுக்கிய நாரத்தங்காய்,மஞ்சள் பொடி சேர்க்கவும்.

நார்த்தங்காய் நன்கு வெந்ததும், உப்பு வெல்லம் சேர்க்கவும்.

எல்லாமாக சேர்ந்துகொண்டு வரும்போது, கொஞ்சம் வெந்தய பொடி மற்றும் மிளகாய் பொடி போடவும்.

இன்னும் கொதித்து இறுகினதும், இறக்கவும்.

குறிப்பு: புளி கரைசலுக்கு பதிலாக ஒரு வேளை நீங்கள் புளி பேஸ்ட் உபயோகித்தால், கொஞ்சம் தண்ணீர் சேர்த்துக்கொள்ளுங்கள். அப்போது தான் நாரத்தங்காய் வேகும்.

**krishnaamma** · **krishnaamma** Wed Nov 28, 2018 12:46 pm

காரட் பச்சடி !

தேவையானவை :

2 காரட் - அலம்பி துடைத்து தோல் சீவி துருவவும்.
2 கப் குழப்பின கெட்டி தயிர்
1 டேபிள் ஸ்பூன் பொடியாக நறுக்கின கொத்துமல்லி தழை
இரண்டு பச்சை மிளகாய் - பொடியாக நறுக்கவும்
உப்பு

தாளிக்க :

அரை ஸ்பூன் கடுகு
ஒரு சிட்டிகை பெருங்காயம்
அரை ஸ்பூன் எண்ணெய்

செய்முறை :

ஒரு பேசினில் , துருவிய காரட், தயிர், கொத்துமல்லி தழை , பச்சை மிளகாய், உப்பு என்று எல்லாவற்றையும் ஒன்றாக போட்டு கலக்கவும்.
தாளிக்க கொடுத்ததை தாளித்து இதன் மேல் கொட்டவும்.
அவ்வளவுதான், சுவையான காரட் பச்சடி ரெடி.
எல்லா துவையல் சாதத்திற்கும் இது நன்றாக இருக்கும்.

குறிப்பு: சிலர் காரட்டை துருவாமல் மிகவும் சிறியதாக நறுக்கியும் செய்வார்கள்.

**krishnaamma** · **krishnaamma** Wed Nov 28, 2018 12:48 pm

பீட்ரூட் பச்சடி !

தேவையானவை :

2 பீட்ரூட் - அலம்பி துடைத்து தோல் சீவி துருவவும்.
2 கப் குழப்பின கெட்டி தயிர்
1 டேபிள் ஸ்பூன் பொடியாக நறுக்கின கொத்துமல்லி தழை
இரண்டு பச்சை மிளகாய் - பொடியாக நறுக்கவும்
உப்பு

தாளிக்க :

அரை ஸ்பூன் கடுகு
ஒரு சிட்டிகை பெருங்காயம்
அரை ஸ்பூன் எண்ணெய்

செய்முறை :

ஒரு பேசினில் , துருவிய பீட்ரூட், தயிர், கொத்துமல்லி தழை , பச்சை மிளகாய், உப்பு என்று எல்லாவற்றையும் ஒன்றாக போட்டு கலக்கவும்.
தாளிக்க கொடுத்ததை தாளித்து இதன் மேல் கொட்டவும்.
அவ்வளவுதான், சுவையான பீட்ரூட் பச்சடி ரெடி.
எல்லா துவையல் சாதத்திற்கும் இது நன்றாக இருக்கும்.
நல்ல கலராக இருப்பதால் குழந்தைகள் இதை பெரிதும் விரும்புவார்கள்.

குறிப்பு: சிலர் பீட்ரூட்டைத் துருவாமல் மிகவும் சிறியதாக நறுக்கியும் செய்வார்கள்.

**krishnaamma** · **krishnaamma** Wed Nov 28, 2018 12:54 pm

பூந்தி ராய்த்தா / பச்சடி !

தேவையானவை:

புளிக்காத கெட்டித்தயிர் – 1கப்
காரா பூந்தி –2கப்
உடைத்து வறுத்த வேர்க்கடலை – 2 டேபிள்ஸ்பூன்
நெய் இல் வறுத்த முந்திரிபருப்பு – 5 - 6 (உடைத்து வைத்துக் கொள்ளவும் )
பச்சைமிளகாய் – 2
சர்க்கரை – 1 டீஸ்பூன்
மல்லித்தழை – சிறிதளவு
உப்பு – தேவைக்கேற்ப

செய்முறை:

பச்சைமிளகாய், கொத்து மல்லித்தழை, சர்க்கரை எல்லாவற்றையும் மிக்ஸியில் விழுதாக அரைக்கவும்.
அரைத்த விழுதுடன், வறுத்துப் பொடித்த வேர்க்கடலை, உப்பு சேர்த்துத் தயிருடன் கலக்கவும்.
பரிமாறுவதற்கு சிறிது நேரத்திற்கு முன்பு, பூந்தி யைத் தயிருடன் கலந்து மேலே முந்திரி தூவி பரிமாறவும்.

**krishnaamma** · **krishnaamma** Wed Nov 28, 2018 1:00 pm

வெங்காயப் பச்சடி !
தேவையானவை :

2 வெங்காயம்  - பொடியாக நறுக்கி வைக்கவும்
2 கப் குழப்பின கெட்டி தயிர்
1 டேபிள் ஸ்பூன் பொடியாக நறுக்கின கொத்துமல்லி தழை
இரண்டு பச்சை மிளகாய் - பொடியாக நறுக்கவும்
உப்பு

தாளிக்க :
அரை ஸ்பூன் கடுகு
ஒரு சிட்டிகை பெருங்காயம்
அரை ஸ்பூன் எண்ணெய்

செய்முறை :

தாளிக்க கொடுத்ததை தாளித்து, அத்துடன் பச்சைமிளகாய் மற்றும் பொடியாக நறுக்கின வெங்காயத்தை போட்டு வதக்கவேண்டும்.
ஜஸ்ட் இரண்டு நிமிடங்கள் போதும் இறக்கிவிடவும்.
தயிர், கொத்துமல்லி தழை, உப்பு என்று எல்லாவற்றையும் ஒன்றாக போட்டு கலக்கவும்.
இதன் மேல் கொட்டவும்.
அவ்வளவுதான், சுவையான வெங்காயப் பச்சடி ரெடி.
எல்லா துவையல் சாதத்திற்கும் இது நன்றாக இருக்கும்.

குறிப்பு: சிலர் வெங்காயத்தை பச்சையாகவே நறுக்கி செய்வார்கள். அப்படி செய்யும்போது, சாப்பிட்டபின் வாய் நாற்றம் அடிக்கும். இதுவும் அப்படி ஆகும் என்றாலும், கொஞ்சம் குறைவாக உணரலாம்.

சூட்டுடன் வெங்காயத்தை தயிரில் போட்டால் நீர்த்துவிடும். ஒருவேளை மதியம் புலவுடன், வெங்காய பச்சடி வைக்க வேண்டும் என்றால், வெங்காயம் ஆறினதும், தயிர் மட்டும் விட்டு, உப்பு போடாமல் கொடுத்து அனுப்பவும். சாப்பிடும்போது உப்பை போட்டு கலந்து உபயோகிக்கட்டும்.

**krishnaamma** · **krishnaamma** Wed Nov 28, 2018 1:08 pm

ஜவ்வரிசி, வெங்காயப் பச்சடி !

தேவையானவை :

2 வெங்காயம்  - பொடியாக நறுக்கி வைக்கவும்
1 கப் ஜவ்வரிசி
2 கப் குழப்பின கெட்டி தயிர்
1 டேபிள் ஸ்பூன் பொடியாக நறுக்கின கொத்துமல்லி தழை
இரண்டு பச்சை மிளகாய் - பொடியாக நறுக்கவும்
உப்பு

தாளிக்க :

அரை ஸ்பூன் கடுகு
ஒரு சிட்டிகை பெருங்காயம்
இரண்டு ஸ்பூன் எண்ணெய்

செய்முறை :

வாணலி இல் எண்ணெய்விட்டு, கொஞ்சம் கொஞ்சமாய் ஜவ்வரிசியை பொறித்து எடுத்துக் கொள்ளவேண்டும்.
தயிர், கொத்துமல்லி தழை, உப்பு என்று எல்லாவற்றையும் ஒன்றாக போட்டு கலக்கவும்.
வறுத்த ஜவ்வரிசியை தயிரில் கொட்டவும்.
இப்போது, தாளிக்க கொடுத்ததை தாளித்து, அத்துடன் பச்சைமிளகாய் மற்றும் பொடியாக நறுக்கின வெங்காயத்தை போட்டு வதக்கவேண்டும்.
ஜஸ்ட் இரண்டு நிமிடங்கள் போதும் இறக்கிவிடவும்.
பரிமாறுவதற்கு முன், நன்றாக ஊறி உள்ள ஜவ்வரிசி பச்சடி மேல் கொட்டவும்.
நன்கு கலக்கி பரிமாறவும்.
அவ்வளவுதான், சுவையான ஜவ்வரிசி, வெங்காயப் பச்சடி ரெடி.
எல்லா துவையல் சாதத்திற்கும் இது நன்றாக இருக்கும்.

குறிப்பு: சூட்டுடன் வெங்காயத்தை தயிரில் போட்டால் நீர்த்துவிடும். அதனால் ஆறினதும் சேர்க்கவும் . அப்படி உடனே போடும் பட்ஷத்தில் கூட உள்ள ஜவ்வரிசி அந்த நீரை உறிஞ்சிவிடும். பச்சடி கெட்டியாக இருக்கும்.

**krishnaamma** · **krishnaamma** Wed Nov 28, 2018 1:15 pm

ஜவ்வரிசி பச்சடி !

தேவையானவை :

1 கப் ஜவ்வரிசி
2 கப் குழப்பின கெட்டி தயிர்
1 டேபிள் ஸ்பூன் பொடியாக நறுக்கின கொத்துமல்லி தழை
இரண்டு பச்சை மிளகாய் - பொடியாக நறுக்கவும்
உப்பு

தாளிக்க :
அரை ஸ்பூன் கடுகு
ஒரு சிட்டிகை பெருங்காயம்
இரண்டு ஸ்பூன் எண்ணெய்

செய்முறை :
வாணலி இல் எண்ணெய்விட்டு, கொஞ்சம் கொஞ்சமாய் ஜவ்வரிசியை பொறித்து எடுத்துக் கொள்ளவேண்டும்.
தயிர், கொத்துமல்லி தழை, உப்பு என்று எல்லாவற்றையும் ஒன்றாக போட்டு கலக்கவும்.
வறுத்த ஜவ்வரிசியை தயிரில் கொட்டவும்.
இப்போது, தாளிக்க கொடுத்ததை தாளித்து, அத்துடன் பச்சைமிளகாய் போட்டு தாளித்து பச்சடி மேல் கொட்டவும்.
அவ்வளவுதான், சுவையான ஜவ்வரிசி பச்சடி ரெடி.
எல்லா துவையல் சாதத்திற்கும் இது நன்றாக இருக்கும்.

**krishnaamma** · **krishnaamma** Wed Nov 28, 2018 1:18 pm

தக்காளி பச்சடி !

தேவையானவை :

2 தக்காளி - கெட்டியானதாகவும், பெங்களுர் தக்காளியாகவும் இருக்க வேண்டும்.
'திக்' ஆக குழப்பிய தயிர் - 1 cup
பச்சை மிளகாய் - 4 -6
இஞ்சி 2 -3 இன்ச் அளவு
கடுகு - 1/2 ஸ்பூன்
உளுத்தம்பருப்பு - 1/2 ஸ்பூன்
கொத்தமல்லித்தழை - சிறிதளவு
ஒரு சிட்டிகை பெருங்காயம்
எண்ணெய் - 1 ஸ்பூன்
உப்பு - தேவையான அளவு
கறிவேப்பிலை ஒரு ஆர்க்

செய்முறை:

பச்சைமிளகா, இஞ்சி,உப்பு சேர்த்து அரைக்கவும்.
அரைத்த விழுதுடன் தயிரைச் சேர்க்கவும்.
கொஞ்சமும் தண்ணீர் சேர்க்கவேண்டாம்.
பொடியாக நறுக்கின தக்காளியை அதில் போட்டு நன்கு கலக்கவும்.
வாணலியில் எண்ணெய் விட்டு கடுகு, உளுத்தம்பருப்பு, கறிவேப்பிலை, பெருங்காயம் போட்டு தாளித்து, தயிருடன் உள்ள விழுதில் கொட்டவும்.
அதனுடன் நறுக்கிய கொத்தமல்லித்தழை தூவி பரிமாறவும்.
எல்லா துவையலுக்கும் இது சுவையான சைடு டிஷ்.

ANUBAMA KARTHIK · ANUBAMA KARTHIK Sat Dec 01, 2018 11:59 pm

krishnaamma wrote:
மாங்காய் இஞ்சி பச்சடி!

தேவையானவை:

புளிப்பில்லாத தயிர் – 2கப்

நறுக்கிய மாங்காய் இஞ்சி – 11/2டீஸ்பூன்
மிகவும் நன்றாக இருந்தது அக்கா

தேங்காய்த் துருவல் – 4டேபிள்ஸ்பூன்

சீரகம் 1 /2 டீஸ்பூன்

கடுகு – 1/4டீஸ்பூன்

கொத்துமல்லி இலைகள் – சிறிதளவு.

பெருங்காயம், எண்ணெய், உப்பு – தேவைக்கேற்ப

செய்முறை:

தேங்காய், சீரகம், மாங்காய் இஞ்சி முதலியவற்றை விழுதாக அரைக்கவும்.

தயிரில் அரைத்தவிழுது, உப்பு போட்டுக் கலந்து, கடுகு, பெருங்காயம் தாளித்து கொத்துமல்லியைத் தூவி அலங்கரிக்கவும்.

மேற்கோள் செய்த பதிவு: ௧௨௮௭௩௮௨
மிகவும் நன்றாக இருந்தது

**பழ.முத்துராமலிங்கம்** · 27/09/2015

தக்காளி பச்சடி அருமை அம்மா...

Sponsored content · Sponsored content

பச்சடி வகைகள் - தக்காளி பச்சடி !

பச்சடி வகைகள் - தக்காளி பச்சடி !

நார்த்தங்காய் பச்சடி !

காரட் பச்சடி !

பீட்ரூட் பச்சடி !

பூந்தி ராய்த்தா / பச்சடி !

வெங்காயப் பச்சடி !

ஜவ்வரிசி, வெங்காயப் பச்சடி !

ஜவ்வரிசி பச்சடி !

தக்காளி பச்சடி !

Re: பச்சடி வகைகள் - தக்காளி பச்சடி !

Re: பச்சடி வகைகள் - தக்காளி பச்சடி !

Re: பச்சடி வகைகள் - தக்காளி பச்சடி !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக