காதலிக்கு ஒரு கடிதம்

**M.M.SENTHIL** · **M.M.SENTHIL** Fri Jun 06, 2014 7:36 pm

First topic message reminder :

அன்புள்ள காதலியே
எப்படி இருக்கிறாய் – நீ
எப்படி இருக்கிறாய்!!

காதல் என்பது சேர்ந்து வாழ்தலில்
மட்டும் இல்லை – பிரிந்து போயினும்
இறுதி வரை நினைப்பதே என்றவளே,
இன்றளவும் என்னை நீ நினைக்கிறாயா?

இளமைக் காலத்து தடுமாற்றங்களில்
இந்த காதலும் ஒன்று என்பது
பெற்றோர் வாதம் – ஆயினும்
இந்த தடுமாற்றம் வாழ்வின் இறுதிவரை
மனதில் ஆறாத வடுவை
உண்டாக்கி விடுகிறதே!!

மறக்க முயற்சித்தேன் நானும்
மனைவி வந்தவுடன்
குழந்தை பிறந்தவுடன்,
ஆனாலும் ஒரு ஆச்சரியம்
அது மட்டும் முடியவே இல்லை!!

உன் பெயர் கொண்ட ஏதேனும் ஒன்று
தினமும் என் கண்ணில் பட்டு விடுகிறது,
இன்று கூட அப்படியே
குல தெய்வ கோவில் போகையில்
எதிரே வந்த வண்டியில் உன் பெயர்!
மறக்க நினைத்தாலும் தோற்கிறேன்!!

வெகு நாட்களுக்குப் பிறகு
உனக்கொரு கடிதம் எழுத ஆசை,
நானே எழுதி, நானே படித்தாலும்
உனக்கொரு கவிதை எழுதியது
மனதிற்கொரு சுகமே,

சொல்லடி பெண்ணே
எப்படி இருக்கிறாய் – நீ
எப்படி இருக்கிறாய்??

- தொடரும்

**M.M.SENTHIL** · **M.M.SENTHIL** Thu Jan 01, 2015 4:05 pm

மாரியம்மன் பொங்கலுக்கு
வளையல் ஒன்று வாங்க சென்றோம்,
கண்ணாடி வளையல்
கையை கிழிக்கும்
அது வேண்டாம் என்றாய்!!

பிளாஸ்டிக் வளையல்
உன் கைக்கு எடுப்பாய் இராது
அது வேண்டாம் என்றேன் நான்!!

உங்க மனைவிக்கு
தங்கத்துல செஞ்சு போடுங்க
என்று சொன்னான் கடைக்காரன்!!

மனைவி என்று சொன்னதும்
இருவர் முகத்திலும்
இனம் புரியா மின்னல் ஒன்று
வெட்டி சென்றது பட்டென்று!!

எதுவும் பேசாமல் அங்கிருந்து
வீடு வந்து சேர்ந்தோம்,
மாலையில் அம்மனுக்கு
பூஜையாகும் போது - இருவரும்
அருகருகே நின்று தொழுதோம் அம்மனை!!

பார்க்கும் கண்களெல்லாம்
நம்மையே சுற்றி வர - உன்னை
வெட்கம் பிடுங்கி திங்க - உடனே
வெளியில் வந்தோம்!!

மீண்டும் வீடு வந்தோம்
நீ புறப்பட்டாய் கல்லூரி விடுதி நோக்கி,
அன்று சொல்லிவிட ஆசைதான்
என் மனதில் உள்ள காதலை
அது ஏனோ இயலாமல் போனது !!

இன்று வரை அப்படியே அந்த காதல்
எனக்குள் இருக்கிறது - இதை
நீ அறிவாயோ இல்லையோ
நிச்சயமாய் எங்கள் ஊர்
மாரியம்மன் அறிந்திருப்பாள்!!

**T.N.Balasubramanian** · **T.N.Balasubramanian** Thu Jan 01, 2015 7:20 pm

யார் அறிந்து என்ன பயன் ,
அறியவேண்டியவர் அறியாதபோது !
இருட்டு சினிமா ஹாலில் ,
பக்கத்து சீட் அழகியை கண்ணடித்தது போல் !!

புத்தாண்டு நினைவு கூறல் கவிதை அழகு , செந்தில் !

ரமணியன்

**M.M.SENTHIL** · **M.M.SENTHIL** Thu Jan 01, 2015 9:53 pm

T.N.Balasubramanian wrote:யார் அறிந்து என்ன பயன் ,
அறியவேண்டியவர் அறியாதபோது !
இருட்டு சினிமா ஹாலில் ,
பக்கத்து சீட் அழகியை கண்ணடித்தது போல் !!

புத்தாண்டு நினைவு கூறல் கவிதை அழகு , செந்தில் !

ரமணியன்

மேற்கோள் செய்த பதிவு: 1112925

நன்றி அய்யா.. நீங்கள் ஒரு வேளை வாலியின் சாயலோ... எழுத்தில் இளமை துள்ளல்... மிக ரசித்தேன்...

**M.M.SENTHIL** · **M.M.SENTHIL** Thu Jan 01, 2015 10:36 pm

துள்ளாத மனமும் துள்ளும்
படம் பார்க்க போன போது
தூங்கி, தூங்கி வழிந்தாய் நீ,
காரணம் கேட்டால் எதுவும்
சொல்ல மறுத்தாய்!!

மறுநாள் கல்லூரிக்கு நீ விடுமுறை
உன் தோழி சொன்னாள் - உனக்கு
பயங்கர காய்ச்சல் என்று!!

நான் அழைத்த காரணத்தால்
நீயும் வந்தாய் என் மனம்
புண்படக் கூடாதென்று,
உன் உடலையும் வருத்தி!!

மூன்று மணி நேர சினிமாவிற்கு
எனக்காய் உந்தன்
உடல் நிலையை சகிக்க முடிந்த உனக்கு
ஏனடி பெண்ணே வாழ்வின் இறுதி வரை
என் உடன் வர இயலாமல் போனது!!

**விமந்தனி** · **விமந்தனி** Fri Jan 02, 2015 12:10 am

காதலிக்கு ஒரு கடிதம் - Page 10 3838410834

**M.M.SENTHIL** · **M.M.SENTHIL** Wed Apr 22, 2015 2:33 pm

நீண்ட இடைவெளி
என் காதலிக்கு கடிதம்
ஒன்றை நான் எழுதி!!

இருப்பினும் இந்த இடைவெளி
அவசியமாய் நினைக்கிறேன்,
இந்த இடைப்பட்ட காலத்தில்
கடிதம் என்ற ஒன்றை
நான் எழுதாமல் போனாலும்,
என் நினைவில் என்னவோ
தினம், தினம் வந்து சென்றாய்!

புது வீடொன்று கட்டினேன்
உனக்கு பிடித்த இடத்தில்
உனக்கு பிடித்த எல்லாம்,
எந்த கலர், எங்கு அடித்தால்
நன்றாய் இருக்கும் என்றாயோ
அதே கலர் அந்த இடத்தில்!

என் மனைவிக்கு
ஒரே ஆச்சரியம்
உங்களுக்கும் இப்படி
சிந்திக்க தெரியுமா என்று?
சிரித்து வைத்தேன் நான்,
வேறு என்ன சொல்ல முடியும்!!

monikaa sri · monikaa sri Wed Apr 22, 2015 3:02 pm

கவிதை அருமை!

**T.N.Balasubramanian** · **T.N.Balasubramanian** Wed Apr 22, 2015 3:15 pm

நீண்ட இடைவெளி
என் காதலிக்கு கடிதம்
ஒன்றை நான் எழுதி!!

இருப்பினும் இந்த இடைவெளி
அவசியமாய் நினைக்கிறேன்,

இருக்க வேண்டிய இடைவெளி இருந்தால் தான்
இணையும் போது இனிக்கும் .

நல்ல கவிதை ......................பாவம் !

ரமணியன்

**M.M.SENTHIL** · **M.M.SENTHIL** Wed Apr 22, 2015 4:53 pm

monikaa sri wrote:கவிதை அருமை!

மேற்கோள் செய்த பதிவு: 1132159

நன்றி அன்பு மலர்

**M.M.SENTHIL** · **M.M.SENTHIL** Wed Apr 22, 2015 4:53 pm

T.N.Balasubramanian wrote:
நீண்ட இடைவெளி
என் காதலிக்கு கடிதம்
ஒன்றை நான் எழுதி!!

இருப்பினும் இந்த இடைவெளி
அவசியமாய் நினைக்கிறேன்,

இருக்க வேண்டிய இடைவெளி இருந்தால் தான்
இணையும் போது இனிக்கும் .

நல்ல கவிதை ......................பாவம் !

ரமணியன்

மேற்கோள் செய்த பதிவு: 1132164

நன்றி அய்யா அன்பு மலர்

ஆம், நான் பாவமே சோகம்

Sponsored content · Sponsored content

காதலிக்கு ஒரு கடிதம்

காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக