வரலாற்றில் இன்று - செப்டம்பர்

**விமந்தனி** · **விமந்தனி** Tue Sep 02, 2014 5:15 pm

First topic message reminder :

வரலாற்றில் இன்று - செப்டம்பர்' 1

வரலாற்றில் இன்று - செப்டம்பர் - Page 5 GoLohB9yTVqr6kskVjDj+Sept---1

1715 - பிரான்சின் அரசன் பதினான்காம் லூயி 72 ஆண்டுகள் ஆட்சியின் பின்னர் இறந்தான். இவனே நீண்ட காலம் ஆட்சி புரிந்த ஐரோப்பிய அரசன்.

1752 - விடுதலை மணி பிலடெல்பியாவை வந்தடைந்தது.

1798 - இலங்கையில் முதலியார் வகுப்பை பிரித்தானிய இலங்கையர் மீண்டும் உருவாக்கினர்.

1862 - அமெரிக்க உள்நாட்டுப் போர்: கூட்டமைப்புப் படைகள் பின்வாங்கிச் சென்ற அமெரிக்கப் படைகளை வேர்ஜீனியாவின் சாண்டிலி என்ற இடத்தில்
தாக்கினர்.

1894 - அமெரிக்காவில் மினசோட்டாவில் இடம்பெற்ற காட்டுத்தீயில் 400 பேர் கொல்லப்பட்டனர்.

1897 - வட அமெரிக்காவின் முதலாவது சுரங்கத் தொடருந்து சேவை பொஸ்டனில் ஆரம்பிக்கப்பட்டது.

1902 – முதலாவது அறிவியல் புனை திரைப்படம் (A Trip to the Moon) பிரான்சில் திரையிடப்பட்டது.

1914 - ரஷ்யாவின் சென் பீட்டர்ஸ்பேர்க் நகரம் பெட்ரோகிராட் எனப் பெயர் மாற்றப்பட்டது.

1914 - கடைசி பயணிக்கும் புறா சின்சினாட்டி மிருகக்காட்சிச் சாலையில் இறந்தது.

1923 - டோக்கியோ மற்றும் யொகோஹாமாவில் இடம்பெற்ற நிலநடுக்கத்தில் சுமார் 105,000 பேர் கொல்லப்பட்டனர்.

1928 - அகமெட் சோகு அல்பேனியா நாட்டை முடியாட்சியாக அறிவித்துத் தன்னை அதன் மன்னராக அறிவித்தார்.

1939 - இரண்டாம் உலகப் போர்: நாசி ஜேர்மனி போலந்தைத் தாக்கி போரை ஆரம்பித்து வைத்தது.

1951 - ஐக்கிய அமெரிக்கா, ஆஸ்திரேலியா மற்றும் நியூசிலாந்து ஆகியன தமக்கிடையே பாதுகாப்பு ஒப்பந்தத்தை (ஆன்சஸ் ஒப்பந்தம்) செய்து கொண்டன.

1961 - எரித்திரிய விடுதலைப் போர் ஆரம்பமானது. ஹமீட் இட்ரிஸ் அவாட்டெ என்பவர் எதியோப்பியக் காவல்துறை மீது துப்பாக்கிச் சூடு நடத்தினார்.

1969 - அல் கடாஃபி புரட்சியின் மூலம் லிபியாவின் ஆட்சியைக் கைப்பற்றினார்.

1970 - ஜோர்தான் மன்னர் உசேன் கொலை முயற்சி ஒன்றில் இருந்து தப்பினார்.

1972 - ஐஸ்லாந்தில் இடம்பெற்ற உலக்க்க் சதுரங்கப் போட்டியில் அமெரிக்கரான பொபி ஃபிஷர் ரஷ்யரான பொரிஸ் ஸ்பாஸ்கியை வென்று உலகக் கிண்னத்தை வென்றார்.

1979 - நாசாவின் பயனியர் 11 ஆளில்லா விண்கலம் சனி கோளை 21,000 கிமீ தூரத்தில் அடைந்தது. இதுவே முதன் முதலில் சனியை அடைந்த விண்கலம் ஆகும்.

1981 - மத்திய ஆபிரிக்கக் குடியரசில் இடம்பெற்ற இராணுவப் புரட்சியில் அதிபர் டேவிட் டாக்கோ பதவியில் இருந்து அகற்றப்பட்டார்.

1983 - பனிப்போர்: சோவியத் ஒன்றியத்தினுள் அத்துமீறி நுழைந்த கொரிய பயணிகள் விமானம் ஒன்று சுட்டு வீழ்த்தப்பட்டதில் அதில் பயணஞ் செய்த 269 பேரும் கொல்லப்பட்டனர். இறந்தவர்களில் அமெரிக்க அமெரிக்கக் காங்கிரஸ் உறுப்பினர் லோரன்ஸ் மாக்டொனால்ட்டும் ஒருவர்.

1984 - யாழ்ப்பாணம் திக்கத்தில் இடம்பெற்ற கண்ணிவெடித் தாக்குதலில் 20 இலங்கை இராணுவத்தினர் கொல்லப்பட்டனர்.

1985 - அமெரிக்க, பிரெஞ்சு கூட்டு முயற்சியில் டைட்டானிக் கப்பலின் எச்சங்கள் கண்டுபிடிக்கப்பட்டன.

1991 - உஸ்பெகிஸ்தான், சோவியத் ஒன்றியத்தில் இருந்து வெளியேறி விடுதலையை அறிவித்தது.

2004 - ரஷ்யாவில் பெஸ்லான் நகரப் பாடசாலை ஒன்றில் தீவிரவாதிகள் நூற்றுக்கணக்கான பள்ளி மாணவர்களைப் பணயக் கைதிகளாக்கிய நிகழ்வு ஆரம்பமாயிற்று.

2007 - மன்னாரில் பாசித்தென்றலில் இலங்கை இராணுவத்தினர் நடத்திய கிளைமோர் தாக்குதலில் 8 பொதுமக்கள் படுகொலை செய்யப்பட்டனர்.

**T.N.Balasubramanian** · **T.N.Balasubramanian** Sun Sep 14, 2014 2:32 pm

நல்ல குறிப்புகள் விமந்தினி , நன்றி .

வைத்தீஸ்வரன் கோயில் போய் , தரிசனம் செய்து ,வேண்டுதல்களை நிறைவேற்றினீர்களா?

நாடி ஜோசியம் பார்த்துக்கொண்டீர்களா?

ரமணியன்

**விமந்தனி** · **விமந்தனி** Mon Sep 15, 2014 1:37 pm

T.N.Balasubramanian wrote:நல்ல குறிப்புகள் விமந்தினி , நன்றி .

வைத்தீஸ்வரன் கோயில் போய் , தரிசனம் செய்து ,வேண்டுதல்களை நிறைவேற்றினீர்களா?

நாடி ஜோசியம் பார்த்துக்கொண்டீர்களா?

ரமணியன்

எல்லாம் நல்லபடியாக நடந்தது ஐயா.
நாடி ஜோதிடம், சென்ற வருடம் சென்ற போதே பார்த்துவிட்டோம். ஆனால்.... என்ன செய்வது, இதிலும் ஏமாற்று வேலை மலிந்து தான் கிடக்கிறது.

**விமந்தனி** · **விமந்தனி** Mon Sep 15, 2014 1:37 pm

வரலாற்றில் இன்று - செப்டம்பர்' 15

வரலாற்றில் இன்று - செப்டம்பர் - Page 5 Dnt3NiWQPC43APQzBxZj+September-15

668 - பைசண்டைன் பேரரசன் இரண்டாம் கொன்ஸ்டன்ஸ் இத்தாலியில் கொல்லப்பட்டான்.

1556 - புனித ரோமப் பேரரசின் முன்னாள் பேரரசன் ஐந்தாம் சார்ல்ஸ் ஸ்பெயின் திரும்பினான்.

1812 - நெப்போலியன் பொனபார்ட் தலைமையில் பிரெஞ்சுப் படைகள் மொஸ்கோவில் கிரெம்ளின் மாளிகையை அடைந்தனர்.

1821 - ஸ்பெயினிடமிருந்து கொஸ்டா ரிக்கா, எல் சல்வடோர், குவாத்தமாலா, ஹொண்டுராஸ், நிக்கராகுவா ஆகியன கூட்டாக விடுதலையை அறிவித்தன.

1835 – சார்ள்ஸ் டார்வின் கடல் வழியே காலபாகசுத் தீவுகளுக்குச் சென்று உயிரினங்களின் படிவளர்ச்சிக் கொள்கை பற்றிய ஆய்வுகளை மேற்கொண்டார்

1862 - அமெரிக்க உள்நாட்டுப் போர்: கூட்டமைப்புப் படையினர் வேர்ஜீனியாவின் ஹார்ப்பர்ஸ் துறையைக் கைப்பற்றினர்.

1873 - பிரெஞ்சு-புரூசியப் போர்: கடைசி ஜெர்மானியப் படையினர் பிரான்சை விட்டுப் புறப்பட்டனர்.

1916 - முதலாம் உலகப் போர்: சோம் என்ற இடத்தில் முதற்தடவையாக தாங்கிகள் போரில் ஈடுபடுத்தப்பட்டன.

1935 - ஜெர்மனியில் யூதர்களுக்கு குடியுரிமை சட்டபூர்வமாக மறுக்கப்பட்டது.

1935 - நாசி ஜெர்மனி சுவாஸ்டிக்காவுடன் கூடிய புதிய கொடியை அறிமுகப்படுத்தியது.

1940 - இரண்டாம் உலகப் போர்: பிரித்தானியாவில் பெரும் எண்ணிக்கையான ஜெர்மனிய வானூர்திகள் சுட்டு வீழ்த்தப்பட்டன.

1944 - இரண்டாம் உலகப் போர்: போர் தொடர்பான நிலப்பாட்டை எடுப்பதற்காக பிராங்கிளின் ரூஸ்வெல்ட், வின்ஸ்டன் சேர்ச்சில் ஆகியோர் இரண்டாம் தடவையாக கியூபெக் நகரில் சந்தித்தனர்.

1945 - தெற்கு புளோரிடாவிலும் பகாமசிலும் சூறாவளி காரணமாக 366 விமானங்கள் சேதமடைந்தன.

1950 - கொரியப் போர்: அமெரிக்கப் படைகள் கொரியாவில் தரையிறங்கின.

1952 - ஐநாவின் ஒப்புதலுடன் எரித்திரியா எதியோப்பியாவுடன் இணைக்கப்பட்டது.

1958 - நியூ ஜேர்சியில் பயணிகள் பேருந்து ஒன்று விபத்துக்குள்ளாகியதில் 58 பேர் கொல்லப்பட்டனர்.

1959 - நிக்கிட்டா குருசேவ் ஐக்கிய அமெரிக்காவுக்கு பயணம் மேற்கொண்ட முதல் சோவியத் தலைவர் ஆனார்.

1963 - ஐக்கிய அமெரிக்காவின் பேர்மிங்ஹாமில் ஆபிரிக்க-அமெரிக்க தேவாலயத்தில் இடம்பெற்ற குண்டுத் தாக்குதலில் 4 சிறுவர்கள் கொல்லப்பட்டனர்.

1968 - சோவியத்தின் சொண்ட் 5 விண்கலம் ஏவப்பட்டது. சந்திரனைச் சுற்றி வந்து பூமியின் காற்று
மண்டலத்தினுள் நுழைந்த முதலாவது விண்கலம் இதுவாகும்.

1975 - பிரெஞ்சுத் தீவான கோர்சிக்கா இரண்டு நிர்வாகப் பகுதிகளாகப் பிரிக்கப்பட்டது.

1981 - தஞ்சாவூர் தமிழ்ப் பல்கலைக்கழகம் உருவாக்கப்பட்டது.

1987 - இந்திய அமைதிப் படைக்கெதிராக திலீபன் நீராகாரம் இன்றி உண்ணாநோன்பைத் தொடங்கினார்.

**T.N.Balasubramanian** · **T.N.Balasubramanian** Mon Sep 15, 2014 2:04 pm

நன்றி விமந்தினி .
1945 போல் 2014 இல் பஹாமாசில் புயல் இல்லை .

ரமணியன்

**விமந்தனி** · **விமந்தனி** Mon Sep 15, 2014 2:11 pm

T.N.Balasubramanian wrote:நன்றி விமந்தினி .
1945 போல் 2014 இல் பஹாமாசில் புயல் இல்லை .

ரமணியன்

அந்த கடவுளுக்கு நன்றி.

**விமந்தனி** · **விமந்தனி** Tue Sep 16, 2014 1:24 pm

வரலாற்றில் இன்று - செப்டம்பர்' 16

வரலாற்றில் இன்று - செப்டம்பர் - Page 5 WzFuswCRQWeAKBfUYZ1r+September-16

1795 - ஐக்கிய இராச்சியம் தென்னாபிரிக்காவின் கேப் டவுண் நகரைக் கைப்பற்றியது.

1810 - மிகுவேல் ஹிடால்கோ என்ற மதகுரு மெக்சிகோவின் விடுதலைப் போரை ஆரம்பித்தார்.

1812 - முதலாம் நெப்போலியன் மொஸ்கோவினுள் நுழைந்ததை அடுத்து ரஷ்ய மக்கள் நள்ளிரவில் நகரை தீயிட்டுக் கொழுத்தினர். மொஸ்கோ நகரம் அடுத்த சில நாட்களில் முற்றாக எரிந்தது.

1852 - இலண்டனில் , மான்செஸ்டர் நகரில் உலகின் முதலாவது இலவச நூல் நிலையம் அமைக்கப்பட்டது.

1887 - மென்பந்தாட்டம் முதன் முதலில் சிக்காகோவில் விளையாடப்பட்டது.

1908 - ஜெனரல் மோட்டர்ஸ் நிறுவனம் அமைக்கப்பட்டது.

1920 - நியூயோர்க் நகரில் ஜே.பி.மோர்கன் கட்டிடத்தின் முன்னால் இடம்பெற்ற குண்டுவெடிப்பில் 38 பேர் கொல்லப்பட்டு 400 பேர் காயமடைந்தனர்.

1963 - மலாயா, சிங்கப்பூர், மற்றும் போர்ணியோவின் சாபா, சரவாக் ஆகியன இணைந்து மலேசியா உருவாக்கப்பட்டது.

1970 - ஜோர்தானில் நான்கு பயணிகள் விமானங்கள் பாலஸ்தீனத் தீவிரவாதிகளால் கடத்தப்பட்டதை அடுத்து மன்னர் ஹுசெயின் இராணுவ ஆட்சியை அறிவித்தார்.

1975 - பப்புவா நியூ கினி, அவுஸ்திரேலியாவிடமிருந்து விடுதலை பெற்றது.

1978 - ஈரானில் டபாஸ் நகரை 7.5 - 7.9 ரிக்டர் நிலநடுக்கம் தாக்கியதில் 25,000 பேர் கொல்லப்பட்டனர்.

1982 - லெபனானில் பாலஸ்தீன அகதி முகாங்களான சப்ரா, ஷட்டீலா ஆகியவற்றில் லெபனானிய இராணுவத் துணைப்படையினரால் ஆயிரக்கணக்கானோர் படுகொலை செய்யப்பட்டனர்.

1987 - ஓசோன் படலத்தைப் பாதுகாக்கும் பிரகடனம் மொண்ட்றியால் நகரில் கைச்சாத்திடப்பட்டது.

2000 - இலங்கை முஸ்லிம் காங்கிரஸ் கட்சித் தலைவரும் அமைச்சருமான எம். எச். எம். அஷ்ரப் உலங்கு வானூர்தி விபத்தில் கொல்லப்பட்டார்.

2002 - விடுதலைப் புலிகளுக்கும் ரணில் விக்கிரமசிங்கா அரசுக்கும் இடையிலான பேச்சுவார்த்தை தாய்லாந்தில் ஆரம்பமாயின.

2007 - தாய்லாந்தில் 128 பேரை ஏற்றிச் சென்ற விமானம் ஒன்று வீழ்ந்ததில் 89 பேர் கொல்லப்பட்டனர்.

யினியவன் · யினியவன் Tue Sep 16, 2014 1:30 pm

செப்டம்பர் மாதம் இந்த ஆண்டு இவங்க பதிவுகள் ஆமை வேகம் ன்னு நாளைய வரலாறு சொல்லும் புன்னகை

**krishnaamma** · **krishnaamma** Tue Sep 16, 2014 1:40 pm

யினியவன் wrote:செப்டம்பர் மாதம் இந்த ஆண்டு இவங்க பதிவுகள் ஆமை வேகம் ன்னு நாளைய வரலாறு சொல்லும்

மேற்கோள் செய்த பதிவு: 1088072

சொல்லும் ..சொல்லும்.............. புன்னகை

**விமந்தனி** · **விமந்தனி** Tue Sep 16, 2014 2:20 pm

krishnaamma wrote:
யினியவன் wrote:செப்டம்பர் மாதம் இந்த ஆண்டு இவங்க பதிவுகள் ஆமை வேகம் ன்னு நாளைய வரலாறு சொல்லும்

சொல்லும் ..சொல்லும்..............

சும்மா ஜெட்டுலையே போகமுடியுமா...? பெட்ரோல் கட்டுபடியாகல்ல. ஸோ, ஒரு சேஞ்சுக்கு ஆமை... அதான்!

(பொதுவாக பகலில் எனக்கு நேரம் கிடைப்பதில்லை. இரவில் குறைந்தபட்சம் 7 மணி நேரமாவது தூங்க வேண்டுமாம். இன்னும் என் கடமைகள் நிறைய பாக்கியிருக்கிறதே... முக்கியமாய் என் செல்லம்மா... அதனால் இரவிலும் நோ நெட்... சீக்கிரமே குட்நைட் தான். ஆகவே தான் வரலாற்றில் இன்று கூட நாளின் துவக்கத்தில் பதிவிட முடிவதில்லை.)

**T.N.Balasubramanian** · **T.N.Balasubramanian** Tue Sep 16, 2014 2:25 pm

தவறே இல்லை , இன்றைய வரலாறை , நேற்றைய வரலாறு என்று மாற்றாத வரையில் .

வீடும் குழந்தையும் மிகவும் முக்கியம் .மற்றவை பிறவே .

ரமணியன் .

Sponsored content · Sponsored content

வரலாற்றில் இன்று - செப்டம்பர்

வரலாற்றில் இன்று - செப்டம்பர்

வரலாற்றில் இன்று - செப்டம்பர்' 1

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

Re: வரலாற்றில் இன்று - செப்டம்பர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக