தெய்வங்கள் ஆடிய திருநடனங்கள்

**சாமி** · **சாமி** Sat Jun 07, 2014 5:07 pm

முத்தமிழ்க் காப்பியமாய் விளங்கும் சிலப்பதிகாரத்தில், இளங்கோவடிகள் தெய்வங்கள் ஆடிய நடனங்கள் பற்றிக் குறிப்பிடுகிறார்.

சிவபெருமான் ஆடிய ஆடல்கள்
 கொடு கொட்டி ஆடல். (திரிபுரம் எரியத் தேவர்கள் வேண்டிக்கொண்டபொழுது, வடவைத் தீயை தலையில் வைத்து வெற்றிக் களிப்பால் கைகொட்டி நின்று ஆடிய ஆடல்)
 பாண்டரங்கக் கூத்து. (இறைவன் திரிபுரம் எரித்த சாம்பலை அணிந்து ஆடிய கூத்து)

முருகப் பெருமான் ஆடிய நடனங்கள்:
 துடிக்கூத்து (சூரனைப் போரில் வென்ற பின் கடல் அலையே அரங்கமாகக் கொண்டு துடி கொட்டி ஆடிய துடிக் கூத்து).
 குடைக் கூத்து (முருகன் தன் வெண்கொற்றக் குடையை சாய்த்து, சாய்த்து ஆடியது)

திருமால் ஆடிய கூத்து:
 அல்லியத் தொகுதி என்னும் கூத்து. (குவாலயா பீடம் என்ற யானையின் கொம்பை ஒடித்ததற்கு நின்றாடிய கூத்து).
 மல்லாடல். (மாயவன் மல்லனாய், வாணாசூரனைக் கொன்ற பின் ஆடிய மற்கூத்து).
 குடக்கூத்து. (காமன் மகன் அநிருத்தனை மீட்டற் பொருட்டு உலோகம் மற்றும் மண்ணால் ஆன குடங்களைக் கொண்டு மாயோன் ஆடிய விநோதக் கூத்து).

மன்மதன் ஆடிய நடனம்
 பேடென்னும் கூத்து. (பேடாடல்) (ஆண்மை திரிந்த பெண்மைக் கோலத்தில், தன் மகன் அநிருத்தனை சிறை மீட்டுக் காமன் ஆடிய நடனம்).

துர்க்கை ஆடிய நடனம்
 மரக்கால் ஆடல். (அசுரர்களின் கொடுந்தொழிலைப் பொறுக்க முடியாமல், அவற்றை வெல்லும் பொருட்டு, மரக்கால் கொண்டு ஆடிய ஆடல்).

திருமகள் ஆடிய நடனம்
 பாவைக் கூத்து (திருமகள் கொல்லிப்பாவை வடிவாய் ஆடிய பாவைக் கூத்து)

இந்திராணி ஆடிய ஆடல்
 கடையக் கூத்து. (வயல்வெளியில் உழத்தியர் வடிவுகொண்டு ஆடியது கடையக் கூத்து).
ஆதாரம்: சிலப்பதிகாரம்

தெய்வங்கள் ஆடிய திருநடனங்கள்

தெய்வங்கள் ஆடிய திருநடனங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக