வரலாற்றில் இன்று - செப்டம்பர்

**விமந்தனி** · **விமந்தனி** Tue Sep 02, 2014 5:15 pm

First topic message reminder :

வரலாற்றில் இன்று - செப்டம்பர்' 1

வரலாற்றில் இன்று - செப்டம்பர் - Page 8 GoLohB9yTVqr6kskVjDj+Sept---1

1715 - பிரான்சின் அரசன் பதினான்காம் லூயி 72 ஆண்டுகள் ஆட்சியின் பின்னர் இறந்தான். இவனே நீண்ட காலம் ஆட்சி புரிந்த ஐரோப்பிய அரசன்.

1752 - விடுதலை மணி பிலடெல்பியாவை வந்தடைந்தது.

1798 - இலங்கையில் முதலியார் வகுப்பை பிரித்தானிய இலங்கையர் மீண்டும் உருவாக்கினர்.

1862 - அமெரிக்க உள்நாட்டுப் போர்: கூட்டமைப்புப் படைகள் பின்வாங்கிச் சென்ற அமெரிக்கப் படைகளை வேர்ஜீனியாவின் சாண்டிலி என்ற இடத்தில்
தாக்கினர்.

1894 - அமெரிக்காவில் மினசோட்டாவில் இடம்பெற்ற காட்டுத்தீயில் 400 பேர் கொல்லப்பட்டனர்.

1897 - வட அமெரிக்காவின் முதலாவது சுரங்கத் தொடருந்து சேவை பொஸ்டனில் ஆரம்பிக்கப்பட்டது.

1902 – முதலாவது அறிவியல் புனை திரைப்படம் (A Trip to the Moon) பிரான்சில் திரையிடப்பட்டது.

1914 - ரஷ்யாவின் சென் பீட்டர்ஸ்பேர்க் நகரம் பெட்ரோகிராட் எனப் பெயர் மாற்றப்பட்டது.

1914 - கடைசி பயணிக்கும் புறா சின்சினாட்டி மிருகக்காட்சிச் சாலையில் இறந்தது.

1923 - டோக்கியோ மற்றும் யொகோஹாமாவில் இடம்பெற்ற நிலநடுக்கத்தில் சுமார் 105,000 பேர் கொல்லப்பட்டனர்.

1928 - அகமெட் சோகு அல்பேனியா நாட்டை முடியாட்சியாக அறிவித்துத் தன்னை அதன் மன்னராக அறிவித்தார்.

1939 - இரண்டாம் உலகப் போர்: நாசி ஜேர்மனி போலந்தைத் தாக்கி போரை ஆரம்பித்து வைத்தது.

1951 - ஐக்கிய அமெரிக்கா, ஆஸ்திரேலியா மற்றும் நியூசிலாந்து ஆகியன தமக்கிடையே பாதுகாப்பு ஒப்பந்தத்தை (ஆன்சஸ் ஒப்பந்தம்) செய்து கொண்டன.

1961 - எரித்திரிய விடுதலைப் போர் ஆரம்பமானது. ஹமீட் இட்ரிஸ் அவாட்டெ என்பவர் எதியோப்பியக் காவல்துறை மீது துப்பாக்கிச் சூடு நடத்தினார்.

1969 - அல் கடாஃபி புரட்சியின் மூலம் லிபியாவின் ஆட்சியைக் கைப்பற்றினார்.

1970 - ஜோர்தான் மன்னர் உசேன் கொலை முயற்சி ஒன்றில் இருந்து தப்பினார்.

1972 - ஐஸ்லாந்தில் இடம்பெற்ற உலக்க்க் சதுரங்கப் போட்டியில் அமெரிக்கரான பொபி ஃபிஷர் ரஷ்யரான பொரிஸ் ஸ்பாஸ்கியை வென்று உலகக் கிண்னத்தை வென்றார்.

1979 - நாசாவின் பயனியர் 11 ஆளில்லா விண்கலம் சனி கோளை 21,000 கிமீ தூரத்தில் அடைந்தது. இதுவே முதன் முதலில் சனியை அடைந்த விண்கலம் ஆகும்.

1981 - மத்திய ஆபிரிக்கக் குடியரசில் இடம்பெற்ற இராணுவப் புரட்சியில் அதிபர் டேவிட் டாக்கோ பதவியில் இருந்து அகற்றப்பட்டார்.

1983 - பனிப்போர்: சோவியத் ஒன்றியத்தினுள் அத்துமீறி நுழைந்த கொரிய பயணிகள் விமானம் ஒன்று சுட்டு வீழ்த்தப்பட்டதில் அதில் பயணஞ் செய்த 269 பேரும் கொல்லப்பட்டனர். இறந்தவர்களில் அமெரிக்க அமெரிக்கக் காங்கிரஸ் உறுப்பினர் லோரன்ஸ் மாக்டொனால்ட்டும் ஒருவர்.

1984 - யாழ்ப்பாணம் திக்கத்தில் இடம்பெற்ற கண்ணிவெடித் தாக்குதலில் 20 இலங்கை இராணுவத்தினர் கொல்லப்பட்டனர்.

1985 - அமெரிக்க, பிரெஞ்சு கூட்டு முயற்சியில் டைட்டானிக் கப்பலின் எச்சங்கள் கண்டுபிடிக்கப்பட்டன.

1991 - உஸ்பெகிஸ்தான், சோவியத் ஒன்றியத்தில் இருந்து வெளியேறி விடுதலையை அறிவித்தது.

2004 - ரஷ்யாவில் பெஸ்லான் நகரப் பாடசாலை ஒன்றில் தீவிரவாதிகள் நூற்றுக்கணக்கான பள்ளி மாணவர்களைப் பணயக் கைதிகளாக்கிய நிகழ்வு ஆரம்பமாயிற்று.

2007 - மன்னாரில் பாசித்தென்றலில் இலங்கை இராணுவத்தினர் நடத்திய கிளைமோர் தாக்குதலில் 8 பொதுமக்கள் படுகொலை செய்யப்பட்டனர்.

**விமந்தனி** · **விமந்தனி** Wed Sep 17, 2014 1:29 pm

krishnaamma wrote:விவரத்துக்கும் பகிர்வுக்கும் நன்றி விமந்தினி

நன்றி கிருஷ்ணாம்மா.

**விமந்தனி** · **விமந்தனி** Thu Sep 18, 2014 1:22 pm

வரலாற்றில் இன்று - செப்டம்பர்' 18

வரலாற்றில் இன்று - செப்டம்பர் - Page 8 RpZCchTTeLdtfhNPZygW+September-18

96 - டொமிஷியன் கொலை செய்யப்பட்டதை அடுத்து நேர்வா ரோமப் பேரரசன் ஆனான்.

1502 - கிறிஸ்தோபர் கொலம்பஸ் தனது நான்காவது கடைசியுமான கடற்பயணத்தின் போது கொஸ்டா ரிக்காவில் தரையிறங்கினார்.

1635 - புனித ரோமப் பேரரசன் இரண்டாம் பேர்டினண்ட் பிரான்ஸ் மீது போர் தொடுத்தான்.

1739 - பெல்கிரேட் நகரம் ஒட்டோமான் பேரரசிடம் கையளிக்கப்பட்டது.

1759 - கியூபெக் நகரை பிரித்தானியர் கைப்பற்றினர்.

1809 - லண்டனில் ரோயல் ஒப்பரா மாளிகை திறக்கப்பட்டது.

1810 - சிலியில் முதலாவது அரசு (junta) அமைக்கப்பட்டது.

1812 - மொஸ்கோவில் பரவிய தீ நகரின் முக்கால் பகுதியை அழித்துவிட்டு அணைந்தது. பெட்ரொவ்ஸ்கி அரண்மனையில் இருந்து நெப்போலியன் கிரெம்ளினுக்கு வந்தான்.

1851 - நியூ யோர்க் டைம்ஸ் இதழ் முதன் முதலில் வெளியிடப்பட்டது.

1895 – புக்கர் டி. வாஷிங்டன் தனது புகழ்பெற்ற 'அட்லாண்டா மத்தியஸ்தம்’ என்ர சொற்பொழிவை ஆற்றினார்.

1906 - ஹொங்கொங்கில் ஏற்பட்ட புயல் மற்றும் ஆழிப்பேரலையினால் 10,000 பேர் கொல்லப்பட்டனர்.

1911 - ரஷ்யப் பிரதமர் பீட்டர் ஸ்டோலிப்பின் கீவ் ஒப்பரா மாளிகையில் சுடப்பட்டார்.

1914 - முதலாம் உலகப் போர்: தென்னாபிரிக்கப் படைகள் ஜெர்மனியின் தென் மேற்கு ஆபிரிக்காவில் தரையிறங்கினர்.

1919 - நெதர்லாந்தில் பெண்களுக்கு வாக்குரிமை வழங்கப்பட்டது.

1922 – உலக நாடுகள் அணியில் ஹங்கேரி இணைந்தது.

1924 - மகாத்மா காந்தி இந்து-முஸ்லிம் ஒற்றுமைக்காக 21-நாள் உண்ணாநோன்பைத் தொடங்கினார்.

1932 - நடிகை பெக் எண்ட்விசில் ஹாலிவுட் சின்னத்தின் "H" எழுத்தில் இருந்து குதித்து தற்கொலை செய்து கொண்டார்.

1934 – சோவியத் ஒன்றியம் உலக நாடுகள் அணியில் இணைந்தது.

1939 - இரண்டாம் உலகப் போர்: இக்னேசி மொஸ்கிக்கி தலைமையிலான போலந்து அரசினர் ருமேனியாவுக்கு தப்பினர்.

1943 - இரண்டாம் உலகப் போர்: பெலாரஸ் தலைநகர் மின்ஸ்க் நகரில் சொபொபோர் என்ற இடத்தில் யூதர்கள் படுகொலை செய்யப்பட்டனர்.

1943 - இரண்டாம் உலகப் போர்: டென்மார்க் யூதர்களை வெளியேற்ற ஹிட்லர் உத்தரவிட்டார்.

1944 - இரண்டாம் உலகப் போர்: பிரித்தானிய நீர்மூழ்கிக் கப்பல் ஜப்பானின் ஜூனியோ மாரு என்ற
கப்பலைத் தாக்கியதில் டச்சு, ஆஸ்திரேலிய, பிரித்தானியப் போர்க்கைதிகள் உட்பட 5,600 பேர் கொல்லப்பட்டனர்.

1959 - வன்கார்ட் 3 பூமியைச் சுற்றிவர அனுப்பப்பட்டது.

1960 - பிடெல் காஸ்ட்ரோ ஐநா கூட்டத்தொடரில் பங்குபற்ற நியூயோர்க் நகரை அடைந்தார்.

1961 - ஐநாவின் பொதுச்செயலர் டாக் ஹமாஷெல்ட் கொங்கோவில் அமைதிக்கான பேச்சுவார்த்தையில் பங்கேற்றபோது விமான விபத்தில் உயிரிழந்தார்.

1962 - ருவாண்டா, புருண்டி , ஜமெய்க்கா ஆகியன ஐநாவில் இணைந்தன.

1964 - வியட்நாம் மக்கள் இராணுவம் தென் வியட்நாமினுள் நுழைந்தது.

1968 - இந்திய உளவுத்துறை நிறுவனம் றா அமைப்பு உருவாக்கப்பட்டது.

1972 - இடி அமீனினால் விரட்டப்பட்ட முதல் தொகுதி உகாண்டா மக்கள் ஐக்கிய இராச்சியத்தை வந்தடைந்தனர்.

1974 - சூறாவளி ஹொண்டூராசைத் தாக்கியதில் 5,000 பேர் கொல்லப்ப்பட்டனர்.

1976 - பெய்ஜிங் நகரில் மா சே துங்கின் இறுதி நிகழ்வுகள் இடம்பெற்றன.

1977 - வொயேஜர் 1 பூமியையும் சந்திரனையும் சேர்த்துப் படம் எடுத்தது.

1980 - சோயுஸ் 38 கியூபாவைச் சேர்ந்த விண்வெளி வீரருடனும் ஒரு ரஷ்யருடனும் விண்வெளி சென்றது.

1982 - லெபனானில் கிறிஸ்தவ துணை இராணுவத்தினர் 600 பாலஸ்தீனரைக் கொன்றனர்.

1988 - பர்மாவில் அரசியலமைப்பு நிறுத்திவைக்கப்பட்டது. மக்களாட்சிக்கு ஆதரவானோர் ஆயிரக்கணக்கில் கொல்லப்பட்டனர். 8888 எழுச்சி முடிவுக்கு வந்தது.

1990 – லிக்டன்ஸ்டைன் நாடு ஐநாவில் இணைந்தது.

1997 - 50.3 விழுக்காடு வேல்ஸ் மக்கள் சுயாட்சிக்கு ஆதரவாக வாக்களித்தனர்.

2006 - கிழக்கிலங்கை, அம்பாறையில் 11 முஸ்லிம் இளைஞர்கள் படுகொலை செய்யப்பட்டனர்.

2007 - மியான்மாரில் பௌத்த பிக்குகள் அரச எதிர்ப்பு ஆர்ப்பாட்டங்களில் கலந்து கொண்டனர்.

யினியவன் · யினியவன் Thu Sep 18, 2014 1:32 pm

காலைல ராவைப் பற்றி சொல்லி உசுப்பேத்துறாங்களே - ராவா ஊத்திட வேண்டியதுதான் ராவுக்குள்ள புன்னகை

**விமந்தனி** · **விமந்தனி** Thu Sep 18, 2014 1:52 pm

யினியவன் wrote:காலைல ராவைப் பற்றி சொல்லி உசுப்பேத்துறாங்களே - ராவா ஊத்திட வேண்டியதுதான் ராவுக்குள்ள

ஏன்? வாட்ஸ் அப்பில வந்த மப்பின் விளைவை அதற்குள் மறந்து விட்டீர்களா? புன்னகை

**M.Saranya** · **M.Saranya** Thu Sep 18, 2014 2:38 pm

நல்ல பதிவு .
தொடரட்டும் உங்கள் அற்புதமான பதிவு.

யினியவன் · யினியவன் Thu Sep 18, 2014 2:41 pm

விமந்தனி wrote:
ஏன்? வாட்ஸ் அப்பில வந்த மப்பின் விளைவை அதற்குள் மறந்து விட்டீர்களா?

முற்பகல் செய்யின் பிற்பகல் விளையும் ன்னு சொன்னாங்க
இங்க முன்னிரவு செய்யின் அன்றிரவே விளைந்து விடுகிறது புன்னகை

**விமந்தனி** · **விமந்தனி** Thu Sep 18, 2014 2:47 pm

உலகம் மட்டும் சுருங்கிவிடவில்லை... வினையும் சுருங்கி விட்டது போலும்.

யினியவன் · யினியவன் Thu Sep 18, 2014 3:13 pm

வினை விதைப்பவன் தினையா அறுக்க இயலும்?? வினைதான் அறுப்பான் - சரிதான்

**krishnaamma** · **krishnaamma** Thu Sep 18, 2014 5:42 pm

விமந்தனி wrote:
யினியவன் wrote:காலைல ராவைப் பற்றி சொல்லி உசுப்பேத்துறாங்களே - ராவா ஊத்திட வேண்டியதுதான் ராவுக்குள்ள

ஏன்? வாட்ஸ் அப்பில வந்த மப்பின் விளைவை அதற்குள் மறந்து விட்டீர்களா?

மேற்கோள் செய்த பதிவு: 1088836

உங்களுக்கு தெரியாத விமந்தினி........அந்த பேச்சு அத்தோட போச்சு ஜாலி

.
.
.
ஒரேநாளில் எப்படி திருந்துவார்கள்? புன்னகை

யினியவன் · யினியவன் Thu Sep 18, 2014 5:47 pm

krishnaamma wrote:
உங்களுக்கு தெரியாத விமந்தினி........அந்த பேச்சு அத்தோட போச்சு
.
.
.
ஒரேநாளில் எப்படி திருந்துவார்கள்?

அதானே இதென்ன முடியா? சலூன்ல போயி உடனே திருத்தறதுக்கு? புன்னகை

Sponsored content · Sponsored content

வரலாற்றில் இன்று - செப்டம்பர்

வரலாற்றில் இன்று - செப்டம்பர்

வரலாற்றில் இன்று - செப்டம்பர்' 1

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக