பச்சடி வகைகள் - தக்காளி பச்சடி !

by **krishnaamma** Wed Sep 03, 2014 9:37 pm

நமக்கு ரொம்ப பழக்கமான பச்சடி வகைகளை இங்கு பார்ப்போம்.

'டாங்கர்'

இது ரொம்ப சுலபமான ஆனால் ருசியான பச்சடி.

தேவையானவை:

சிவக்க வறுத்து அரைத்த உளுத்தம் பொடி 1/2 கப்
திக்கான மோர் - ஒரு கப்
மோர் மிளகாய் வறுத்தது அல்லது வறுக்காதது எதானாலும் பரவாஇல்லை 4- 6
உப்பு - தேவையான அளவு.

செய்முறை:

மோர் மிளகாய் யை கிள்ளி போட்டு, மேலே சொன்ன எல்லாவற்றையும் ஒரு பாத்திரத்தில் போட்டு கரைக்கவும்.
வேண்டுமானால் தண்ணீர் விடவும்.
அவ்வளவுதான் 'டாங்கர் பச்சடி' தயார் புன்னகை

எல்லா காரமான துவயல்களுக்கும் , கூட்டுக்கும் இது ரொம்ப நல்லா இருக்கும்.
நாங்க இதில் சாதம் போட்டுக் கூட சாப்பிட்டுவிடுவோம்.
ரொம்ப அருமையாக இருக்கும் .

by **krishnaamma** Wed Sep 03, 2014 9:48 pm

மாங்காய் பச்சடி, புது வருட பிறப்பு அன்று செய்வது வழக்கம். அறு சுவை பச்சடி அது. அறு சுவைகள்: இனிப்பு, கசப்பு, காரம், உப்பு, துவர்ப்பு மற்றும் புளிப்பு. இவை அனைத்தும் இந்த பச்சடியில் உண்டு. இதை செய்வது மிகவும் சுபலம்.
1 ஸ்பூன் வேப்பம் பூ
4 ஸ்பூன் மாங்காய் துண்டுகள்
3 ஸ்பூன் வெல்லம்
1/2 ஸ்பூன் கடுகு
2 பச்சை மிளகாய்
1/2 ஸ்பூன் உப்பு
1 ஸ்பூன் நெய்

முதலில் வாணலியில் நெய் விட்டு கடுகு போட்டு, வெடித்ததும் பச்சை மிளகாய் போட்டு வதக்கவும்.

பிறகு வேப்பம் பூ போட்டு வதக்கவும். பிறகு மாங்காய் துண்டுகளை சேர்க்கவும்.

பிறகு 1 கப் தண்ணீர் விடவும். மாங்காய் துண்டுகள் வெந்ததும் வெல்லம் சேர்க்கவும்.

உப்பு போடவும். நன்றாக கொதித்ததும் இறக்கவும்.

அருமையான பச்சடி ரெடி.

என் வீட்டில் அனைவரும் இந்த பச்சடியை விரும்பி சாப்பிடுவதால் நான் மாங்காய் சீசனில்

நிறைய செய்வது வழக்கம். அப்பொழுது வேப்பம் பூ சேர்க்காமல், வெறும் மாங்காய் பச்சடி செய்வேன். குக்கரில் மாங்காயை செதுக்கி போட்டு, வேக வைக்கணும்.

பிறகு மிக்ஸியில் போட்டு ஓரு சுற்று ஓட்டணும். பிறகு வழக்கம் போல் பச்சடி செய்ய வேண்டியது தான்.

அந்த சுவைக்கு "சொத்தையே எழுதி வைக்லாம் போங்கள்". புன்னகை

by **krishnaamma** Wed Sep 03, 2014 9:54 pm

நெல்லிக்காய் பச்சடி

தேவையானவை :

பெரிய நெல்லிக்காய் - 5
'திக்' ஆக குழப்பிய தயிர் - 1 cup
பச்சை மிளகாய் - 2 - 4
தேங்காய் துருவல் - ஒரு மேஜைக்கரண்டி
இஞ்சி 1 இன்ச் அளவு
கடுகு - 1/2 ஸ்பூன்
உளுத்தம்பருப்பு - 1/2 ஸ்பூன்
கறிவேப்பிலை - சிறிதளவு
கொத்தமல்லித்தழை - சிறிதளவு
எண்ணெய் - 1 ஸ்பூன்
உப்பு - தேவையான அளவு

செய்முறை:

நெல்லிக்காயை நறுக்கிக்கொள்ளவும்.
பச்சைமிளகா, இஞ்சி,உப்பு , தேங்காய் சேர்த்து அரைக்கவும்.
அரைத்த விழுதுடன் தயிரைச் சேர்க்கவும்.
வாணலியில் எண்ணெய் விட்டு கடுகு, உளுத்தம்பருப்பு, கறிவேப்பிலை போட்டு தாளித்து, தயிருடன் உள்ள நெல்லிக்காய் விழுதில் கொட்டவும்.
அதனுடன் நறுக்கிய கொத்தமல்லித்தழை தூவி பரிமாறவும்.

by **krishnaamma** Wed Sep 03, 2014 9:57 pm

தேங்காய் இஞ்சி பச்சடி

தேவையானவை :

'திக்' ஆக குழப்பிய தயிர் - 1 cup
பச்சை மிளகாய் - 4 -6
தேங்காய் துருவல் - 1 கப்
இஞ்சி 2 -3 இன்ச் அளவு
கடுகு - 1/2 ஸ்பூன்
உளுத்தம்பருப்பு - 1/2 ஸ்பூன்
கொத்தமல்லித்தழை - சிறிதளவு
எண்ணெய் - 1 ஸ்பூன்
உப்பு - தேவையான அளவு

செய்முறை:

பச்சைமிளகா, இஞ்சி,உப்பு , தேங்காய் சேர்த்து அரைக்கவும்.
அரைத்த விழுதுடன் தயிரைச் சேர்க்கவும்.
வாணலியில் எண்ணெய் விட்டு கடுகு, உளுத்தம்பருப்பு, கறிவேப்பிலை போட்டு தாளித்து, தயிருடன் உள்ள விழுதில் கொட்டவும்.
அதனுடன் நறுக்கிய கொத்தமல்லித்தழை தூவி பரிமாறவும்.
எல்லா துவையலுக்கும் இது சுவையான சைடு டிஷ்.
முக்கியமாய் 'ஸ்ரார்த துவையலுக்கு; ரொம்ப நல்லா இருக்கும். புன்னகை

by **தமிழ்நேசன்1981** Wed Sep 03, 2014 10:04 pm

by **krishnaamma** Thu Sep 04, 2014 8:28 pm

நன்றி நேசன் புன்னகை

by **krishnaamma** Mon Oct 01, 2018 10:20 am

வெள்ளரிக்காய் பச்சடி!

பச்சடி வகைகள் - தக்காளி பச்சடி ! 4c823610

தேவையானவை :

2 வெள்ளரிக்காய் - அலம்பி துடைத்து தோல் சீவி துருவவும்.
2 கப் குழப்பின கெட்டி தயிர்
1 டேபிள் ஸ்பூன் பொடியாக நறுக்கின கொத்துமல்லி தழை
இரண்டு பச்சை மிளகாய் - பொடியாக நறுக்கவும்
உப்பு

தாளிக்க :

அரை ஸ்பூன் கடுகு
ஒரு சிட்டிகை பெருங்காயம்
அரை ஸ்பூன் எண்ணெய்

செய்முறை :

ஒரு பேசினில் , துருவிய வெள்ளரிக்காய், தயிர், கொத்துமல்லி தழை , பச்சை மிளகாய், உப்பு என்று எல்லாவற்றையும் ஒன்றாக போட்டு கலக்கவும்.
தாளிக்க கொடுத்ததை தாளித்து இதன் மேல் கொட்டவும்.
அவ்வளவுதான், சுவையான வெள்ளரிக்காய் பச்சடி ரெடி.
எல்லா துவையல் சாதத்திற்கும் இது நன்றாக இருக்கும்.

குறிப்பு: சிலர் வெள்ளரிக்காயை துருவல் மிகவும் சிறியதாக நறுக்கியும் செய்வார்கள்.

by **krishnaamma** Mon Oct 01, 2018 10:30 am

வெள்ளரிக்காய் பச்சடி 2

தேவையானவை :

2 வெள்ளரிக்காய் - அலம்பி துடைத்து தோல் சீவி துருவவும்.
'திக்' ஆக குழப்பிய தயிர் - 1 cup
பச்சை மிளகாய் - 4 -6
தேங்காய் துருவல் - 1 கப்
இஞ்சி 2 -3 இன்ச் அளவு
கடுகு - 1/2 ஸ்பூன்
உளுத்தம்பருப்பு - 1/2 ஸ்பூன்
கொத்தமல்லித்தழை - சிறிதளவு
ஒரு சிட்டிகை பெருங்காயம்

எண்ணெய் - 1 ஸ்பூன்
உப்பு - தேவையான அளவு

செய்முறை:

பச்சைமிளகா, இஞ்சி,உப்பு , தேங்காய் சேர்த்து அரைக்கவும்.
அரைத்த விழுதுடன் தயிரைச் சேர்க்கவும்.
கொஞ்சமும் தண்ணீர் சேர்க்கவேண்டாம்.
துருவிய வெள்ளரிக்காயையும் அதில் போட்டு நன்கு கலக்கவும்.

வாணலியில் எண்ணெய் விட்டு கடுகு, உளுத்தம்பருப்பு, கறிவேப்பிலை, பெருங்காயம் போட்டு தாளித்து, தயிருடன் உள்ள விழுதில் கொட்டவும்.
அதனுடன் நறுக்கிய கொத்தமல்லித்தழை தூவி பரிமாறவும்.
எல்லா துவையலுக்கும் இது சுவையான சைடு டிஷ்.

by **krishnaamma** Wed Nov 28, 2018 11:01 am

விளாம்பழ பச்சடி !

தேவையானவை :

விளாம்பழம்- - 2
பொடியாக்கிய வெல்லம் – 3/4கப்
சுக்குப்பொடி – 1/2டீஸ்பூன்
கடுகு – 1/4டீஸ்பூன்
பச்சை மிளகாய் – 2
நெய் – 2டீஸ்பூன்
உப்பு – ஒருசிட்டிகை

செய்முறை:

விளாம்பழத்தை உடைத்து,ஓட்டிலிருந்து எடுத்து, கூழாக மசித்து வைக்கவும்.

வெல்லத்தை தூளாக்கி, கொஞ்சம் தண்ணீர்விட்டு அடுப்பில் வைக்கவும்.

வெல்லம் கரைந்ததும் வடிகட்டவும்.

மீண்டும் அடுப்பில் வைத்து, 'பிசு பிசு' பாகு வந்ததும், ( கையில் தொட்டால் ஓட்டவேண்டும், அது தான் பதம் புன்னகை

) மசித்து வைத்த விளாம்பழத்தை போட்டு கலக்கவும்.

உப்பு, சுக்குப்பொடி போட்டுக் கலக்கவும்.

அடுப்பிலிருந்து இறக்கவும்.

ஒரு சின்ன கடாய் அல்லது தாளிக்கும் கரண்டி இல், நெய்விட்டு கடுகு, பச்சைமிளகாய் தாளித்துக் கொட்டவும்.

அருமையான விளாம்பழ தித்திப்பு பச்சடி தயார் !

krishnaamma wrote:விளாம்பழ பச்சடி !

தேவையானவை :

விளாம்பழம்- - 2
பொடியாக்கிய வெல்லம் – 3/4கப்
சுக்குப்பொடி – 1/2டீஸ்பூன்
கடுகு – 1/4டீஸ்பூன்
பச்சை மிளகாய் – 2
நெய் – 2டீஸ்பூன்
உப்பு – ஒருசிட்டிகை

செய்முறை:

விளாம்பழத்தை உடைத்து,ஓட்டிலிருந்து எடுத்து, கூழாக மசித்து வைக்கவும்.

வெல்லத்தை தூளாக்கி, கொஞ்சம் தண்ணீர்விட்டு அடுப்பில் வைக்கவும்.

வெல்லம் கரைந்ததும் வடிகட்டவும்.

மீண்டும் அடுப்பில் வைத்து, 'பிசு பிசு' பாகு வந்ததும், ( கையில் தொட்டால் ஓட்டவேண்டும், அது தான் பதம் ) மசித்து வைத்த விளாம்பழத்தை போட்டு கலக்கவும்.

உப்பு, சுக்குப்பொடி போட்டுக் கலக்கவும்.

அடுப்பிலிருந்து இறக்கவும்.

ஒரு சின்ன கடாய் அல்லது தாளிக்கும் கரண்டி இல், நெய்விட்டு கடுகு, பச்சைமிளகாய் தாளித்துக் கொட்டவும்.

அருமையான விளாம்பழ தித்திப்பு பச்சடி தயார் !

மேற்கோள் செய்த பதிவு: 1287365
முதலில் இனிப்பில் தாளிப்பு தேவையா என்ற சந்தேகம் இருந்தது.
தித்திப்பு பச்சடி என்றவுடன் சந்தேகம் தெளிந்தது.
அருமை அம்மா

by **krishnaamma** Wed Nov 28, 2018 11:37 am

நெல்லிமுள்ளி பச்சடி !

தேவையாவை :

நெல்லிமுள்ளி – 10 - 15
புளிப்பில்லாத தயிர் – 2கப்
பச்சைமிளகாய் – 4
தேங்காய்த்துருவல். - 3டேபிள்ஸ்பூன்
நெய் – 1டீஸ்பூன்
கொத்தமல்லி – 1/4கப் நறுக்கியது
உப்பு - தேவைக்கேற்ப

செய்முறை:

நெல்லிமுள்ளியை ஒரு அரைமணி நேரம் வெந்நீரில் ஊறவைத்து மைய அரைத்துக் கொள்ளவும்..
அதில், தேங்காய், பச்சைமிளகாய் சேர்த்து நன்றாக அரைக்கவும்.
அரைத்த அனைத்தையும் புளிக்காத தயிரில் கலந்து,உப்பு போட்டு கலக்கவும்.
பிறகு, நெய்யில் கடுகு, பெருங்காயம் தாளித்துக் கொட்டவும்.
தேவையானால் கொத்துமல்லி தூவலாம்.

குறிப்பு: பெரிய நெல்லிக்காய்களை வெயிலில் காயவைத்து எடுத்து வைத்துக் கொள்வதையே நெல்லி முள்ளி என்று சொல்கிறோம். இந்த பச்சடியை பொதுவாக துவாதசி அன்று செய்வார்கள். காய்ந்தாலும் நெல்லிக்காய் இல் உள்ள சத்துக்கள் வீணாவது இல்லை.

by **krishnaamma** Wed Nov 28, 2018 11:43 am

மணத்தக்காளி வற்றல் பச்சடி !

தேவையானவை:

மணத்தக்காளி வற்றல் – 1/4கப்
கெட்டித்தயிர். – 2கப்
மிளகாய்வற்றல் – 1
துவரம்பருப்பு – 1/2டீஸ்பூன்.
சீரகம் – 1/4டீஸ்பூன்
நெய் – 2டீஸ்பூன்
பெருங்காயம் – ஒரு சிட்டிகை
உப்பு – தேவைக்கேற்ப

செய்முறை:

வாணலி இல் நெய்விட்டு மணத்தக்காளி வற்றலை பொன்னிறமாக வறுத்துக் கொள்ளவும்.

பின் மிளகாய் வத்தல்,சீரகம், துவரம்பருப்பு, இவைகளை வறுத்துப் பொடித்துக் கொள்ளவும்.

பிறகு, அனைத்தையும் தயிரில் கலந்து, கடுகு, உளுத்தம்பருப்பு தாளித்து , உப்பு சேர்க்கவும்.

by **krishnaamma** Wed Nov 28, 2018 11:49 am

மல்டி வெஜிடபிள் பச்சடி!

தேவையானவை:

துருவிய கேரட்,சௌசௌ,முட்டைகோஸ் குடைமிளகாய் – தலா 2டேபிள்ஸ்பூன்

தேங்காய் துருவல் – தலா 1டேபிள்ஸ்பூன்

வறுத்த கசகசா – 1/2டீஸ்பூன்

கடுகு – 1/4டீஸ்பூன்

பச்சைமிளகாய் – 1

மல்லித்தழை - சிறிதளவு

தயிர் – 3கப்

உப்பு – ருசிக்கேற்ப

எண்ணெய் – தேவையானாளவு.

செய்முறை:

வாணலி இல் எண்ணெய்விட்டு கடுகு தாளிக்கவும்.

குழப்பி வைத்துள்ள தயிரில் கொட்டவும்.

தேங்காய், பச்சைமிளகாய், கசகசா மற்றும் கோத்த்துமல்லி எல்லாவற்றையும் விழுதாக அரைக்கவும்.

பின்பு, மிகவும் பொடியாக நறுக்கிவைத்துள்ள காய்கறிகள் அரைத்த விழுது எல்லாவற்றையும் தயிரில் போட்டு நன்கு கலக்கவும்.

உப்பு போட்டு கலந்து பரிமாறவும்.

by **krishnaamma** Wed Nov 28, 2018 11:52 am

பழ.முத்துராமலிங்கம் wrote:
krishnaamma wrote:விளாம்பழ பச்சடி !

தேவையானவை :

விளாம்பழம்- - 2
பொடியாக்கிய வெல்லம் – 3/4கப்
சுக்குப்பொடி – 1/2டீஸ்பூன்
கடுகு – 1/4டீஸ்பூன்
பச்சை மிளகாய் – 2
நெய் – 2டீஸ்பூன்
உப்பு – ஒருசிட்டிகை

செய்முறை:

விளாம்பழத்தை உடைத்து,ஓட்டிலிருந்து எடுத்து, கூழாக மசித்து வைக்கவும்.

வெல்லத்தை தூளாக்கி, கொஞ்சம் தண்ணீர்விட்டு அடுப்பில் வைக்கவும்.

வெல்லம் கரைந்ததும் வடிகட்டவும்.

மீண்டும் அடுப்பில் வைத்து, 'பிசு பிசு' பாகு வந்ததும், ( கையில் தொட்டால் ஓட்டவேண்டும், அது தான் பதம் ) மசித்து வைத்த விளாம்பழத்தை போட்டு கலக்கவும்.

உப்பு, சுக்குப்பொடி போட்டுக் கலக்கவும்.

அடுப்பிலிருந்து இறக்கவும்.

ஒரு சின்ன கடாய் அல்லது தாளிக்கும் கரண்டி இல், நெய்விட்டு கடுகு, பச்சைமிளகாய் தாளித்துக் கொட்டவும்.

அருமையான விளாம்பழ தித்திப்பு பச்சடி தயார் !
மேற்கோள் செய்த பதிவு: 1287365
முதலில் இனிப்பில் தாளிப்பு தேவையா என்ற சந்தேகம் இருந்தது.
தித்திப்பு பச்சடி என்றவுடன் சந்தேகம் தெளிந்தது.
அருமை அம்மா

நன்றி ஐயா... தித்திப்பு , காரம் கலந்து அருமையாக இருக்கும்..மாங்காய் பச்சடி போல இருக்கும் ஐயா புன்னகை

by **krishnaamma** Wed Nov 28, 2018 11:55 am

மாங்காய் இஞ்சி பச்சடி!

தேவையானவை:

புளிப்பில்லாத தயிர் – 2கப்

நறுக்கிய மாங்காய் இஞ்சி – 11/2டீஸ்பூன்

தேங்காய்த் துருவல் – 4டேபிள்ஸ்பூன்

சீரகம் 1 /2 டீஸ்பூன்

கடுகு – 1/4டீஸ்பூன்

கொத்துமல்லி இலைகள் – சிறிதளவு.

பெருங்காயம், எண்ணெய், உப்பு – தேவைக்கேற்ப

செய்முறை:

தேங்காய், சீரகம், மாங்காய் இஞ்சி முதலியவற்றை விழுதாக அரைக்கவும்.

தயிரில் அரைத்தவிழுது, உப்பு போட்டுக் கலந்து, கடுகு, பெருங்காயம் தாளித்து கொத்துமல்லியைத் தூவி அலங்கரிக்கவும்.

by Sponsored content

பச்சடி வகைகள் - தக்காளி பச்சடி !

பச்சடி வகைகள் - தக்காளி பச்சடி !

Re: பச்சடி வகைகள் - தக்காளி பச்சடி !

Re: பச்சடி வகைகள் - தக்காளி பச்சடி !

தேங்காய் இஞ்சி பச்சடி

Re: பச்சடி வகைகள் - தக்காளி பச்சடி !

Re: பச்சடி வகைகள் - தக்காளி பச்சடி !

வெள்ளரிக்காய் பச்சடி!

வெள்ளரிக்காய் பச்சடி 2

விளாம்பழ பச்சடி !

Re: பச்சடி வகைகள் - தக்காளி பச்சடி !

நெல்லிமுள்ளி பச்சடி !

மணத்தக்காளி வற்றல் பச்சடி !

மல்டி வெஜிடபிள் பச்சடி!

Re: பச்சடி வகைகள் - தக்காளி பச்சடி !

மாங்காய் இஞ்சி பச்சடி!

Re: பச்சடி வகைகள் - தக்காளி பச்சடி !

பின்னூட்டம் எழுத உள்நுழைக அல்லது உறுப்பினராக பதிவு செய்க

உறுப்பினராக இணையுங்கள்

உள்நுழைய