காதலிக்கு ஒரு கடிதம்

**M.M.SENTHIL** · **M.M.SENTHIL** Fri Jun 06, 2014 7:36 pm

First topic message reminder :

அன்புள்ள காதலியே
எப்படி இருக்கிறாய் – நீ
எப்படி இருக்கிறாய்!!

காதல் என்பது சேர்ந்து வாழ்தலில்
மட்டும் இல்லை – பிரிந்து போயினும்
இறுதி வரை நினைப்பதே என்றவளே,
இன்றளவும் என்னை நீ நினைக்கிறாயா?

இளமைக் காலத்து தடுமாற்றங்களில்
இந்த காதலும் ஒன்று என்பது
பெற்றோர் வாதம் – ஆயினும்
இந்த தடுமாற்றம் வாழ்வின் இறுதிவரை
மனதில் ஆறாத வடுவை
உண்டாக்கி விடுகிறதே!!

மறக்க முயற்சித்தேன் நானும்
மனைவி வந்தவுடன்
குழந்தை பிறந்தவுடன்,
ஆனாலும் ஒரு ஆச்சரியம்
அது மட்டும் முடியவே இல்லை!!

உன் பெயர் கொண்ட ஏதேனும் ஒன்று
தினமும் என் கண்ணில் பட்டு விடுகிறது,
இன்று கூட அப்படியே
குல தெய்வ கோவில் போகையில்
எதிரே வந்த வண்டியில் உன் பெயர்!
மறக்க நினைத்தாலும் தோற்கிறேன்!!

வெகு நாட்களுக்குப் பிறகு
உனக்கொரு கடிதம் எழுத ஆசை,
நானே எழுதி, நானே படித்தாலும்
உனக்கொரு கவிதை எழுதியது
மனதிற்கொரு சுகமே,

சொல்லடி பெண்ணே
எப்படி இருக்கிறாய் – நீ
எப்படி இருக்கிறாய்??

- தொடரும்

**M.M.SENTHIL** · **M.M.SENTHIL** Sat Jun 07, 2014 12:56 pm

ஜாஹீதாபானு wrote:அனுப்பப் படாத ஆத்திரக் கடிதம் போல (சிவா தம்பி பதிவு)அனுப்பப்படாத அனுதாபக் கடிதமா?

ரொம்ப ரொம்ப சூப்பர் செந்தில்

நீங்க சோகத்தை வெளிப்படையா கொட்டிட்டிங்க. அது போல அவுங்க கொட்ட முடியாதே . உள்ளுக்குள்ளே நினைத்து புழுங்கத் தான் செய்யனும்

மேற்கோள் செய்த பதிவு: 1068018

உள்ளுக்குள்ளே புழுங்கினாலும்
உள்ளதென்னவோ காதல் வலிதானே!!

(நான் குல தெய்வ கோவில் போகும்போது எதிரில் வந்த ஒரு ஆட்டோவில் அவள் பெயர் கண்டதால் வந்த வினை இது)

**M.M.SENTHIL** · **M.M.SENTHIL** Sat Jun 07, 2014 12:57 pm

யினியவன் wrote:நாய் வாலில் சரவெடி போல பொழப்பு நாறினாலும் அனுபவிக்கிறாங்கப்பா அருமையா

மேற்கோள் செய்த பதிவு: 1068016

நாய் வாலில் சரவெடி வெடித்தாலும் அது உடலுக்குண்டான வேதனை, இது மனதிற்கு உண்டான வேதனை, அனுபவிக்கனும், அனுபவித்தால் மட்டுமே மனிதன்.

**M.M.SENTHIL** · **M.M.SENTHIL** Sat Jun 07, 2014 1:13 pm

விட்டு, விட்டு பெய்கிறது மழை
வெளியில் செல்ல மனமில்லை,
ஊருக்கு சென்ற மகள் - வீடே
வெறிச்சோடிக் கிடக்கிறது!!

திண்ணையில் அமர்ந்து
சிறிது நேரம் கண்ணை மூடினேன்,
வானம் புகைப்படம் எடுக்கிறது மின்னலாய்,
இடி என் இதயம் வரை அதிர்கிறது!!

இதுபோல் என் இதயம் அதிர்ந்தது
என்னை மறந்துவிடு என்று நீ
சொன்ன அந்த கணம்தாம்!!

இடி வந்து உன் நினைவுகளை
மீண்டும் என்னுள் கிளறியது,
இப்போது நீ எப்படி இருப்பாய்??

நீ சிரித்தால் குழி விழுமே
அந்த சிரிப்பு இன்னும் இருக்கா?
சமயம் கடந்து வந்தால் கோபம் வருமே
அந்த கோபம் இன்னும் இருக்கா?

முகத்தில் முகப்பரு வந்தால்
என் அழகே போச்சுப்பா என்பாயே,
அந்த அழகு இன்னும் இருக்கா?

கோபம் வந்தால் பத்து வரை
எண்ணிக் கொள்வாயே - அந்த
பழக்கம் இன்னும் இருக்கா?

எது இல்லாமல் போகினும்
என் நினைவு உன்னில் இருக்கா?

**M.M.SENTHIL** · **M.M.SENTHIL** Sat Jun 07, 2014 1:43 pm

விமந்தனி wrote:
உன்னை மட்டுமே கேட்கிறேனே
நான் மட்டும் என்னவாம் - இதோ
நரைமுடி தெரிகிறது மீசையில்,
உன் நினைவுகள் மட்டுமே
இன்னும் இளமையாய்,
உள்ளது உள்ளபடி!!

அதற்குள் நரையா? இளநரை போலும்!

மேற்கோள் செய்த பதிவு: 1067969

தள்ளாடும் வயதில் வரும் நரையிலும் கடந்த காலத்து நினைவுகள் பசுமையாகவே இருக்கும்.

**ஜாஹீதாபானு** · **ஜாஹீதாபானு** Sat Jun 07, 2014 1:51 pm

M.M.SENTHIL wrote:விட்டு, விட்டு பெய்கிறது மழை
வெளியில் செல்ல மனமில்லை,
ஊருக்கு சென்ற மகள் - வீடே
வெறிச்சோடிக் கிடக்கிறது!!

திண்ணையில் அமர்ந்து
சிறிது நேரம் கண்ணை மூடினேன்,
வானம் புகைப்படம் எடுக்கிறது மின்னலாய்,
இடி என் இதயம் வரை அதிர்கிறது!!

இதுபோல் என் இதயம் அதிர்ந்தது
என்னை மறந்துவிடு என்று நீ
சொன்ன அந்த கணம்தாம்!!

இடி வந்து உன் நினைவுகளை
மீண்டும் என்னுள் கிளறியது,
இப்போது நீ எப்படி இருப்பாய்??

நீ சிரித்தால் குழி விழுமே
அந்த சிரிப்பு இன்னும் இருக்கா?
சமயம் கடந்து வந்தால் கோபம் வருமே
அந்த கோபம் இன்னும் இருக்கா?

முகத்தில் முகப்பரு வந்தால்
என் அழகே போச்சுப்பா என்பாயே,
அந்த அழகு இன்னும் இருக்கா?

கோபம் வந்தால் பத்து வரை
எண்ணிக் கொள்வாயே - அந்த
பழக்கம் இன்னும் இருக்கா?

எது இல்லாமல் போகினும்
என் நினைவு உன்னில் இருக்கா?

மேற்கோள் செய்த பதிவு: 1068034

சூப்பருங்க

**சிவா** · **சிவா** Sat Jun 07, 2014 3:13 pm

மறக்க முயற்சித்தேன் நானும்
மனைவி வந்தவுடன்
குழந்தை பிறந்தவுடன்,
ஆனாலும் ஒரு ஆச்சரியம்
அது மட்டும் முடியவே இல்லை!!

தோற்றுப் போகும் காதலுக்குத்தான் வலிமை அதிகமாம்! அதனால் தான் இவ்வாறு தோன்றுகிறது!

பழைய காதலியின் நினைவுகள் மனதிற்கு கிடைக்கும் இதமான வருடல்கள்! ஆனால் இவை கனவு போல் வந்து செல்ல வேண்டும்!

யினியவன் · யினியவன் Sat Jun 07, 2014 7:48 pm

M.M.SENTHIL wrote:

நாய் வாலில் சரவெடி வெடித்தாலும் அது உடலுக்குண்டான வேதனை, இது மனதிற்கு உண்டான வேதனை, அனுபவிக்கனும், அனுபவித்தால் மட்டுமே மனிதன்.

மேற்கோள் செய்த பதிவு: 1068029
அனுபவம் நமக்கு வாய்க்கலையே செந்தில்

**விமந்தனி** · **விமந்தனி** Wed Jun 11, 2014 12:26 am

சிவா wrote:
மறக்க முயற்சித்தேன் நானும்
மனைவி வந்தவுடன்
குழந்தை பிறந்தவுடன்,
ஆனாலும் ஒரு ஆச்சரியம்
அது மட்டும் முடியவே இல்லை!!

தோற்றுப் போகும் காதலுக்குத்தான் வலிமை அதிகமாம்! அதனால் தான் இவ்வாறு தோன்றுகிறது!

பழைய காதலியின் நினைவுகள் மனதிற்கு கிடைக்கும் இதமான வருடல்கள்! ஆனால் இவை கனவு போல் வந்து செல்ல வேண்டும்!

கனவு,
கனவுகளாகவே
இருக்கும் வரையிலும்,
நிஜந்தன்னை
உரசாதவரையிலும்
கனவுகள் சுகமானதே...
சுமக்கலாம்!

**M.M.SENTHIL** · **M.M.SENTHIL** Fri Jun 13, 2014 2:12 pm

அலைபேசி எண்ணை நான் வாங்கி
ஆறு வருடங்கள் கடந்திருக்கும்,
அனைவரும் மாற்றி விட்டனர்
அவர்களது எண்களை புதிது புதிதாய்!!

பழைய ரேடியோ என்று - என்னை
தினமும் கிண்டல் செய்யும்
எந்தன் நண்பர் கூட்டம்!!

அவர்களுக்கென்ன தெரியும்
இந்த எண்ணில் உன்னிடம்
நான் பேசி மகிழ்ந்த நாட்கள்!!

அலைபேசி வழியே பகிர்ந்தவை
ஆயிரம், ஆயிரம் இருக்குமே,
இப்போது நினைத்தாலும்
அவை மனதை நனைக்குமே!!

என்னவோ தெரியவில்லை,
நம் காதல் ஒன்று சேராது
இருவரும் ஒதுங்கி வந்த போதும்,
என் அலைபேசியில் – இதோ
இன்னமும் உள்ளது
உனது எண்கள் !!

எப்போதாவது நினைப்பேன்
அழைப்போமா என்று?
காரணமில்லா பயமொன்று
என்னை வந்து ஆட்கொள்ளும்!!

உனது எண்களை மட்டுமே
மனப்பாடம் செய்யாமல் – என்
இதயத்தில் பச்சை குத்தியுள்ளேன்,
ஆயுள் வரை மறக்க மாட்டேன்
என்று அடிக்கடி சொல்வாயே,
இன்னும் உன் இதயத்தில்
எந்தன் எண்கள் இருக்கா?

**M.M.SENTHIL** · **M.M.SENTHIL** Fri Jun 13, 2014 2:49 pm

நம்ம காதலை
என் வீட்டில் சொல்ல
இன்னும் எனக்கு
கொஞ்ச நாள் தேவை என்றாயே ,
இன்னுமா அந்த கொஞ்ச நாள் வரவில்லை!!

Sponsored content · Sponsored content

காதலிக்கு ஒரு கடிதம்

காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக